ශ‍්‍රී ලංකාවට ආසන්න නැගෙනහිර මුහුදු තීරයේදී ගිනි ගැනීමට ලක්වූ එම්.ටී.නිව් ඩයමන්ඞ් නෞකාවේ ග‍්‍රීක ජාතික කපිතාන්වරයාට සිතාසි ලද පසු කොළඹ මහාධිකරණයේ පෙනී සිටින ලෙස කොළඹ ප‍්‍රධාන මහේස්ත‍්‍රාත් අධිකරණය අද උපදෙස් ලබා දුන්නා. ඒ, එම නඩුව අද කොළඹ ප‍්‍රධාන මහේස්ත‍්‍රාත් මොහොමඞ් මිහාල් ඉදිරියේ කැඳවූ අවස්ථාවේදීයි.

එම සිද්ධියට අදාළව නැවේ කපිතන් හිරෝස් ඉල්යාස් නැමැත්තාට එරෙහිව නීතිපතිවරයා විසින් පසුගියදා කොළඹ මහාධිකරණයේ නඩු පවරා ඇති බව නියෝජ්‍ය සොලිසිටර් ජනරාල් දිලීප පීරිස් පවසා සිටියා. ඒ අනුව මහේස්ත‍්‍රාත් අධිකරණයේ නඩු කටයුතු අවසන් කිරීමටයි ප‍්‍රධාන මහේස්ත‍්‍රාත්වරයා අද තීරණය කළේ.

මෙන්න බලන්න තවත් පුවත්