රැකියාවේ මොනතරම් පීඩනය ආවත් හිතුමනාපේ මිනිමරන්න කිසිවකුටත් අයිතියක් නොමැති බව මහජන ආරක්ෂක අමාත්‍ය රියර් අද්මිරාල් (විශ්‍රාමික ) සරත් වීරසේකර ප්‍රකාශ කර සිටිනවා.

තිරුක්කෝවිල් පොලිසියේ දී පොලිස් සැරයන්වරයකු ටී 56 ගිනි අවියකින් වෙඩි තබා පොලිස් නිලධාරීන් සිව් දෙනකු ඝාතනය කිරීමේ සිද්ධිය සම්බන්ධයෙන් අදහස් දක්වමින් අමාත්‍යවරයා මේ බව සඳහන් කර සිටියේ.

සැකකාර පොලිස් සැරයන් නිවාඩු ඉල්ලූ බවට එය නොදුන් නිසා දැඩි පීඩනය මැද මෙම මෙවැනි තත්ත්වයක් සිදුව ඇති බවට ඔහුගේ මව කරන ප්‍රකාශය සම්බන්ධයෙන් සිදුකළ විමර්ශනයේදී සැරයන්වරයා එවන් නිවාඩුවක් ඉල්ලා නොමැති බවට අනාවරණය වූ බවයි අමාත්‍යවරයා වැඩිදුරටත් කියා සිටියේ.

රැකියාවේ මොනතරම් පීඩන ආවද ඔහු මනාප කිසිවකුටත් මිනීමරණ අයිතියක් නොමැති බවත් මෙම සිද්ධියෙන් වටිනා ජීවිත හතරක් පොලිසියට අහිමි වී ඇති බවද බව ද අමාත්‍යවරයා අවධාරණය කර සිටියා.

ස්ථානාධිපතිවරයා ද මෙම සිද්ධියේදී වෙඩි ප්‍රහාරයට ලක්ව තුවාල ලබා ඇති බවත් ඔහු සුව වී පැමිණි පසු මෙම සිද්ධිය සම්බන්ධයෙන් වැඩි විස්තර දැනගත හැකි බවයි මෙහිදී අමාත්‍යවරයා කියා සිටියේ.

මෙම සිදුවීම සම්බන්ධයෙන් තමන් දැඩි කනගාටුවට පත්වන බවද අමාත්‍යවරයා සඳහන් කර සිටිනවා.

මෙන්න බලන්න තවත් පුවත්