ඉතාම කෙටි කාලයක් තුළ ඉහළ ප්‍රේක්‍ෂක ආදරයක් ලබාගන්න සමත්වුණ සුන්දර රංගන ශිල්පිනියක් තමයි සුධීක්ෂා සමාධි කියන්නේ, සුන්දර රුව නිසා වගේම කැරලි ගැහුන කොන්ඩේ නිසාත් සමාධි ගොඩක් ජනප්‍රියයි, ඉතින් අපි දැන් කතා කරන්න සූදානම් වෙන්නේ කාගේත් ආදරේ දිනාගෙන ඉන්න රංගන ශිල්පිනියක වන සමාධි සමග, සුදක්ෂි කලාවට සම්බන්ද වෙන්නේ කළා පවුලක් හරාද..? නැහැ අපේ පවුලේ කිසිම කෙනෙක් කලාවට සම්බන්ද වෙලා නෑ, මම මේක දෙමාපියන්ගේ සහයෝගයත් එක්ක හෙමින් හෙමින් ආව ගමනක්, අද වෙද්දී මම ඉන්න තැන ගැන මට ගොඩක් සතුටුයි, ඒ වගේම මට දැන් ගොඩක් නිර්මාණවලට ආරාධනා ලැබෙනවා”

කියන්නකෝ ඔයාගේ පවුලේ තොරතුරු ටිකක් ”මගේ අම්මා ගෘහනියක්, තාත්තා කලින් සේවය කලේ පොලිස්සියේ, ඒ වගේම මට ඉන්නේ එක මල්ලි කෙනෙයි, එයා බැංකු නිලදාරියෙක්, මගේ කළා ක්ෂේත්‍රයේ ගමනට එයාගෙන් ලොකු සහයෝගයක් ලැබෙනවා, මම තමයි අපේ පවුලට ඉන්න එකම ගෑනු ළමයා, ඉතින් හැමෝම වැඩියෙන් ආදරේ මට”

සමාධි ඔයාගේ ඇත්ත ආදරේ ගැනත් කියන්නකෝ අපිට ”අනේ ආදරේ ගැනනම් කතා කරන්න එපා මොකද මම කතා කරන්න කැමතිම නැති මාතෘකාවක් තමයි ආදරය කියන්නේ, මම ඉක්මනට තරහා ගන්න ඉක්මනට නිවෙන කෙනෙක්, ඒ වගේම මට හරිම ඉක්මනට දුක හිතෙනවා, රඟපාද්දී චරිත ඇතුලේ මම කොච්චර ආදරේ ගැන කතා කලත් මම සැබෑ ජීවිතයේදී ආදරේ කියන වචනේටත් බයයි, එහෙම වෙන්න හේතුව තමයි මම ආදරේ නිසා හීන කප්පරක් තියාගෙන ඉඳලා තියෙනවා, බලාපොරොත්තු ගොඩක් තියාගෙන ඉඳලා තියෙනවා, මම දැන් මගේ හිත ගලක් කරන් ඉන්නේ එකතොට කාටවත් බෑ මාව රිද්දවන්න, මම මගේ ජීවිතේ ගොඩක් දේවල් දරාගත්ත කෙනෙක්, මට ප්‍රේක්ෂකයන්ගෙන් ලැබෙන ආදරේ ගෙදර අයාගෙන ලැබෙන ආදරේ ඇති,

ඔයා ජනප්‍රිය වෙන්න ඔයාගේ කොන්ඩෙත් බලපෑවා නේද..? ”ඇත්තටම ඔව් සමහර නිර්මාණ වලට ආරාධනා එන්නෙම මේ කොන්ඩේ නිසා, ප්‍රේක්ෂකයෝ වගේම නිර්මාණකරුවොත් මගේ කොණ්ඩෙට ගොඩක් ආදරෙයි, ගොඩක් අය කියන්නේ මම ජනප්‍රිය වෙන්න ප්‍රධානම හේතුව මගේ කොන්ඩේ කියලා, හැබැයි මම ඉදිරියේදී මගේ කොන්ඩේ වෙනස් කරන්න හිතාගෙන ඉන්නේ, බලමු ඒක මට ලොකු අභියෝගයක් වේවි”

පැරණි පුවත්

මාව ඉල්ලගෙන කොල්ලෝ ගෙදරට එනවා ගෙදර අය ශේප් එකේ එයාලා හරවලා යවනවා – නයනතාරා වික්‍රමාරච්චි

ටීවී දෙරණ නාලිකාවේ විකාශනය වන දෙවෙනි ඉනිම ටෙලිනාට්‍ය හරහා හැමෝගෙම ආදරේ දිනාගන්න සමත්වුණ දක්ෂ රංගන ශිල්පිනියක් තමයි නයනතාරා වික්‍රමාරච්චි කියන්නේ, ඉතින් අපි දැන් මේ කතා කරන්න සුදානම් වෙන්නේ කාගේත් ආදරේ දිනාගෙන ඉන්න දඟකාර නයනතාර සමග, නයනතාරා මොකද වෙන්නේ මේ දවස්වල ”මේ දවස්වල රංගන කටයුතු එක්ක මම ගොඩක්ම කාර්ය බහුල වෙලා ඉන්නේ, මම කළා නිර්මාණ කිහිපයකටම මේ දවස්වල සම්බන්ද වෙනවා, ඒ වගේම බාර ගත්ත පොඩි පොඩි වැඩ ටිකකුත් තියෙනවා, ඒවත් කරගෙන නිදහසේ ඉන්න වෙලාවකුන් වෙන් කරගෙන ඉන්නවා කොච්චර කාර්යබහුල වුනත් අපි, අපේ ගැනත් ටිකක් හිතන්න ඕන නේ’

ඔබ වසර ගණනාවක්ම ලංකාවේ ජනප්‍රියම රංගන ශිල්පිනිය වුනා, ඉතින් ඔබ තවමත් ජනතා සම්මානයේ උඩින්ම ඉන්නවා කියලා හිතනවද..? ”මෙහෙමනේ ජනප්‍රියත්වය කියන දේ හැමදාම තියෙන්නේ නෑ, ඒක කාලයකට වැඩි වෙනවා තව කාලයකට අඩු වෙනවා, දෙවෙනි ඉනිම නාට්‍යයේ දෙවුමි කියන චරිතය මට වාසනාව ගෙනාව, ඒ චරිතය නිසා මට ගොඩක් දේවල් ලැබුනා, හැම දෙකටම වඩා වටින්නේ මට මේ ලැබිලා තියෙන ප්‍රේක්ෂක ආදරය, මම පිට පිට තුන්වතාවක්ම ජනප්‍රියම රංගන ශිල්පිනිය බවට පත්වුනා, ඒ හැමදේම ලැබුනේ දෙවෙනි ඉනිම නාට්‍ය නිසා, මම ඒක ඕනෑම තැනක කියනවා, ඒ ලැබුන ආදරය මම උපරිමෙන්ම රැකගන්න උත්සහ කරනවා, ඉහළම තැන නැතත් ජනතාවගේ ආදරය එදා වගේම නොඅඩුවම මට අදටත් ලැබෙනවා.”

නයනතාරා දැන් පෙම්වතියක්ද..? ”මම තාම පෙම්වතියක් නෙවෙයි, අනිත් දේ තමයි මට කොල්ලෙක් ඉන්නවනම් ඒක හංගන්න අවශ්‍ය නෑ, ආදරය අවශ්‍ය කාලෙම මාව හොයාගෙන ඒවි, හැබැයි මම කැමතියි තව ටික කාලයක් නිදහසේ මේ විදියට ඉන්න, හැබැයි ඉතින් මට ආදර යෝජනානම් අඩුවක් නැතුව ලැබෙනවා, සමහර අය මාව හොයාගෙන අපේ ගෙදරත් එනවා, හැබැයි ඉතින් ගෙදර අය ශේප් එකේ එයාලව හරවලා යවනවා”

නයනතාරා නිලියක් වීම ගැන මොකද හිතන්නේ ”ඇත්තම කියනවනම් කලාව තෝරාගැනීම ගැන මම ගොඩක්ම සතුටු වෙනවා මොකද අද වනවිට මම යම් තැනක ඉන්නවනම් ඒ හැම දේම ලැබුනේ මම නිලියක් වීම නිසා, මගේ ජීවිතය දැන් ගලාගෙන යන්නේ කලාව සමග ඇත්තටම කලාව කියන්නේ ජීවිතයට සුන්දර මතකයන් ගොඩක් එකතු කරන ලස්සන ක්ෂේත්‍රයක් ඉතින් මම හරිම සතුටුයි මේ වගේ ක්‍ෂේත්‍රයට සම්බන්ද වෙන්න ලැබීම ගැන”

මෙන්න බලන්න තවත් පුවත්