කටුනායක බණ්ඩාරනායක ජාත්‍යන්තර ගුවන්තොටුපොළේ ශ්‍රීලංකන් ගුවන් භාණ්ඩ මෙහෙයුම් අංශයේ සේවකයෙක් කොවිඩ් -19 ආසාදිතයෙක් බවට තහවුරු වී තිබේ.

ශ්‍රීලංකන් ගුවන් සේවය නිවේදනයක් නිකුත් කරමින් මේ බව තහවුරු කර ඇත.

අද පෙරවරුවේ සිදුකළ පීසීආර් පරීක්ෂණයෙන් මේ බව තහවුරු වී ඇතැයි ශ්‍රීලංකන් ගුවන් සේවය සඳහන් කරයි.

එම ආසාදිත පුද්ගලයා ගම්පහ දිස්ත්‍රික්කයේ පදිංචිකරුවෙකු වන අතර ඔහු මේ වන විට රෝහල් ගතකර ඇතැයි ද එම නිවේදනයේ දැක්වේ.

වෛරසය වැළඳී ඇති කාර්ය මණ්ඩල සාමාජිකයා සමඟ රාජකාරී කළ සේවකයින් 50 දෙනෙකු මේ වන විට PCR පරීක්ෂණවලට භාජනය කර ඇත.

මෙන්න බලන්න තවත් පුවත්