පොලිස් බල ප්‍රදේශ 18කට පමණක් ඇඳිරිනීතිය ක්‍රියාත්මක වුවද කොවිඩ්-19 වසංගත තත්ත්වයේ අවදානම සියලු දිස්ත්‍රික්ක සඳහා පවතින බව නියෝජ්‍ය පොලිස්පති අජිත් රෝහණ මහතා පවසයි.

මුදල් පරිහරණයේදී එම වසංගත තත්ත්වය පැතිරයාමේ වැඩි අවදානයක් පවතින බවට මේ වන විට අනාවරණය වී ඇති බව නියෝජ්‍ය පොලිස්පතිවරයා සඳහන් කළේය.

එම නිසා මුදල් පරිහරණයේදී වැඩි සැලකිල්ලක් දක්වන ලෙස නියෝජ්‍ය පොලිස්පති අජිත් රෝහණ මහතා ජනතාවට දැනුම් දෙයි.

මේ අතර කොවිඩ්-19 වෛරසය තමාට වැළඳී ඇති බවට සැක සහිත පුද්ගලයින් සිටිනම් ඒ පිළිබඳ බිය නොවී වහාම ඒ පිළිබඳ සෞඛ්‍ය අංශ දැනුවත් කරන ලෙස වසංගත රෝග විද්‍යා අංශයේ ප්‍රධාන වසංගත රෝග විද්‍යාඥ වෛද්‍ය සුදත් සමරවීර මහතා පවසයි.

සෞඛ්‍ය අංශ විසින් ලබාදුන් උපදෙස් අනුව කටයුතු නොකිරීම හේතුවෙන් වසංගත තත්ත්වය යළි රට තුළ ව්‍යාප්තවිමට හේතු වූ බව මහාචාර්ය චන්න ජයසුමන රාජ්‍ය අමාත්‍යවරයා පැවසීය.

මෙන්න බලන්න තවත් පුවත්