දෙමව්පියන් නොමැති අවස්ථාවක නිවසේ තනිව සිටි 17 හැවිරිදි දැරියක් නිවස පිටුපස කැලෑබද ප්‍රදේශයකට ගෙන්වාගෙන සිටි පුද්ගලයෙක්ව ප්‍රදේශවාසීන් විසින් අල්ලාගෙන ගස්බැද පොලීසියට භාරදී තිබෙනවා.

තිස්සමහාරාම එකමුතුගම ප්‍රදේශයේ නිවසකින් එම සිද්ධිය වාර්තා වුණා.

සිද්ධිය දැක ඇති එම ගම්මානයේ කාන්තාවන් දෙදෙනෙකු උදව් ඉල්ලා සිදුකළ කෑගැසීමත් සමග එම පුද්ගලයාව අල්ලා ගැනීමට පිරිසට හැකිව තිබෙනවා.

25 හැවිරිදි සැකකරු විවාහකයෙකු වන අතර තිස්සමහාරාම විජිතපුර ප්‍රදේශයේ පදිංචිකරුවෙකු බව අනාවරණය වනවා.

17 හැවිරිදි දැරියගේ මව සඳහන් කළේ,

“මමයි මහත්තයයි රැකියාවට ගිය අවස්ථාවේ තමයි මේක වෙලා තියෙන්නේ. පසුගිය දවස්වල අපේ ගෙදරට ගල් ප්‍රහාරත් ගැහුවා. ඒත් අපි පොලීසි ගියේ නෑ. මේ සිද්ධියෙදි පොලීසිය ඇහුවා මොකක්ද කරන්න අවශ්‍ය කියලා. පස්සේ පැය ගාණක් සටහන් දාලා යන්න කිව්වා. අර පුද්ගලයාට පොලීසිය ගෙදර වගේ. පොලීසියේ ෆයිල් එහෙමෙහෙ කරන්නත් දීලා තිබුණා. දරුවාට අතවරයක් කරල ද කියලා බලන්න අපි මේ සිද්ධිය සම්බන්ධයෙන් වෛද්‍ය පරීක්ෂණයක් ඉල්ලුවා. ඒත් පොලීසියෙන් අපිට කිව්වා ඕනේ නම්
පුද්ගලිකව ඒක කරගන්න කියලා.”

මෙන්න බලන්න තවත් පුවත්