ඊයේ දිනයේ මහනුවර බූවැලිකඩ ප්‍රදේශයේ පස් මහල් ගොඩනැගිල්ල ගිලා බැසීමට මීට පෙර එම ප්‍රදේශයේ සිදු වූ භූ කම්පන ද බලපාන්නට ඇතැයි පේරාදෙණිය විශ්වවිද්‍යාලයේ භූ විද්‍යා අංශයේ මහාචාර්ය අතුල සේනාරත්න මහතා සඳහන් කරයි.

ගිලා බැසීම සිදු වූ ස්ථානයේ පස් කට්ටුව ගලාගෙන ගොස් ඇති බවද නිරීක්ෂණය වූ බව ඔහු සඳහන් කළේය.

මීට සති කිහිපයකට පෙර ප්‍රදේශයේ සිදු වූ භූ කම්පනය හා මේ දිනවල ප්‍රදේශයට ඇද හැලෙන අධික වර්ෂාව නිසා එසේ සිදුවන්නට ඇතැයි ද ඔහු පැවසීය.

මෙම ඉදිකිරීම නිසි ලෙස භූ විද්‍යා පරීක්ෂණයක් සිදු නොකර වසර දහයකට පමණ පෙර සිදුකරන ලද ඉදිකිරීමක් වන්නට ඇති බව ද ඔහු පැවසීය.

වසර දහයකට පහළොවකට පෙර ගොඩනැගිලි ඉදිකිරීමේදී භූ විද්‍යා ගවේශන සිදු කිරීමක් වර්තමාන යෙදීමෙන් අනිවාර්ය කර නොතිබූ බවද ඔහු තවදුරටත් කියා සිටියේය.

එම ගොඩනැගිල්ල ගිලා බැසීම නිසා එකම පවුලේ මව පියා මහ කුඩා දරුවෙකු මිය ගියේය.

මේ වන විට එම ප‍්‍රදේශයේ පදිංචි පවුල් කිහිපයක් ඉවත් කිරීමට කටයුතු කර ඇත.

මෙන්න බලන්න තවත් පුවත්