නව ගුවන් පාලම් හතරක් ඉදිකිරීම සඳහා මහාමාර්ග අමාත්‍යවරයා ඉදිරිපත් කළ යෝජනාවට කැබිනට් මණ්ඩල අනුමැතිය හිමිවූ බව සම කැබිනට් ප්‍රකාශක, වැවිලි අමාත්‍ය, වෛද්‍ය රමේෂ් පතිරණ සඳහන් කර සිටිනවා.

හංගේරියානු රජය හා ශ්‍රී ලංකා රජය අතර ඇති කරගත් මුල්‍ය සහයෝගිතාව ගිවිසුම යටතේ මෙරට යටිතල පහසුකම් සංවර්ධන ව්‍යාපෘති ක්‍රියාත්මක කිරීම සඳහා හංගේරියාවේ එක්සිම් බැංකුව හරහා සැපයෙන සහන මුල්‍ය පහසුකම් මත මෙම නව පාලම් ඉදිකිරීමට නියමිත බව රමේෂ් පතිරණ සඳහන් කළේ.

මෙම ගුවන් පාලම් මුත්තෙට්ටුගල දුම්රිය හරස් මාර්ගය, හිරිපිටිය හන්දිය, පස්යාල මංසන්ධිය, මීගමුව මාරිස්ටෙලා මංසන්ධිය සහ තලවතුගොඩ මංසන්ධිය යන ස්ථානයන්හි පවතින මාර්ග තදබදය අවම කිරීම සඳහා මෙම ව්‍යාපෘතීන් ක්‍රියාත්මක කිරීමට මාර්ග සංවර්ධන අධිකාරිය යෝජනා කර ඇති බවයි ඇමතිවරයා කියා සිටියේ.

රමේෂ් පතිරණ අමාත්‍යවරයා මේ බව පැවසුවේ රජයේ ප්‍රවෘත්ති දෙපාර්තමේන්තුවේදී අද (19) පැවති කැබිනට් තීරණ දැනුම්දීමේ මාධ්‍ය හමුව අමතමිනි.

හංගේරියානු මූල්‍ය සහයෝගිතාවය යටතේ මේ වන විටත් කොහුවල හා ගැලඹේ ගුවන් පාලම් දෙකක් ඉදිකෙරෙමින් පවතින බව ද ඇමතිවරයා ප්‍රකාශ කර සිටියා.

මෙන්න බලන්න තවත් පුවත්