බ‍්‍රැන්ඩික්ස් ආයතනයෙන් සැප්තැම්බර් 22 ගුවන් යානයට පෙර තවත් ගුවන් යාන දෙකකින් ඔවුන්ගේ සේවකයන් විදේශයන්හි සිට මෙරටට ගෙන්වා ඇති බව යුද හමුදාපති ශවේන්ද්‍ර සිල්වා මහතා සඳහන් කරයි.

ජුනි මස 25 වනදා 190 දෙනෙකුත් අගෝස්තු මස 08 වැනිදා තවත් එක 125 දෙනෙකුත් මෙසේ ගෙන්වූ බවත් ඒ මහතා පැවසීය.

ජූනි 25 පැමිණි ගුවන් යානයේ කොරෝනා පරීක්ෂණ සිදු කරද්දී 09 දෙනකු කොරෝනා ආසාදිත බව තහවුරු වූ බවත් අගෝස්තු 08 පැමිණි ගුවන් යානයේ පැමිණි අය නිරෝධායනය අතරතුරදී පරීක්‍ෂා කරද්දී කොරෝනා ආසාදිතයෙක් තහවුරු වූ බව ද ඔහු සඳහන් කළේ ය.

එම ගුවන් යානා දෙකේම සියලු පුද්ගලයන් නිරෝධායනයන සම්පූර්ණ කරන ලද බවත් ඔහු පැවසුවේය.

එමෙන්ම සැප්තැම්බර් මස 22 වන දින පැමිණ ගුවන් යානයේ පැමිණි 48 දෙනාගෙන් කිසිවෙකුට කොරෝනා ආසාදනය වී නොතිබුනු බවත් ඔවුන් නිසි පරිදි දින 14ක නිරෝධායන කටයුතු අවසන් කරන ලද බවත් ඔහු තව දුරටත් පැවසීය.

මෙන්න බලන්න තවත් පුවත්