යෝජිත විසි වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පතේ සහ 19 ආණ්ඩුකම ව්‍යවස්ථා සංශෝධනයේ අඩුපාඩු පෙන්වමින් පාර්ලිමේන්තු මන්ත්‍රී විජයදාස රාජපක්ෂ මහතා විසින් ජනාධිපති ගෝඨාභය රාජපක්ෂ මහතාට විශේෂ ලිපියක් යවා ඇත.

එම අඩුපාඩු විසඳාගත හැකි විකල්ප ක්‍රම ද එමගින් අවධාරණය කර තිබේ.

එකී සංශෝධනයන් සිදු නොවන්නේ නම් මහජන පරමාධිපත්‍යයට ගරුකරන්නෙකු ලෙස 20 වන සංශෝධනය සහය දිය හැකිද යන ප්‍රශ්නය තමන්ට මතු වණ බව එම ලිපියෙන් ඔහු මතුකරයි.

එමෙන්ම විසිවෙනි සංශෝධනයේ බලතල වර්තමාන ජනාධිපතිවරයා විසින් භාවිතා කරද්දී රටට හානියක් සිදු නොකලද ඉදිරියේදී ප‍්‍රශ්න ඇතිවිය හැකි යැයි ද එම ලිපියෙන් පෙන්වා දී ඇත.

විජේදාස රාජපක්ෂ මහතා විසිවන සංශෝධනයට නිල වශයෙන් මත දැක් වූ ප්‍රථම අවස්ථාව මෙයයි.

කැබිනට් මණ්ඩල පිහිටුවීමේදී ඔහුට යෝජනා වූ රාජ්‍ය අමාත්‍යධූරය බාරගැනීම ප්‍රතික්ෂේප කලේය.

මෙන්න බලන්න තවත් පුවත්