මේ දිනවල ඉතාම ජනප්‍රිය ටෙලිනාට්‍යයක් වන ‘පාර දිගේ’ ටෙලිනාට්‍යයේ රුවිනි විදියට කාගේත් බැනුමට හසුවන චරිතයක් තමයි ජනප්‍රිය රංගන ශිල්පිනියක් වන නිත්‍යා දේවින්දි රංගනය කරන්නේ. ඉතින් ඇගේ රංගනය සාර්ථකයි කියන කාරණයට හොදම උදාහරණය තමයි ඇයට ප්‍රේක්ෂකයන්ගෙන් ලැබෙන බැනුම් ප්‍රතිචාර.
ඉතින් ඒ වගේම දක්ෂ රංගනයක යෙදෙන නිත්‍යා දේවින්දි කලා ක්ශේෂ්ත්‍රයට ප්‍රවේශ වුණේ දෙරණ අවුරුදු කුමරිය තරගාවලිය හරහා අවසන් දොළොස් දෙනා අතරට තේරී පත් වෙලා. ඉතින් අවසන් 12න් පසු රංගන වරම් උදා කරගත්ත නිත්‍යා විවාහ වෙලා ඉන්නේ ක්ශේෂ්ත්‍රය තුළ නිෂ්පාදකවරයෙක් වන ගීත් සමගින්.
ඉතින් ගීත් සහ නිත්‍යා ආදර කතාව පටන් ගත්ත විදිය ගැන මේ විදියටයි නිත්‍යා අදහස් දක්වලා තිබුණේ.
” ගීත්ව මට මුණගැහුණෙ මම රංගනයට ආවම. ඒ කාලේ මම ජනප්‍රිය චරිතයක් නෙමෙයි. මම ජනප්‍රිය නැති කාලේ ගී මාව ආදරෙන් ඔහුගේ ජීවිතේට එකතු කරගත්තා. රණවිරු සෙවණ ඉවෙන්ට් එකකට මට ආරාධනා කරලා තිබූනා. මම එයාගේ වාහනේ ගියේ. මම යාලුවෝ එක්ක ගියේ. ටික දවසකට පස්සේ ගීත් ඇහුවා අපි බදින්නෙ කවද්ද කියලා. මම කිව්වා ඔක්කොටම කලින් ගෙදරින් අහන්න කියලා. අන්තිමට ආදරේ නොකියම අපි දෙන්නා මාස තුනකින් විවාහ වුණා.”
මේ විදියටයි නිත්‍යා දේවින්දි ඇගේ සැමියාව ඇයට මුණ ගැසුනු ආකාරය ගැන අදහස් දක්වලා තිබුණේ.
පැරණි පුවත් – එයාගේ වර්තමාන බිරිඳ කැමති නෑ අපිත් එක්ක ගනුදෙනු කරනවට- උපේක්ෂා ස්වර්ණමාලි මෙතෙක් නොකියූ කතාව
උපේක්ෂා ස්වර්ණමාලි කියන්නෙ රංගන ශිල්පිනියක් විදිහට කාගෙත් ආදරය දිනාගත්ත කෙනෙක්.
පස්සෙ කාලෙක ඇය දේශපාලන පිටියත් පිවිසුණා ඔබට මතක ඇති.
ඒ කොහොම වුණත් ඇය තමන්ගේ දේශපාලන ආගමනය ගැන ජනතාවගෙන් සමාව අයැද සිටියා.
ඇය කියා තිබුණේ ඇගේ එම තීරණය ඇගේ කැමැත්තකින් තොරව ගත් එකක් බවයි.
ඇය ඇගේ පියා ගැන මෑතක වැඩසටහනකට එක්වෙමින් අදහස් දක්වා තිබූ අතර, ඇය එහිදී සංවේදීව මෙසේ කියා තිබුණා.
“ඇත්තටම මම තාත්තා ගැන කතා කරන්න හරි ආසයි. මගේ තාත්තව මම දන් නෑ. ආශ්‍රයක් නෑ… මම අවුරුදු දෙක තුනකට කලින් කැනඩාවට ශෝ එකකට ගියා. තාත්තාගේ අක්කයි දුවයි මට කතා කළා. හැබැයි මගේ තාත්තා කතා කරන්න කැමති වුණේ නෑ. එයාගේ වර්තමාන බිරිඳ කැමති නෑ අපිත් එක්ක ගනුදෙනු කරනවට. මට ඒක තේරුම් ගන්න පුළුවන්. මගේ පවුලට උන හානිය ඒ පවුලට කරන්න අකැමැති නිසා මම කරදර දෙන්න ආස නෑ. තාත්තා ගැන ලොකුවට කතා කරන්න දෙයක් දන් නෑ. හැබැයි බොරු කියන්න ඕනේ නෑ. මගෙ ඇඟේ ඒ දමිළ තාත්තගෙයි සිංහල අම්මගෙයි ලේ දුවනවා. ඒ හැඟීම වචනවලින් කියන්න තේරෙන් නෑ. මම දෙමළ දන්නෙත් නෑ. ඒත් ජානවලින් ආපුදේ නිසා ආසයි. තාත්තා හම්බුනොත් දවසක.. මව හැදුවට ස්තුතියි කියනවා. එයාව තේරුම් ගන්න මට බැරි කමක් නෑ…”
