රංගන ශිල්පිනියක් විදියට ප්‍රේක්ෂක ආදරේ නොඅඩුව දින්නාගන්න සමත්වුණ සුන්දර රංගන ශිල්පිනියක් තමයි රොෂානා ඔන්ඩච්චි කියන්නේ, ලංකාව තුල අතිශය ජනප්‍රිය වුන ටෙලිනාට්‍ය රැසකට ඇය සිය රංගන දායකත්වය ලබා දීලා තියෙනවා, ඉතින් අද අපි කතා කරන්න සුදානම් වෙන්නේ ඔයාලා හැමෝම ගොඩක් ආදරේ කරන රොෂානා ඔන්ඩච්චි ගැන, ඉතින් රොෂානා ඇත්තටම රොෂානා කියන්නේ කවුද..? ”මම යකඩ ගැහැනියක්, මම මගේ ජීවිතේ හොඳම කාලේ ගොඩක් දුක් වින්ද කෙනෙක්. හැබැයි මම අද ගොඩක්ම හොඳ තැනක ඉන්නවා, හැබැයි ඒ සමාජයේ නරක විදියට ඉඳලා නෙවෙයි මම මගේ ජීවිතේ ගොඩනගාගත්තේ හරි විදියට, ඉතින් මට ආඩම්බරයි ඒ ගැන”
රොෂානා විලාසිතා තෝරාගැනීමේදී සැලකිලිමත් වෙන්නේ කොහොමද..? ”මෙහෙමයි මම ඉස්සර ගොඩක් විලාසිතා කළා, කොටට ඇන්දා එක එක ෆැෂන් කළා, ඉතින් දැන් ඒ කාලේ ඉවරයි මට දැන් ඇඳුම් තොරලා දෙන්නේ මගේ දුව, කාලයක් මම මෝස්‌තර නිරූපිකාවක විදියට වැඩ කළා, හැබැයි දැන් දුව නිසා හොඳට තෝරලා බේරලා තමයි ඇඳුම් අඳින්නේ, මොකද අපි විලාසිතා කළා වගේ නෙවෙයි ළමයි ගැනත් හිතන්න ඕන නේ, හැබැයි ඉතින් මම කැමති මට පහසු විදියේ ඇඳුම් අඳින්න”
රොෂානා ජීවත් වෙන්නේ දුවත් එක්ක තනියම ඉතින් මේ ගෙවෙන ජීවිතේ කොහොමද දැනෙන්නේ..? ”දරුවෙක් එක්ක කාන්තාවක් තනිවුනාම සමාජයේ ගොඩක් අය ඒ කාන්තාව දිහා බලන්නේ හරිම නරක විදියට, හැබැයි අපි නිතරම හොඳට ඉන්නවනම් ඒ දේවල් අපිට අදාළ වෙන්නේ නෑ, මම දුවට උනත් කියන්නේ කවදාවත් කාටවත් අපේ මූනට ඇඟිල්ල දික් කරන්නේ නැති විදියට ජීවත් වෙන්න කියලා, මම මගේ දුවට ගොඩක් ආදරෙයි ඉතින් මට ඕන මගේ දුව කාගෙන්වත් වචන අහන්නේ නැති විදියට හදන්න,”
රොෂානා ලැබෙන හැම චරිතයක්ම බාර ගන්නා නිළියක්ද ”නැහැ මම මට ලැබෙන හැම චරිතයක්ම බාරගන්නේ නෑ, තෝරලා බේරලා හොඳම චරිත වලට විතරයි මම රංගන දායකත්වය ලබාදෙන්නේ, මගේ වෘත්තීය රංගනය ඉතින් මම රඟපාන්න ඕන හැබැයි දුවෙක් ඉන්න අම්මා කෙනෙක් විදියට එහෙම බෑ, ඉතින් හැමදේම ගැන හිතලා මට සුදුසු චරිත වලට මම මගේ රංගන දායකත්වය ලබාදෙනවා”
පැරණි පුවත් – මම විලාසිතා කරද්දී දුඹුරු පාට හැරෙන්න ලෝකේ තියෙන ඕනෑම පාටක ඇඳුම් අඳිනවා මම දුඹුරු පාට ඒවා පෙන්න බෑ – හින්දි නිලියක් වගේ ලස්සන පියුමි ශ්‍රී නායක
මේ දවස්වල ලංකාවේ බහුතරයක් නරඹන ආදරණීය ටෙලිනාට්‍යක් තමයි ස්වර්නවානිනී නාලිකාවේ විකාශනය ‘පාරදිගේ’ ටෙලිනාට්‍ය, ඉතින් මේ නාට්‍ය හරහා හැමෝගේම ආදරේ දිනාගන්න සමත්වුණ දක්ෂ වගේම සුන්දර රංගන ශිල්පිනියක් තමයි පියුමි ශ්‍රීනායක කියන්නේ, ඉතින් අපි අද කතා කරන්න සූදානම් වෙන්නේ දුටුවන්ගේ නෙත් වශී කරනවන සුන්දර රුවකට හිමිකම් කියන පියුමි ශ්‍රීනායක සමග,
ඔබට හිතෙන විදියට ඔයාට ගැලපෙනම විලාසිතා මොනවද..?
‘මට ගැලපෙනම විලාසිතා තමයි ඉන්දියානු විලාසිතා, මගේ මුහුණේ හැඩයි ඇඟේ පැහැයයි නිසා මම හින්දි විලාසිතා කරද්දී ගොඩක් අය කියනවා මම හින්දි නිලියක් වගේ කියලා, මම විලාසිතා කරද්දී දුඹුරු පාට හැරෙන්න ලෝකේ තියෙන ඕනෑම පාටක ඇඳුම් අඳිනවා මම දුඹුරු පාට ඒවා පෙන්න බෑ, අනිත් හැම පාටක්ම මට ලස්සනයි කියලයි මට හිතෙන්නේ,”
අපි දකිනවා ඔබ ඔබටම ආවේනික විලාසිතා කරනවා, ඉතින් ඒ ඇඳුම් නිර්මාණය කරගන්නේ ඔබමද..?
”ඇත්තම කියනවනම් නැහැ, මට මම වෙනුවෙන්ම ඇඳුම් නිර්මාණය කරන කෙනෙක් ඉන්නවා, එයා තමයි රුවන් චාමර මල්ලි, එයා මට නිර්මාණය කරලා දෙන එක ඇඳුමක් මම අඳින්නේ එක පාරයි, ඉතින් ඒ නිසා එයා අලුත් අලුත් ඇඳුම් ගොඩක් මට හදලා දෙනවා, ඇත්තම කියනවනම් එයා අති දක්ෂයෙක්”
විලාසිතා වෙනුවෙන් ලොකු මුදලක් වැය කරනවා ඇති නේද එහෙනම්
අනේ නෑ, මම නිතරම බලන්නේ අඩු මුදලකින් ලස්සනට අඳින්න පළදින්න, මම කොහොමත් බ්‍රැන්ඩඩ් ඇඳුම් විතරක් අඳින කෙනෙක් නෙවෙයි, මම මට ගැලපෙන ඕනෑම ඇඳුමක් අඳිනවා, මට එහෙම මානසික මට්ටමක් නෑ, පොඩි ගානකට ලස්සන ඇඳුමක් හම්බවුනොත් මම ඒකත් අරන් අදිනවා, ඒක පාටියකට හොඳයි කියලා හිතුනොත් මම පාටියකටත් ඒක අඳිනවා,”
