කළා ලෝකයේ ඉන්න හරිම ආදරණීය කළා පවුලක් තමයි සතරසිංහ කළා පවුල තාත්තාලා පුතාලා අම්මලා ඔක්කොම කලාවත් එක්ක හරිම සමීපයි, ඉතින් අපි අද කතා කරන්න සුදානම් වෙන්නේ සංගීත් සහ ඔහුගේ ආදවන්තිය ගැන, සංගීත් කළා ලෝකයට සම්බන්ද වෙන්නේ ටෙලිනාට්‍ය රංගන ශිල්පියෙක් විදියට, කළා පවුලකින් කලාවට සම්බන්ද වෙන නිසා සංගීත් රංගනයට පිවිසීම එච්චර අමාරු වුනේ නෑ, සංගීත් විවාහ වෙලා හිටියේ ජනප්‍රිය රංගන ශිල්පිනියක වන උදාරි කෞශල්‍යා සමග, කොහොම වුනත් මේ වනවිට සංගීත් ඒ විවාහයට සමුදීලා ඉන්නේ, හැබැයි සංගීත් දැන් ආදර වන්තයෙක් සන්ගීත්ගේ ආදරවන්තිය තමයි ජනප්‍රිය නිලි දිනිති වල්ගමගේ,

දිනිති කළා ලෝකයට සම්බන්ද වෙන්නේ ළඟකදී, කොහොම වුනත් කලාවට සම්බන්ද වෙලා ඉතාම කෙටි කාලයක් ඇතුලත ලංකාවේම තරුණ ආකර්ෂණය දිනාගන්න ඇය සමත් වෙනවා, ඒ වගේම තමයි දිනිතේ රංගනයෙන් දායක වුන සියලුම නිර්මාණ ලංකාවේ අතිශය ජනප්‍රිය වුනා, රංගන ශිල්පිනියක් වෙන්න කලින් දිනිති සේවයකලේ ගුවන් සේවිකාවක් විදියට, කොහොම වුනත් දැන් ඇය ඇයගේ වෘත්තීය විදියට තෝරාගෙන තියෙන්නේ රංගනය,

මේ වනවිට දිනිති සහ සංගීත් කියන්නේ ආදරවන්තයින් කියලා හැමෝම දන්නවා, ඉතින් දිනිති එයා ගැන සහ සංගීත් ගැන කියන්නේ මේ වගේ කතාවක් ”අපි දෙන්නගේ ජීවිතේ හැලහැප්පීම් ගොඩකට අපි මුහුණ දුන්නා, මට ගන්න පුළුවන් ගෙඩක් දේවල් මම සන්ගීත්ගෙන් දකිනවා, සන්ගීත්ට තරම් ප්‍රශ්න ආව මනුස්සයෙක් තවත් මේ ලෝකේ නෑ, එයාට ආව ප්‍රශ්න මට ආවනම් මට මෙලහකටත් ඩිප්රේෂන් ඇවිල්ලා,

මෙයා ඒවාට ෆේස් කරපු විදිය දැක්කම මට හිතෙනවා මම කොහොමද ප්‍රශ්න වලට ෆේස් කරලා තියෙන්නේ කියලා, මම මෙයාගෙන් ගොඩක් දේවල් ඉගනගෙන තියෙනවා, සංගීත් තමයි මට කියලා දුන්නේ කාලය අපිට ගොඩක් දේවල් කියලා දෙනවා, බිඳිච්ච හිත පවා කාලය විසින් සුවපත් කරනවා, එහෙම තමයි සංගීත් මට කියලා දුන්නේ, මම එයාගේ අම්මලා තාත්තලා එක්ක පවා ගොඩක් එකතුයි, ඉතින් අපි දෙන්නා හඳුනා ගත්ත කාලේ පටන්, දෙන්නට දෙන්නා කැමැත්තෙන් හිටියත් රිලෙෂන්ශිප් එකකට යන්න අපි හදිස්සි වුනේ නෑ, අපි කලේ දෙන්නට දෙන්නා ගැන යාළුවො වගේ ඉඳන් දැනගත්ත එක, ඊටපස්සේ තමයි අපි ආදරේ කරන්න පටන් ගත්තේ”

පැරණි පුවත්

නතාෂා මේ දිනවල ජනප්‍රිය චරිතයක්. යතුරක් නිසා ඇයටත් නොදැනිම ඇයගේ ජීවිතය ගැන හොයන්න තව කෙනෙක් උත්සාහ කරනව. මේ නතාෂාට පණ දෙන්නෙ ඩිස්නි රාජපක්‍ෂ. ඇය ජනප්‍රිය රංගන ශිල්පිනියක් වගේම දක්‍ෂ නර්තන ශිල්පිණියක් බව කවුද නොදන්නෙ මේ කතාබහ ඇයත් එක්ක.

යතුරක් නිසා ඩිස්නි මේ දවස්වල හරි ජනප්‍රියයි?

ඔව්, කී ටෙලි නාට්‍යයේ නතාෂා චරිතයට මේ දවස්වල හොඳ ප්‍රතිචාර ලැබෙනව.

පිටපත ගැන සෑහීමකට පත්වුණාද?

මුලදිම මට පිටපත ලැබුණෙ නැහැ. මේ කතාව සහ මගේ චරිතය ගැන පැහැදිළි කිරීමක් තමයි කළේ. මෙතනදි මම ගොඩක්ම කැමති වුණේ මේ නාට්‍යය අධ්‍යක්‍ෂණය කරන්නෙ ශිවගුරුනාදන් මහත්මයා කියල දැනගත්තතට පස්සෙ. එතුමා මීට කලිනුත් ටෙලියක ප්‍රධාන චරිතයට කතා කළා. නමුත් ඒ මොහොතෙ මම ලංකාවෙ හිටපු නැති නිසා භාරගන්න බැරි වුණා. ඒ ගැන පසුතැවීමෙන් ඉන්න අතර තමයි මේ ආරාධනය ලැබෙන්නෙ. ඒ වගේම පිටපත අසංක සායක්කාරගෙ බව දැනගත්තාම ගොඩක් ආසාවෙන් මේ චරිතය භාරගත්ත.

මගතොට ප්‍රතිචාර?

ඇත්තටම මම හිතුවෙ මේ චරිතයට බැනුම් අහන්න වෙයි කියල. නමුත් එහෙම දෙයක් වුණේ නැහැ. මම හිතන්නෙ එහෙම වුණේ ඒ චරිතය මම ඉදිරිපත් කරන විදිහ සහ අධිතාත්වික රංගනයක් ඉදිරිපත් නොකරන නිසාවෙන් වෙන්න ඇති. ‘ලංවී. ටෙලි නාට්‍යයේත් එහෙමයි. දාමරික චරිතයක් වුණත් හොඳ ප්‍රතිචාර තමයි ලැබෙන්නෙ.

මේ කී ටෙලියෙන් බලාපොරොත්තු වුණ ජනප්‍රියත්වයක්ද?

චරිතය මට ලැබුණාම මේ වගේ ජනප්‍රියත්වයක් ලැබෙයි කියල නම් හිතුවෙ නැහැ. නමුත් ජනප්‍රියත්වයට වඩා මම හිතුවෙ චරිතය තුළ මට යමක් කරන්න පුළුවන් වෙයිද කියල. මොකද මම කැමති ඒ දේට. මෙතෙක් මම කළ චරිත එකකට එකක් වෙනස්. එක චරිතයක් කළාම ඒ වගේම තවත් චරිතවලට ආරාධනා ලැබෙනව. නමුත් මම ඒ දේට කැමති නැහැ.

නතාෂා වගේ තවත් චරිතවලට ආරාධනා ලැබුණා?

ඔව්. එවැනි චරිත කිහිපයකටම ආරාධනා ලැබුණ. නමුත් මම ඒවා ප්‍රතික්‍ෂේප කළා. මොකද මම කැමති එක වරකට එවැනි චරිත එකක් කරන්න වගේම භාරගත්ත චරිතයට උපරිම සාධාරණයක් කරන්න.

‘සීරුවෙන්. සිනමා නිර්මාණයේ ඔබේ චරිතය ලැබුණ මොන වගේ අගැයීමක්ද?

ඇත්තටම කියන්න ඕන” මාධ්‍ය දර්ශනය දවසෙ සීරුවෙන් සිනමා නිර්මාණයට ඉතා හොඳ ප්‍රතිචාර ලැබුණ. මට කතාකරගන්න වචන නැතිවෙන තරමටම සමහර ප්‍රතිචාර බර වැඩි වුණා.

එහි ඔබ සමඟ රඟපෑ ජැක්සන් ඇන්තනී අද ඉන්නෙ රෝහලේ?

ඒ ගැන නම් තියෙන්නෙ ලොකු හිස් බවක් වගේම පාළුවක් දැනෙනව. එතුමා දැවැන්ත චරිතයක් වුණත් අපිත් එක්ක ඉන්නකොට හරිම නිහතමානී සුන්දර පුද්ගලයෙක්. රූගතකිරීම් අවසානයේ චිත්‍රපටයේ ප්‍රචාරක කටයුතු අපි මේ විදිහට කරමු කියල කතාවෙලා හිටියෙ. නමුත් අපි දැකපු ඒ හීන එතුමා නැතිව දකින්න වෙනකොට ගොඩක් දුකයි. චිත්‍රපටයේ මාධ්‍ය දර්ශණය දවසෙ එතුමාව තිරයේ දකිනකොට ඇත්තටම අපිට ඇඬුනා. අපි ප්‍රාර්ථනා කරන්නෙ මහජන ප්‍රදර්ශනය දවස වෙනකොට එතුමාට අපි අතරට එන්න ශක්තිය ධෛර්යය ලැබෙන්න කියල.

ඔබ තුළ සිටි නර්තන ශිල්පිණියට මොකද වුණේ?

ඇය ජීවත් වෙන්නෙ මා තුළමයි. ඉතිං මම ඉන්නතාක් ඇයත් මම එක්කම ඉන්නව.

නැවතත් නර්තන තරඟයකට ආරාධනයක් ලැබුණොත්?

මම සහභාගි වුණ රියැලිටි තරඟයේදි බොහෝ ප්‍රවීණ ශිල්පීන් අභිබවමින් තමයි මම ජයග්‍රහණය කරන්නෙ. ඉතිං නැවතත් එවැනි තරඟයකට ආරාධනයක් ලැබුණොත් මම භාරගන්නෙ නැහැ.

ඔබේ පාසලේ වැඩකටයුතු?

මේ මාසයේ නම් ඇත්තටම වැඩ වැඩියි. මොකද අවුරුද්ද අවසානය නිසා ප්‍රසංග කිහිපයකට සහභාගී වෙන්න තියෙනව. ඒ වගේම ලබන අවුරුද්ද වෙනුවෙන් පාසලේත් වැඩකටයුතු වැඩිවෙන මාසයක්.

ජනප්‍රියත්වය කරදරයක්ද?

අනේ නැහැ. ජනප්‍රියත්වය අපි බලාපොරොත්තු නොවුණත් ඒක අපිට ලැබෙනකොට ඇත්තටම ලොකු සතුටක් ලැබෙනව. ඇත්තටම කිව්වොත් කලාකරුවෙක් හෝ කලාකාරිණියක් ක්‍ෂේත්‍රය තුළ රඳවන රහස තමයි ජනප්‍රියත්වය කියන්නෙ.

රංගන ශිල්පිණියක් වීම අද දැනෙන්නෙ කොහොමද?

මම රංගනයට යොමුවෙනකොට මගේ දෙමවුපියන් ගොඩක් බය වුණා. ඔවුන් විතරක් නෙමෙයි මමත් ලොකු අවිනිශ්චිත තත්ත්වයකින් හිටියෙ. අපිට එදා තිබුණ වැරදි වැටහීමත් එක්ක මම අදත් කල්පනා කරන්නෙ මොකක්ද මෙතන තියෙන වැරැද්ද කියල. හරිම සුන්දර පිරිසක් ඉන්නෙ. එකම දේ තමන්ගෙ දක්‍ෂතාව. තමන් දක්‍ෂ නම් බයවෙන්න දෙයක් නැහැ.

ඩිෂ්නි කොළඹ හිටියත් දෙමව්පියන් ගමේ?

මගේ අම්මයි තාත්තයි පොඩි කාලෙ ඉඳන් අපිට නිදහස ලබාදුන්න. මට වගේම මගේ නංගිලා දෙන්නටත්. අවුරුදු දහඅටෙන් පස්සෙ පිටරටවල පවා යන්න අපිට අවස්ථාව දුන්න. ඒ නිසා මම කොළඹ ඉන්න එක ඒ අයට ප්‍රශ්නයක් නෙමෙයි. මොකද මගේ දෙමවුපියන් ගමක හිටියත් ලෝකය දකිනව.

පිළිවෙළක් වෙන්න බලපෑමක් නැද්ද?

මගේ දෙමවුපියන් මට කියන්නෙ ඔයා කසාද නොබැඳ හිටියත් කමක් නැහැ” සතුටින් ඉන්නයි ඕන කියල. ඒ තීරණය ගන්න සම්පූර්ණයෙන්ම මට නිදහස දීල තියෙනව.

ඔබේ කැමැත්ත?

මට තව වැඩ කිහිපයක් තියෙනව සම්පූර්ණ කරගන්න. එතනින් පස්සෙ බොහෝ දුරට මම විවාහ වෙයි. තවම ඒ ගැන කිසිම සැළසුමක් නැහැ. මේ යන විදිහට අපිට එහෙම කරන්නත් බැහැ.

අලුත් නිර්මාණ?

අලුතින් ටෙලි නාට්‍ය සහ චිත්‍රපට කිහිපයකට ආරාධනා ලැබිල තියෙනව. ඉදිරියේදී ඒවාට සහභාගී වෙන්න බලාපොරොත්තුවෙන් ඉන්නව.

මෙන්න බලන්න තවත් පුවත්

views

175 Views