පාර්ලිමේන්තුව ඉදිරිපත් කර ඇති විසි වන ආණ්ඩු ව්‍යවස්ථා පනත් කෙටුම්පතට පාර්ලිමේන්තුවේ තුනෙන් දෙකක් සහ ජනමත විචාරණයක් අවශ්‍ය යැයි ශ්‍රේෂ්ඨාධිකරණය තීන්දු කළහොත් ඒ අනුව කටයුතු කිරීමට රජය සූදානම් බව අධිකරණ ඇමැති ජනාධිපති නීතිඥ අලි සබ්රි මහතා සඳහන් කරයි.

නීතියට පිටින් කටයුතු කිරීමට රජය කිසිම අවස්ථාවක අදහස් නොකරන බවද ඔහු සඳහන් කළේය.

රජය අධිකරණයටද පාර්ලිමේන්තුවට ද ඉතා සාවධාන වන ඔහු පැවසීය.

ඇමතිවරයා තවදුරටත් පෙන්වා දෙන්නේ මෙම සංශෝධනය සිදුවන්නේ පැවැති ආණ්ඩු ක්‍රම ව්‍යවස්ථාවට යාම බවත් මෙහි මූලික අරමුණ වේගවත් ආර්ථික සංවර්ධනයක් අත්පත් කර ගැනීම බවත්ය.

කෙසේ නමුත් ශ‍්‍රී ලංකා පොදුජන පෙරමුණේ සභාපති අමාත්‍ය ජී එල් පීරිස් මහතා සඳහන් කරන්නේ ජනමත විචාරණයට තුඩු දෙන කරුණු කිසිවක් මෙම ව්‍යවස්ථා සංශෝධනයේ අඩංගු නොවන බවයි.

මෙන්න බලන්න තවත් පුවත්