පුංචි තිරයෙත් සිනමා තිරයෙත් ආන්දොලනාත්මක චරිත නිරූපණයේ යෙදෙන රංගන ශිල්පිනියක් විදිහට සේමිණි ඉද්දමල්ගොඩ හඳුන්වා දෙන්න පුළුවන්.
සේමිණි පසුගිය දවසක සරසවිය සමඟ සම්මුඛ වෙමින් ඇගේ රංගන ඉතිහාසයේ රසමුසු තැන් මේ විදිහට හෙළි කර තිබුණා.
වේදිකා නාට්‍ය ගත්තම, බුද්ධික දමයන්තගේ ‘පුංචි ආදර බලකිරීමක්’ නාට්‍යයේ ඔබ කළ සම ලි ගික චරිතය කැපී පෙණුනා?
ඒ චරිතේ රඟපානකොට ෆීල්ඩ් එකට මම අලුත්.. මම ඒ සමලිගික කතා ගැන ලොකුවට දැනගෙන හිටියේ නෑ. මට ඕනේ වුණා ඒ වගේ කෙනෙක් ආශ්‍රය කරන්න. මට ඒ වගේ අය ගොඩක් හම්බුණා. කාන්තාවන්ට වඩා පිරිමි අයව තමයි හම්බුණේ. ඒක රඟපාන්න මම කිසි දෙයක් දැනන් හිටියේ නැ. ඒ නිසයි ඕනේ උනේ ආශය කරන්න. මම මිතුරියන්ට කිව්වට පස්සෙ මට ඒ වගේ කෙනෙක්ව මුණ ගැස්සුවා. හරිම ශෝක් එයා. මම නම් ගම් කියන් නෑ. ඇත්තටම මම එයාගේ චරිත ලක්ෂණ තමයි අනුකරණය කළේ පුංචි ආදර බල කිරීමක් කියන වෙදිකා නාට්‍යයේ. එයාගේ ගමන් විලාසය පවා අනුකරණය කළා.. හොඳම නිළිය සම්මානය හම්බුණා ඒකට. තාමත් එයා මගේ යෙහෙළියක්, හරිම සුන්දර යාලුවෙක්. ඒගොල්ලො වරදක් මම දකින් නෑ.. ඒක එයාලා තෝරගත්ත එයාලගේ ජීවිතේ..
පැරණි පුවත් – අනියම් බිරිය යැයි සිතා සැමියාගේ යතුරු පැදියේ ගිය නෑනාට කුඩෙන් තඩි බාලා
වැරදි කණ්ණාඩියෙන් බලා සැමියාගේ යතුරු පැදියේ පිටු පස සිටි නෑනාට කුඩයක් කැඩෙන තෙක් නෙළු නෝනා කෙනෙක් පිළිබඳව දකුණේ නගරයකින් වාර්තාවේ.
දෙදෙනාම එකම නගරයේ දෙතැනක රැකියාව කළහ. සැමියා වැඩ කරන තැනින් ඔහු පිළිබඳ ලැබුණු තොරතුරු ඒතරම්ම යහපත් වූ ඒවා නොවීය. එය කනින් කොනින් ලැබුණු තොරතුරු නිසා ඇය ඒවායේ නොඑල්ලු‍ණාය. එහෙත් ඒවා බැහැර නොකර යටි සිතේ ගබඩා කරගෙන සිටීමට ද අමතක නොකළාය.
එදා දහවල සිය ආයතනය ආසන්නයේ ඖෂධ අලෙවි සලකට ගොඩවීමට ඇය ගියේ හදිසි අවශ්‍යතාවක් සඳහා යම් දෙයක් මිලදී ගැනීමටය. එසේ යන දිහාවේ තමා යන දිහාවට මුහුණලා සිය සැමියා නතර කරගෙන සිටි යතුරු පැදියට ඖෂධ අලෙවි සලෙන් කඩිමුඩියේ එළියට පැමිණි කතක් හිස් ආවරණයක් ද පැලද ගොඩවනු දුටු කළ දෙඇස් පැටළුනු ඇයට දෙලොව සිහිවිය.
ඒ සමගම මරු විකලෙන් මෙන් ඉදිරියට දිව ගිය ඇය අත මිට මොලවා ගෙන සිටි කුඩයෙන් සැමියාගේ යතුරු පැදියේ පිටුපස වාඩිවී යාමට සූදානම්වූ කාන්තාවට අත දිගහැර නෙළුවේ අද අතටම අසුවුණා යයි කියමිනි.
සැමියා යතුරු පැදිය හරවාගෙන සිටි අන්තයේ කුලියට කාමර දෙන තැන් අනන්තවත් ඇති හෙයින් සහ තමා සහේට ගත් දා සිට තමා හැර වෙනත් කාන්තා පරාණයක් ඔහු යතුරු පැදියේ නංවාගෙන යනු නොදුටු නිසාත් ඖෂධ අලෙවි සලට කාන්තාව ගොස් ඒමත් සමගම ඇය තව තවත් අවේශවී මේ කතට කුඩෙන් ගැසුවාය.
‘‘ඕයි මොකද මේ අඳුනන්නේ නැද්ද? මේ මගේ නංගි…. අපේ තාත්තාට අමාරුයිලු නංගියි මායි මේ පාමසියෙන් බෙහෙතක් අරන් ඉස්පිරිතාලෙට යන්න යනවා. ඔහේටවත් කියන්න වෙලාවක් වුණේ නැහැ. නංගි මට තාත්තාගේ තත්ත්වය කිව්වේ නංගි බෙහෙත් ගන්න පාමසියට ආපු වෙලාවේ. මමයි කිව්වේ නංගිට මම එනකම් ඉන්න කියලා, යැයි ඔහු කීවිට ඇය දෙවරක් නොසිතා නෑනාගෙන් සමාව අයැද සිටියාය.
