නර්තන ශිල්පිනියක් විදියට තරුණ ආකර්ෂණ නොඅඩුව දිනාගන්න සමත්වුණ දක්ෂ නර්තන ශිල්පිනියක් තමයි දෙනෙති පුස්සේගොඩ කියන්නේ, ඉතින් මේ දවස්වල හැමෝම හොයන දෙනෙති එක්ක අපි ටිකක් කතා කරන්න හිතුවා, දෙනෙති කියන්නකෝ ඔයා ගැන විස්තර ටිකක් ”මගේ ගම නුවර, මම ඉගනගත්තේ ගේට්වේ ජාත්‍යන්තර පාස​ලෙන්, මගේ අප්පච්චි ප්‍රියන්ත පුස්සේගොඩ. අම්මා ධම්මි පුස්සේගොඩ, ඒ වගේම මට අයියලා දෙන්නෙක් ඉන්නවා, ලොකු අයියනම් අවුරුදු 10කට වැඩි කාලයක් ඔස්ට්‍රේලියාවේ මෙල්බන් නුවර ඉන්නේ. මගේ පොඩි අයියා සොෆ්ට්වෙයාර් ඉන්ජිනියර් කෙනෙක්. අපේ වීඩියෝ වලට ගොඩක් හෙල්ප් කරන්නේ පොඩි අයියා”

දෙනෙති කොහොමද ලංකාවේ හැමෝම අතර ජනප්‍රිය වුනේ පොඩ්ඩක් කියන්නකෝ ඒ ගැන ”මම මගේ යාළුවො ටික කාව්‍යයි කිංකිණි සහ අංජලි එක්ක ඉංග්‍රීසි සිංදුවකට හන්තානේ ග්‍රවුන්ඩ් එකක ඩාන්ස් එකක් කළා, ඒ ඩාන්ස් එක දාලා එඩිට් එකක් කරලා තිබ්බා ‘රන්වන් රන්වන් සේල ඇඳ ‘ සින්දුවේ රිමික්ස් එකකට ඒ වැඩේ කලේ කවුල කියලා අපි දන්නේ නෑ. හැබැයි එකෙන් අපි ගොඩක් වයිරල් ගියා, ඊටපස්සේ අපි කරපු ජෙරුසලම වීඩියෝ එක ලෝකේ රටවල් ගොඩක අය බලලා තිබ්බා, ඒක මේ වෙද්දී මිලියන 7 පැනලා විව්ස් ගිහින් තියෙනවා, කොහොම හරි ඒ ඩාන්ස් එකට සඳ කුමාරි සිංදුව දාලා වීඩියෝ එකක් හදලා ශෝෂල් මීඩියා දාලා අපි දන්නේ නෑ කවුද ඒවා කරන්නේ කියලා හැබැයි ඒ දේවල් නිසා තමයි අපි හැමෝම දැනගත්තේ”

ඩාන්සින් වීඩියෝ වයිරල් වෙච්ච නිසා කළා ලෝකයට පිවිසෙන්න අවස්තාවක් ලැබිලා තියෙනවා නේද..? ඔව් අපිට වැඩ ගොඩක් ලැබුනා, ඉතින් ඒ නිසා අපිට අපේ දක්ෂතාවය පෙන්වන්න ලොකු අවස්තාවක් ලැබුනා, භාතිය සන්තුෂ් අයියලාගේ උන්මාද ප්‍රේම ගීය මියුසික් වීඩියෝ එකට කතා කරලා භාතිය අයියා කිවුවා ඔයාලා කැමති විදියකට මේකේ ඩාන්ස් එක හදාගන්න කියලා, ඇත්තටම ඒක ගොඩක් ලොකු අවස්තාවක්, ඒ වගේම මට රංගනයටත් ආරාධනා ගොඩක් ලැබුනා, හැබැයි මම රංගනයට කැමති නෑ, හැබැයි වීඩියෝ වැඩ බාරගන්නවා, ටෙලි ඩ්‍රාමා සහ චිත්‍රපටවලට නම් කැමති නැහැ.”

ආදර යෝජනා එහෙම එනවද ජනප්‍රියත්වය නිසා ”ආදර යෝජනානම් ලැබෙනවා දවසට මැසේජ් ගොඩක් එනවා, එහෙම කරදර කරන්න එපා, මම දැන් පෙම්වතියක්, අවුරුදු හතක් විතර වෙනවා මගේ ආදරේට එයා මම පොඩි කාලේ ඉඳලම දන්නා කෙනෙක්, ඒ වගේම අපි ෆැමිලි ෆ්‍රෙන්ඩ්ස්ලා. එයා දන්නවා මම ඩාන්සින්වලට කොච්චර ආදරෙයිද කියලා, ඒ වගේම මම ඩාන්සින්වලට කොච්චර දක්ෂයිද කියලා, එයා මට මගේ හැකියාව වැඩිකරගන්න ගොඩක් උදවු කරනවා, එයා මට ගොඩක් ආදරෙයි”

පැරණි පුවත්

වර්තමානයේ දකින ජනප්‍රිය ටෙලි නිර්මාණ අතරේ සිරස රූපවාහිනි නාළිකාවේ විකාශය වෙන කියාදෙන්න ආදරේ තරම් ටෙලි නාට්‍යයට සුවිශේෂි තැනක් හිමිවෙයි. එහි සමන්දිනිගේ චරිතයට පණ පොවන ඉෂංකා අබේසේකර මෙවර සාරවිට තරු කතාබහට අප සමග මෙසේ සම්බන්ධ වුණා. වර්තමානයේ බොහෝ තරුණ, තරුණියන්ගේ සිත්ගත් රංගන ශිල්පිණියක් බවටද පත්ව ඇති ඉෂංකා නුදුරේම තවත් කලා නිර්මාණ රැසකින්ම ප්‍රේක්ෂක ඔබ හමුවට පැමිණිමට සූදානමින්ද සිටියි.

මේ දිනවල ඉෂංකාව ටෙලි නිර්මාණ කිහිපයකින්ම අපි දකිනවා..

ගොඩක් කට්ටිය මේ දිනවල මාව අඳුනන්නේ කියා දෙන්න ආදරේ තරම් ටෙලි නාට්‍යයේ සමන්දිනි කියන චරිතය හරහා. ඊට අමතරව පසුගිය දිනවල බන්ධනා ටෙලි නාට්‍යයේ හර්ෂි ටිචර් විදිහට ප්‍රේක්ෂකයින් අතරට මම ගියා.

සමන්දිනි කියන්නේ අද ගොඩක් ජනප්‍රිය චරිතයක්. ඊට ලැබෙන ප්‍රතිචාර මොන වගේද?

ඇත්තටම සමන්දිනිට ගොඩක් මිනිස්සු ආදරේයි. ලංකාවේ වගේම විදෙස් ගත වෙලා ඉන්න බොහෝ දෙනෙකුගේ විවිධ ප්‍රතිචාර ලැබෙනවා. ඉතින් මේ දිනවල ගොඩක් සතුටින් මම ගෙවනවා ඒ ලැබෙන රසික ප්‍රතිචාර මත.

කලා ක්ෂේත්‍රයට ඉෂංකාගේ පැමිණිම සිදුවන්නේ කොහොමද?

මම කලා ක්ෂේත්‍රයට එන්නේ මට වයස අවුරුදු 17ක් විතර වෙද්දි. ගවර්මන්ට් එකෙන් කරපු පොටෝ ෂුට් එකක් හරහා. නමුත්, ඒ හරහා මාව ලොකුවට මිනිස්සු අඳුනගන්නේ නැහැ. හැබැයි දැන් රංගන ශිල්පිණියක් විදිහට ගොඩක් අය මාව දන්නවා.. අඳුනනවා.

දැනට ඔබ දායක වුණ කලා නිර්මාණ මොනවද. ඒ ගැන කියමු?

ගීත රූප රචනා හයකට විතර මම දැනට දායක වෙලා තියෙනවා. ඒ වගේම මම දායක වුණ තව ගීත රූප රචන දෙක තුනක් එන්න තියෙනවා. රූපවාහිනි වෙළෙඳ දැන්වීම් කිහිපයක් වගේම මේ දිනවල විකාශය වෙන කියා දෙන්න ආදරේ තරම් ටෙලි නාට්‍යය ඇතුළු ටෙලි නිර්මාණ කිහිපයකටම මම දැන් දායක වෙලා තියෙනවා. ඊට අමතරව මම තව කෙටි චිත්‍රපටයකත් රඟපාලා තියෙනවා.

ඔය අතරේ ප්‍රේක්ෂකයේ අතරට ගිය චරිතත් තියෙනවාද ඉෂංකාගේ?

මිනිස්සු මාව අදුනගන්නේ මුලින්ම 2019 වසරේ. ඒ චන්ද්‍රපාණි කියන ගීත රූප රචනාව හරහා. අදටත් මගේ නම ඉෂංකා වුණට චන්ද්‍රපාණි නමින් තමයි බොහෝ දෙනෙකු කතා කරන්නෙත් අඳුන්වන්නෙත්. ඒ වගේම කියන්න ඕනා චන්ද්‍රපාණි කියන්නේ මගේ ජිවිතේ කේන්ද්‍රීය ස්ථානයක්. චන්ද්‍රපාණිට පස්සේ ගොඩක් ප්‍රේක්ෂකයින් මා ගැන කතා කරන්නේ කියා දෙන්න ආදරේ ටෙලි නාට්‍යයේ සමන්දිනි කියන චරිතය තුළින්.

මේ ක්ෂේත්‍ර තුළ ඔබ රංගන ශිල්පිණියක් විදිහට දැන් ස්ථාවරද?

ක්ෂේත්‍රය තුළ ස්ථාවර වීමක් අපිට හදාගන්න ටික කාලයක් යනවා. නමුත්, මම මේ ක්ෂේත්‍රයට සම්බන්ධ වෙන්න කලින් ඉඳලාම මගේම කියලා ව්‍යාපාර කිහිපයක් පවත්වාගෙන ගියා. අදටත් ඒ ව්‍යාපාර කටයුතු සිදුවෙමින් පවතිනවා. මම කලාව කලාවක් විදිහට දකින්න කැමතියි. එකෙන් මම හම්බ කරන්න කැමති නැහැ. අපි මේ ක්ෂේත්‍රයට සම්බන්ධ වෙලා හම්බ කරන එක ගැන හිතුවොත් කලාව කියන දේ මඟ හැරෙනවා. ඒ වගේම කලාවේ සුන්දරත්වය විඳගන්න බැරි වෙනවා. ඉතින් මේ ක්ෂේත්‍රයට සම්බන්ධ වෙන ඕනෑම කෙනෙක්ට මම කියන්න කැමතියි මේ ක්ෂේත්‍රයට ඇවිල්ලා එහෙම ලොකුවට ස්ථාවර වීමක් බලාපොරොත්තු වෙන්න එපා කියලා.

ඔබ මොන වගේ කෙනෙක්ද?

ඉෂංකා කියන්නේ හරි ගැඹුරුවට හිතන කෙනෙක්. ඇත්තටම දකින කෙනෙක්ට සැහැල්ලු සරළ චරිතයක් කියලා මාව පේන්න පුළුවන්. හැබැයි එහෙම මම නැහැ. මොකද, මම ගොඩක්ම හැදෙන්නේ මගේ තාත්තායි ආච්චි අම්මායි එක්ක. තාත්තා එක්ක හැදුණ නිසාද මන්දා මම ටිකක් දැඩි තිරණ ගන්න කෙනෙක් වෙලා තියෙනවා. ඒ වගේම මගේ ආච්චි අම්මාගේ ගතිගුණත් මා සතුව තියෙනවා කියලා මට වෙලාවකට හිතෙනවා. පොඩි කාලේ නම් මම ගොඩක් අහිසංක චරිතයක්. වයසත් එක්ක සමාජය සමග ගැටෙද්දි දැන් නම් මම එහෙම අහිසංක චරිතයක් නෙමෙයි කියලා හිතෙනවා.

මෙන්න බලන්න තවත් පුවත්