පිළිකාව කියන්නේ අද වෙද්දි ලොකු කුඩා සියලු ම දෙනා අඩු වැඩි වශයෙන් අමිහිරිව මුහුණ දෙන ඉතාම භයානක රෝගී තත්ත්වයක්. මේ රෝගය කොයිතරම් භයානක ද කියනවා නම් ලෝකයේ තාම මෙතෙක් පිළිකාව සීයට සීයක් සුව කරන්න පුළුවන් බෙහෙත් හොයාගෙන නැහැ. මේ පිළිකාව පාලනය කරන්න පුළුවන් විසඳුම් විතරයි තාම අපිට ලැබිලා තියෙන්නෙ.

ඉතින් සමහර පිළිකා තියෙනවා මුල් අවදියේදී හඳුනාගත්තොත් අපිට සුව කරන්න පුළුවන් තත්වයේ තියෙන පිළිකා. ඒක පුද්ගලයාගේ වාසනාව අවාසනාව මත තීරණය වෙන දෙයක් ඉතින් ඒ විදිහේ අවාසනාවන්ත රෝගී තත්ත්වයකට මුහුණ දුන්නා අපේ රංගන ක්ෂේත්‍රයේ ඉන්න දක්ෂ ප්‍රවීණ කලා කලාකාරිනියක්.

ඒ තමයි ඔබ අපි කවුරුත් දන්න සුසන්තා චන්ද්‍රමාලි මහත්මිය. ඇය පසුගිය දවසක පියවුරු පිළිකා මේ රෝගී තත්ත්වයකින් පීඩා වින්දා කියන්න ගොඩක් දෙනෙක් දන්නවා. ඇය ගැන කතා කරද්දි සුසන්තා චන්ද්‍රමාලි ගේ ආදරණීය දියණිය තිසුරි යුවනිකා කියන්නෙත් රංගන ලෝකයේ ඉන්න රංගන තාරකාවියක්.

අම්මටයි තාත්තටයි ඉන්න එකම දියණිය විදිහට ඇය අම්මා පිළිකා රෝගී තත්ත්වයකින් පෙලෙනවා කිව්වහම කටයුතු කරේ හරි පුදුම විදිහට ශක්තිමත්ව. අපේක්ෂා රෝහලේ ඉන්න හැම මොහොතකදිම ඇය කිව්වේ මම මගේ අම්මා ගාව ඉන්නවා වෙන කාටවත් අම්මා ගාව ඉන්න දෙන්නෑ කියන දේ.

මේ විදිහට ඒ දේවල් සිද්ධ වෙද්දී රෝගී වූ අවස්ථාවේ යහලු මිතුරු සියලු දෙනාත් කවදාවත් දැකපු නැති බොහෝ දෙනකුත් ඇයට උදව් වෙලා තියෙනවා. ඒක ඇයට ලොකු ශක්තියක් විදිහට දැනුනා කියලා ඇය සඳහන් කලා. මුලින් මේ රෝගී තත්ත්වය නිසා ඇය මාධ්‍ය ඉදිරියට ආවේ නැතත් දැන් දැන් ඇය තමන් ලබපු ඒ අත්දැකීම පිළිබඳව ප්‍රේක්ෂකයන් එක්ක අදහස් හුවමාරු කරගත්තා. ඒ සම්බන්ධයෙන් ඇය කිව්වේ මේ වගේ කතාවක්.

“මුලින් මම මේ රෝගී තත්ත්වය හන්ගගෙන හිටියා මගේ ප්‍රතිකාර නිසා. ඇත්තටම මම පිළිකා රෝගියෙක්. ඇත්තටම මට ලොකු අධිෂ්ඨානයක් තිබ්බ මම අනිවාර්යෙන් ඉන්න ඕනේ කියලා. මොකද මගේ දුවට මාව ඕනේ මගේ සැමියාට මාව ඕනේ.

තිසුරි කිව්වා ඉස්පිරිතාලෙ ඉද්දි මට බෑ අනිවාර්යෙන් මට මගේ අම්මා ගාව ඉන්න ඕනි කියලා. එයා තමයි මං ගාව හිටියේ. ටික කාලයක් යද්දී මට ගිලින්න අමාරු උනා. doctor ඊට පස්සේ කිව්වා පොඩි පොඩි ගැටලු එයි සුසන්තා ඔයා ගස්ලබු එහෙම කන්න කියලා. වතුර හොදට බොන්න කිව්වා. ඩොක්ටර් කිව්වා දෙකම remove කරන්න වෙයි කියලා. පියවුරු දෙකම. දුවයි හස්බනුයි අපි තුන්දෙනාම එක හෙළා කිව්වා මෙච්චර කාලයක් හිටියනේ ඒක ප්‍රශ්නයක් නෑ මට හොඳ වෙනවා නම් ඒක අයින් කරාට ප්‍රශ්නයක් නෑ කියලා “

ඉතින් ඒ විදිහට තමයි ඇයගේ වෛද්‍ය ප්‍රතිකාර වල අවසාන තීන්දු තීරණ දියණිය සහ සැමියා එකතු වෙලා අරගෙන තියෙන්නේ. ඒ සියලුම තීන්දු තීරණවල ප්‍රතිඵලයක් විදිහට අද වෙද්දී ඇයට බොහෝ දුරට සුවය ලැබිලා කියලා ආරංචියි. ඉතින් තවත් බොහෝ කාලයක් නිරෝගීව ජීවත් වෙන්නට ඇයට හැකියාව ලැබේවා කියා අපිත් එක්ක එක සිතින් ප්‍රාර්ථනා කරන්නෙමු.

පැරණි පුවත්

ගින්දරී 3 ජනප්‍රිය වුණොත් ගින්දරී 4ත් එනවා

නිර්මාණකරුවකුගේ ප්‍රතිභාසම්පන්න බව විද්‍යමාන වන්නේ සමාජයේ පවතින තත්ත්වය තේරුම් ගෙන නිර්මාණකරණයේ යෙදීම තුළයි. පීඩාකාරී ආර්ථික, සමාජීය රටාව පැය කීපයකට හෝ අමතක කරවන ගින්දරී 3 චිත්‍රපටය නොසිතු විරූ ලෙස විජයග්‍රාහී ගමන් මඟක ගමන් කරන්නේද ඒ නිසයි. එකී අපූරු චිත්‍රපටයේ නිමැවුම්කරු වූ උදයකාන්ත වර්ණසූරියව අප සම්බන්ධ කරගත්තා

ගින්දරී 3ට ලැබෙන ගින්දර ප්‍රතිචාර කොහොමද?

බොහොම සතුටුදායක කාල පරිච්ඡේදයක් ගෙවමින් සිටිනවා. හිතුවටත් වඩා එය සාර්ථකව ප්‍රදර්ශනය වෙනවා. ඒ නිසා සතුටින් ඉන්නවා.

මේ වගේ අර්බුදකාරී සමයක චිත්‍රපටියක් ප්‍රේක්ෂකයන් අතරට රැගෙන යෑම ම අභියෝගයක් නේද?

තවම අපේ රටේ ආර්ථික තත්ත්වය යහපත් අතට පත්වී නැහැ. ඒ නිසා පොඩි ගැටලුකාරී තත්ත්වයන් පවතිනවා. නමුත් එකී කරුණු යටපත් කරමින් සිනමාවට ප්‍රේක්ෂකයන් ඇදී ඒම සිංහල සිනමාවේ සුබ ලකුණක් ලෙස දකින්න පුළුවන්. ඒවගේම චිත්‍රපටයක් නැරඹීමේ ප්‍රවේශ පත්‍රය තවම මිල ඉහළ ගිහින් නැහැ. ඒ වගේම රටේ පවතින පීඩාකාරී තත්ත්වයෙන් අත්මිදෙන්න මිනිසුන් සිනමා ශාලාව තෝරා ගත්තා යැයි සිතන්නත් පුළුවන්. ඒවගේම බහුබූතයෝ හා ගින්දරී 2 චිත්‍රපටිවල දිගුවක් ලෙස මෙය නිර්මාණය වූ නිසා එයින් ගොඩනැ‍ෙඟන කුතුහලයත් මෙයට ප්‍රේක්ෂකයන් ඇදී ඒමට හේතු වන්නට ඇති. මගේ අභියෝගය මං යම්තාක් දුරකට ජයග්‍රහණය කළා යැයි ඒ නිසා විශ්වාස කරනවා.

ප්‍රහසනය මේ යුගයේ අවශ්‍යතාවක් යැයි ඔබ විශ්වාස කරනවාද?

ප්‍රහසනයට පවතින රුචිකත්වය එදත් අද වගේම පැවතුණා. ඔළුව වෙහෙසන්නෙ නැතුව සරල විනෝදයක් ලබන්න බොහෝ දෙනෙක් ප්‍රිය කරනවා. ගින්දරි 3 මිනිසුන් බොහොමයක් වැලඳ ගැනීමට එකී කාරණය බොහෝ සෙයින් බලපාන්නට ඇති.

සිනමා විචාරකයන් සම්භාව්‍ය චිත්‍රපටවලට පමණක් කොටු වුණු ස්වභාවයක් දක්නට ලැබෙනවා. විනෝදාත්මක චිත්‍රපටි ඔවුන්ට මඟ හැරෙන්නේ ඇයි?

සිනමා විචාරකයන් විනෝදාත්මක චිත්‍රපට ඕනෑකමින්ම මඟහරිනවා. සිනමා විචාරකයන් පෙනී සිටින්නට කැමැති සම්භාව්‍ය චිත්‍රපටි සඳහා පමණයි. සිනමාව පවතින්නේ විනෝදාත්මක චිත්‍රපට නිර්මාණය වීම තුළයි. නමුත් විචාරකයන්ට එය අදාළ වෙන්නේ නැහැ. සිනමාව සරලව හසුරවනවා කියන චෝදනා විනෝදාත්මක චිත්‍රපටිවලට ඔවුන් එල්ල කරනවා. නමුත් විනෝදාත්මක චිත්‍රපටයක වුවත් හොඳ සිනමාරූපි බවක් තිබිය යුතු යැයි මම විශ්වාස කරනවා. එවන් චිත්‍රපටයක් විචාරය කිරීමට විචාරකයන් පෙළගැසිය යුතු යැයි මම විශ්වාස කරනවා. නමුත් සිනමා විචාරකයන් තම ප්‍රතිරූපය එයින් විනාශ වේ යැයි බියෙන් එය මඟ හරිනවා.

සිනමා ශාලා වැසුණු, රිදී තිරයට රතු එළි දැල්වූ මෙවන් යුගයක නිර්මාණකරණයේ යෙදෙන විට පැන නැඟුණු අභියෝග මොනවාද?

ගින්දරී 3 චිත්‍රපටය මම නිර්මාණය කළේ මීට වසර තුනකට කලින්. නමුත් රටේ අර්බුදකාරී තත්ත්වය තුළත් මම චිත්‍රපටි දෙකක් නිර්මාණය කළා. ‘ගිනි මල් පොකුරු‘ හා ‘රිදී සිහින‘ එම චිත්‍රපටි ද්විත්වයයි. රිදී සිහින ඉදිරියේදී තිරගත වීමට නියමිතයි. ගින්දරී ප්‍රදර්ශනය කිරීමේදීත් අභියෝග බොහෝමයක් පැවතුණා. නමුත් එකී අභියෝග ගැන නොහිතා මම ගින්දරී 3 ප්‍රදර්ශනයට මුදා හැරියා. චිත්‍රපටියක් නිර්මාණය කිරීම හා ප්‍රදර්ශනය කිරීම මට ලොකු ගැටලුවක් නෙමෙයි. ඉදිරියේදීත් හොඳ නිර්මාණ කිරීමට බලාපොරොත්තු වෙනවා.

ගින්දරී 3 ප්‍රදර්ශනයට මුදාහැරීම ප්‍රමාද කිරීම හොඳ තීරණයක් කියලා ඔබ විශ්වාස කරනවද?

ගින්දරී 3 නිර්මාණය කළ අවධියේ ප්‍රදර්ශනයට මුදා හැරියා නම් ගැටලුකාරි තත්ත්වයන් බොහොමයකට මුහුණ දෙන්න සිදු වෙනවා. ඒ ගැටලු මේ වන විටත් යම් තාක් දුරකට මඟහැරී තිබෙනවා. ඒ නිසා අවදානම තරමක් අඩුයි. කලින් මුදා නොහැරිය එක ගැන සතුටුයි.

ගින්දරී 3ට ලැබෙන ප්‍රතිචාරත් එක්ක ගින්දරී 4ත් නුදුරේදීම කලඑළි බසියි කියලත් හිතෙනවා. කලින් මුදා නොහැරිය එක ගැන සතුටුයි‍ද?

ගින්දරී 3 අතිශය ජනප්‍රිය වුණොත් ගින්දරී 4 චිත්‍රපටිය කරන්නත් පෙලඹෙන්න පුළුවන්. මේ වන විට ගින්දරී 4 වෙනුවෙන් වස්තු බීජයක් නිර්මාණය වෙමින් පවතිනවා. එය වෙනස්ම කතා තේමාවකට නිර්මාණය කිරීමට බලාපොරොත්තු වෙනවා.

සෑම බිරියක්ම යකින්නියක් නොවේ කියන ගින්දරී චිත්‍රපටයේ තේමා පාඨය තුළම ප්‍රහසනය අභ්‍යන්තරයේ ස්ත්‍රීවාදී නැඹුරුවක් දක්නට ලැබෙනවා. ඒ ගැන කිවුවොත්?

සෑම සුන්දර ගැහැනියක් පිටුපසම යකින්නියක් සිටිනවා කියලා කතාවක් තියෙනවා. එහි සත්‍යතාවක් නැත්තෙමත් නැහැ. බිරියක් කියන්නේ පවුල් කුටුම්බය රකිමින්, සැමියාට හා දරුවන්ට ආදරය දක්වන කෙනෙක්. නමුත් ඇයට ඇතිවන පීඩාකාරී තත්ත්වයන් මත ඇය යකින්නියක් බවට පත්වන අවස්ථාත් උදාවෙනවා. නමුත් සෑම ගැහැනියක්ම යකින්නියක් නොවෙයි කියන තේමාව යටින් යථාර්ථවාදී කියැවීමක් තියෙනවා.

කලාත්මක චිත්‍රපටවලට වඩා වාණිජ චිත්‍රපටිවලට ප්‍රේක්ෂකයන්ගේ වැඩි නැඹුරුව ඔබගේ නිර්මාණකරණයට හේතුභූත වී ඇතැයි කිව්වොත්?

ඔව් එය නිවැරදියි. මම නිර්මාණය කළ චිත්‍රපට 25 තුළම වැඩියෙන්ම පවතින්නේ වාණිජ චිත්‍රපටියි. කලාත්මක හැඩරුව තියෙන චිත්‍රපටි කිහිපයකුත් මම නිර්මාණය කළා. මම කලාත්මක චිත්‍රපටවලට නැඹුරු වූවා නම් මේ තරම් දුරක් එන්න අපහසුයි. සිනමාරූපී බව වාණිජ චිත්‍රපටවලටත් අදාළයි. වාණිජ චිත්‍රපටයක් කළත් සරල, බොළඳ නිර්මාණවලට මම කොටු වෙන්නේ නැහැ. වාණිජ චිත්‍රපටි වලට වැඩි වියදමක් හා වැඩි වෙහෙසක් දැරිය යුතු වගේම සිනමාරූපී බවත් ආරක්ෂා කරගත යුතුයි.

මෙන්න බලන්න තවත් පුවත්