මෛත්‍රීපාල සිරිසේන මහතා සෞඛ්‍ය ඇමතිව සිටියදී සම්මත කළ ඖෂධ පනත යම් පාර්ශව විසින් අවසාන මොහොතේ දී විකෘති කළ බවට පසුගිය කාලයේදී චෝදනා එල්ල විය.

විශේෂයෙන්ම එම පනත් කෙටුම්පතේ අඩංගු වූ රූපලාවන්‍ය ද්‍රව්‍ය නියාමනය නිදහස්වූ ප්‍රතිපාදන අවසන් මොහොතේදී කෙටුම්පතින් වෙනස් කිරීම සඳහා පසුගිය කාලය පුරාම විශේෂයෙන්ම රූපලාවන්‍ය ද්‍රව්‍ය ආනයනය කොට රට පුරා බෙදා හරින ජාවාරම්කරුවන් පිරිසක් බිහි වූ බවට චෝදනා එල්ල විය.

ඊට අමතරව එම පනතේ දුර්වලතා නිසා රට තුලට අලෙවි කරන ඖෂධ වල මිල සහ ගුණාත්මකභාවය පාලනය කිරීමද දුෂ්කර වී ඇති බවට විවිධ විද්වතුන් අදහස් පළ කරන ලදි.

දැන් මෙම සියලු කරුණු සැලකිල්ලට ගෙන පනතේ අඩුපාඩු සකස්කොට ඉන් ගලවා ඉවත් කළ රූපලාවන්‍ය පාලනය සඳහා වූ ප්‍රතිපාදන නැවත ඇතුල් කිරීම සඳහා රාජ්‍ය අමාත්‍ය මහාචාර්ය  චන්න ජයසුමන මහතා විසින් ක්‍රියාන්විතයක් දියත්කොට ඇති බව වාර්තාවේ.

ඒ පිළිබඳ අදහස් දැක්වූ ජ්‍යේෂ්ඨ වෛද්‍යවරයෙකු සදහන් කළේ මහාචාර්ය සේනක බිබිලේට සාධාරණය ඉටු කිරීමට මහාචාර්ය චන්න් ජයසුමන සමත්වනු ඇති බවය. ජනාධිපතිවරයාගේ ආශිර්වාදය සහ ඇමති පවිත්‍රා වන්නිආරච්ච මහත්මියගේ සහාය ඊට ලැබෙනු ඇතැයිද ඔහු විශ්වාසය පළ කළේය.

මෙන්න බලන්න තවත් පුවත්