මෙසේ මියගොස් ඇත්තේ ගම්පොළ නාරංවිට බණ්ඩාරවත්ත පදිංචි බෝපාවිට ගෙදර ශාන්ති කුමාරී නැමති පනස් හැවිරිදි සිව් දරු මවකි.
ඇයට ගැහැනු දරුවන්ම සිව් දෙනකු සිටින අතර ඉන් තිදෙනකු ම පාසල් යන වයසේ පසුවෙති.
ඇගේ සැමියා පුද්ගලික ආයතනයක කම්කරුවකු ලෙස සේවය කරන අතර මියගිය තැනැත්තියට රැකියාවක් නොමැති බවද අනාවරණය විය.
සැමියා උපයන සුළු ආදායම පවුලේ නඩත්තුවට ප්‍රමාණවත් නොවීම නිසා පාසල් ළමුන්ගේ උපකරණ සැපයීම, ආහාර සපයාගැනීම ,බෙහෙත් ගැනීම ආදී කාර්යයන් ඉටු කර ගැනීමේදී අසීරු තත්වයක මොවුන් සිට ඇත.
බොහෝ ආහාර වේල් සපයා ගැනීම සඳහා කොස් පොළොස් සොයා ගැනීම මෙම මව සිදුකර ඇති අතර පසුගිය 10 දින ද ඇය ඒ අනුව දහවල් ආහාර වේල සකසා ගැනීමට උත්සාහ කරමින් සිට ඇත.
නිවස අසල කොස් ගසේ ගෙඩියක් තිබෙනු දැක එය කඩා ගැනීමට ඇය විවිධ උත්සාහයන් දරා ඇත. දිගු රිටකට පිහියක් බැන්දද එයට වඩා උසින් කොස් ගෙඩිය තිබෙන නිසා ඒ දේ ඉටුකර ගැනීමට නොහැකි වී තිබේ. ඇය කොස් ගස අසල ඇති සාදික්කා ගසට නැඟ මෙම ගෙඩිය කැඩීම උත්සාහ කර ඇත .
සියලු උත්සාහයන් දැරුවද එය අසාර්ථක වුවද දරුවන්ගේ කුස ගිනි ගැන සිතූ ඇය කොස්ගෙඩිය කැඩීමට ගසට නැග තිබේ .
ඒ සමඟ ලොකු ශබ්දයක් ඇසී දරුවන් ගස අසලට පැමිණෙන විට ඇය ගස ළඟ වැටී සිටින බව දැක ගම්වාසීන්ගේ සහාය ලබාගෙන ඇය ගම්පොල රෝහලට රැගෙනවිත් ඇත.
දින පහක් පමණ ඇය රෝහලේ ප්‍රතිකාර ලබා ව ඇය ජීවිත ගමනින් නික්ම ගියාය.
පැරණි පුවත් – මට මගේ තාත්තට හරියට සලගන්න බැරි වුනා එකට හරියන්න මම බිරිඳගේ තාත්තට සැලකුවා – කාවිංග පෙරේරා
අපේ කළා ලෝකයේ ඉන්න දක්ෂ වගේම කඩවසම්ම රංගන ශිල්පියෙක් තමයි කාවිංග පෙරේරා කියන්නේ, කාවිංග කළා කේෂ්ත්‍රයට සම්බන්ද වෙන්නේ නිවේදකයෙක් විදියට, හැබැයි කාලයත් සමග කාවිංග රංගන ශිල්පියෙක් විදියට හැමෝගෙම ආදරේ දිනාගන්න සමත් වෙනවා, ඉතින් අපි අද කතා කරන්න සූදානම් වෙන්නේ කාගේත් ආදරේ දිනාගෙන ඉන්න කාවිංග සමග, ඉතින් කාවිංග මොකද කරන්නේ මේ දවස්වල ”මේ දවස්වල නිවේදන වැඩ ටිකක් වගේම රංගන ක්‍ෂේත්‍රයේ නිර්මාණ කිහිපයකටත් සම්බන්ද වෙලා ඉන්නවා, ඒවා තමයි ඉතින් අලුත් වැඩ”
කාවිංග කියන්නේ දැන් ජනප්‍රිය චරිතයක් නේ ඉතින් කොහොමද දැන් ලැබෙන ජනප්‍රියත්වය දැනෙන්නේ ”මෙහෙමයි මම දකින විදියට ඕනෑම කෙනෙක්ට ජනප්‍රිය වෙන්න පුළුවන් හැබැයි ඒ ජනප්‍රියත්වය පවත්වාගෙන යන්න තමයි අමාරු, ඉතින් දක්ෂ වෙන්න ඕන ජනප්‍රිය වෙන්න නෙවෙයි ලැබෙන ජනප්‍රියත්වය පවත්වාගෙන යන්න, ඉතින් මම ඒ දේ උපරිමෙන්ම කරගෙන යන්න උත්සහ කරගෙන යනවා, මම හිතනවා මගේ උත්සාහය සාර්ථකයි කියලා,”
කාවිංග කියන රංගන ශිල්පියා නිතර නිතර පේන්න නෑ, මොකද කාවිංග කියන්නේ වැඩ පැහැරහරින කෙනෙක්ද..? ”මෙහෙමයි මම සමහර නාට්‍ය මම භාරගන්නේ නෑ, මම මට ලැබෙන ඔක්කොම නිර්මාණ බාරගත්තොත් ඒක අනිත් අයට කරන ලොකු අවාසියක්, සාමාන්‍යයෙන් මම වෙලාවට වැඩ කරන කෙනෙක්, මට කියපු වෙලාවක් මිස් වෙන්නේ බොහොම කලාතුරකින්, මට සමහර දේවල් අතපසුවෙන්නේ යාලුවන්ගේ සතුට වෙනුවෙන්,
කාවිංග ගේ ජීවිතය ගැන ආපස්සට හැරිලා බැලුවම මොකද හිතෙන්නේ ”මට මගේ ජීවිතේ එක තැනක වැරදුනා කියලා මම හිතනවා, ඒ තමයි මම මගේ තාත්තගේ නැතිවීමට වගකියන්න ඕන කියලා මම හිතනවා, මගේ පැත්තෙන් එයාට ආව පෙෂර් එකත් ඒකට හේතුවක් වෙන්න ඇති කියලා මට හිතෙනවා, මම මට කරන්න පුළුවන් උපරිමෙන්ම අප්පච්චිට සැලකුවා, මම අතීතය හාරඅවුස්සන්න කැමති කෙනෙක් නෙවෙයි, හැබැයි මගේ අතින් වෙච්ච වැරදි හදාගන්න මට අවස්තාවක් ලැබුනා, මම මගේ බිරිඳගේ තාත්තා එක්ක මාස හයක් කැන්සර් හොස්පිටල් එකේ හිටියා එයාට සාත්තු කරගෙන”
