රත්නපුර දිස්ත්‍රික්කයේ ජනතාව හැකිතාක් සංචාරණ කටයුතු සීමා කරන ලෙස දිස්ත්‍රික් ලේකම් මාලනී ලොකුපෝතාගම මහත්මිය ඉල්ලා සිටියි.

ඇදිරි නීතිය පනවා නැතත් කොරෝනා අවදානම හේතුවෙන් එසේ කටයුතු කරන්නැයි ඇය ඉල්ලා සිටියාය.

දිස්ත්‍රික්කයේ සියලුම උපකාරක පන්ති නවත්වා දැමීමටද දිස්ත්‍රික් කොරෝනා මර්ධන කාර්ය සාධක කමිටුව තීරණය කර තිබේ.

මිනුවන්ගොඩ ඇගළුම් කර්මාන්ත ශාලාවේ සේවය කළ කිහිප දෙනෙක් හා ඔවුන්ගේ ආශ්‍රිතයන් නිවිතිගල, උඩවලව කිරිඇල්ල, ඉඹුල්පේ ප්‍රදේශවලට පැමිණ ඇති නිසා ඒවායේ ජනතාව වඩා අවධානයෙන් සිටින ලෙස ද ඇය ඉල්ලා සිටියාය.

මේ වන විට දිස්ත්‍රික්කයේ පදිංචිකරුවන් 55 දෙනෙකු ස්වයං නිරොදායනයට ලක් කර තිබේ.

මෙන්න බලන්න තවත් පුවත්