ඉන්ධන පිරවුම්හල් වෙත ඉන්ධන බෙදා හැරීම ආරම්භ කරන්නේ දැනට පෝලිම්වල ඇති වාහන ඉවත් කිරීමෙන් පසුව බව බලශක්ති අමාත්‍ය කංචන විජේසේකර මහතා පවසයි.

ජාතික ඉන්ධන බලපත්‍රය සහ අංක තහඩු පද්ධතිවල අවසාන අංකය යන දෙකම අනිවාර්ය කර ඉන්ධන බෙදා හැරීම ආරම්භ කරන බව ඔහු වැඩිදුරටත් කියා සිටී.

කාංචන විජේසේකර මහතා ඉන්ධන පිරවුම්හල් හිමියන්ගේ සංගමයේ නියෝජිතයන් හමුවී නව ක්‍රමවේදයට අනුව ඉන්ධන සැපයීම පිළිබඳව සාකච්ඡා කොට තිබේ.

මෙහිදී ඉන්ධන පිරවුම්හල් සේවකයින්ගේ මෙන්ම පාරිභෝගිකයින්ගේ ආරක්ෂාව සහ ඉන්ධන බලපත්‍ර ක්‍රමය හරහා ලියාපදිංචි කළ නොහැකි අවශ්‍යතා සඳහා ඉන්ධන නිකුත් කළ හැකි ක්‍රම පිළිබඳව ද ඔහු සාකච්ඡා කොට තිබේ.

සාකච්ඡාවේ දී අමාත්‍යවරයා ජූලි 19 වැනි දින පෙට්‍රල් භාණ්ඩ ගොඩබෑමෙන් පසු ඉන්ධන බෙදා හැරීම ආරම්භ කිරීමට තාවකාලික දිනයක් ලෙස ජූලි 21 වැනි දින ලබා දී ඇත.

කෙසේ වෙතත්, ක්‍රියාත්මක වන දිනයක් නුදුරේදීම නිල වශයෙන් ප්‍රකාශයට පත් කරන බව අමාත්‍යවරයා ට්විටර් පණිවුඩයක් නිකුත් කරමින් පවසයි.

newsmania.lk 

මෙන්න බලන්න තවත් පුවත්