ලොව වැඩිම උද්ධමයක් සහිතව දැඩි ආර්ථික අර්බුදයකට මුහුණපා සිටින සිම්බාබ්වේ රජය විසින් සිය මුදල් ඒකකවල අඛණ්ඩව සිදුවන අගය පහළ වැටීම අවම කර ගැනීම සඳහා මේ මස (ජූලි ) අග සිට නව ව්‍යවහාරික මුදල් ඒකකයක්  ලෙස රන් කාසි හඳුන්වා දීමට තීරණය කර ඇත.

ඒ අනුව එරට සංචි බැංකු අධිපති ජෝන් පී මෑන්ගුඩ්‍යා ( John P Mangudya ) කියා සිටින්නේ කැරට් 22 රත්තරන් ට්‍රෝයි අවුන්සයක් අඩංගු මෙම රන් කාසි ජූලි 25 සිට ලබා ගත හැකි බවයි.

එරට වාර්ෂික උද්ධමන අනුපාතය 190% ට වඩා ඉහළ යාම හේතුවෙන්  මහ බැංකුවේ ප්‍රධාන පොලී අනුපාතිකය මේ මාසය තුළ  200% දක්වා දෙගුණයකටත් වඩා වර්ධනය වී ඇත. 

ඒ අනුව මෙම නව රන් කාසි  නිකුත් කිරීමත් සමග එරට රජය අපේක්ෂා කරන්නේ, ඇමරිකානු ඩොලරයට සාපේක්ෂව සිම්බාබ්වේ මුදල් ඒකයන්හි  අගය යම් තාක් දුරකට හෝ ඉහළ යනු ඇති බවයි.

මෙන්න බලන්න තවත් පුවත්