අපේ රටේ කොයි කවුරුත් ආදරය කරන දක්ෂ ජනප්‍රිය මෙන්ම කඩවසම් නවක රංගන ශිල්පියෙක් තමයි දර්ශන් තවරාජා කියලා කියන්නේ. ඉතින් මේ කඩවසම් රංගන ශිල්පියා ගැන ප්‍රේක්ෂකයන් වැඩි දෙනෙක් දැනගන්නේ ජනප්‍රිය ගායිකා රයිනි චාරුකාගේ ‘කළුවරට හිත බය හින්දා ගීතයී රූප රචනාව හරහායි. ඒ වගේම ඔහු ශක්ති ටෙලිනාට්‍යය හරහාද ප්‍රේක්ෂකයින් හමුවට ආවා. ඉතින් ඊට පස්සේ හිතුවක්කාරී ටෙලිනාට්‍ය හරහාත් ඔහු බොහෝ ප්‍රේක්ෂක ආදරයක් හිමි කර ගත්තා. කොහොම නමුත් උපතින්ම දමිළ ජාතිකයෙක් වන ඔහු දැන් ‘දීපවාලි රෑ’ ගීතයෙන් ගායකයෙක් විදිහටත් අපට දැකගන්න ලැබෙනවා.

ඉතින් මෙම ‘දීපවාලි රෑ’ ගීතයේ ගායනයෙන් වගේම එයට රංගනයේ යෙදෙන්නෙත් දර්ශන්. ඉතින් මේක ඔහුගේ පළවෙනි ගීතය වෙලත් ඔහුටම පුදුමයිලු අද වෙද්දි මේ දවස් කිහිපයට මේ ගීතය ගොඩක් දෙනා බලලා තියෙන එක. ඒ වගේම ඔහු දමිළ කෙනෙක් විදිහට සිංහල මිනිසුන්ගෙන් ලැබෙන ආදරය ගැන කියන්න ඔහුට තේරෙන්නෙ නැහැ කියලත් දර්ශන් කියනවා. ‘මූ මොකක්ද සිංහලෙන් කියලා කරන්න යන්නෙ’ කියලා හිතපු අයට ඔහු ගොඩක් හොඳ උත්තරයක් දුන්නා කියලත් ඔහු කියනවා. ඉතින් සිංහල වුණත් දමිළ වුණත් හරි දේ කළොත් කෙනෙක්ට ඕනම තැනකට යන්න පුළුවන් කියලා ඔහුට දැන් හිතෙනවාලු.

ඒ වගේම ඔහු මෙච්චර ජනප්‍රිය වෙයි කියලවත් ඔහුට මෙච්චර ආදරයක් ලැබෙයි කියලවත් ඔහු හිතුවේ නැහැලු. ඉතින් ඔහුට යම් තැනකට එන්න පුළුවන් වෙයි කියලා හිතුවට මේ තරම් ආදරයක් බලාපොරොත්තු වුණේ නැහැ කියලත් ඔහු කියනවා. ඒ වගේම ඔහු දැන් ටැටූ දෙකක් කරලා තියෙනවා. ඉතින් ඒ දෙකම නළුවෙක් වෙන්න කලින් කරපුවා වුනත් මේ ටැටූ දෙක තමයිලු ඔහු නළුවෙක් විදිහට කරපු ලොකුම වැරැද්ද. ඉතින් රඟපාන්න යද්දි දැන් ටැටූ එක ලොකු අවුලක් කියලයි ඔහු කියන්නේ. ඒ නිසා රංගනයට එකතුවෙන කෙනෙක් ටැටූ ගහන එක හොඳ නැහැ කියලත් ඔහු කියනවා.

ඒ වගේම ඔහු දැන් පෙම්වතෙක් නෙමෙයිලු. නමුත් කලින් ඔහුට පෙම්වතියක් ඉඳලා තියෙනවා. ඉතින් එයා දමිළ ගැහැනු ළමයෙක්. ඒ වගේම ඔහු කළා ක්ෂේත්‍රයට එන්න කලින් සිංහල ගැහැනු ළමයෙක් එක්ක යාලු වෙලා ඉඳලා තියෙනවා. ඉතින් ඇයත් රඟපාන කෙනෙක් කියලයි දර්ශන් කියන්නේ. හැබැයි ඇයවත් ඔහුවත් ඒ ගැන කාටවත් කියන්නෙ නැහැ කියලයි ඔහු අවසාන වශයෙන් පැවසුවේ.

පැරණි පුවත්

මම වැඩිපුරම රඟපෑවේ බොලිවුඩ් චිත්‍රපට වල, ලංකාවේ අය දන්නැති වුනාට මම ලෝකෙම ගොඩක් ජනප්‍රියයි – ගම්‍යා විජයදාස

2009 දෙරණ මිස් ශ්‍රී ලංකා කිරුළ දිනා ගැනීමෙන් සිනමා රංගනයට පිවිසි ගම්‍යා විජයදාස කියලා කියන්නේ බොලිවුඩ් සිනමාවේ රංගනයට අවස්ථා ලබා ගත් දක්ෂ සුරූපී රංගන ශිල්පිනියක්. ඒ වගේම වෘත්තියෙන් ව්‍යවසායිකාවක් වන ඇය අලෙවි හා කළමනාකරණ අංශයේ උපාධිධාරිනියක් විදිහටත් හදුන්වලා දෙන්න පුළුවන්. Aalaap 1970 ලව් ස්ටොරි සහ යූටරින් චිත්‍රපටය වගේම ඇය රඟපෑ තවත් බොලිවුඩ් චිත්‍රපටයක් වන Wrongway චිත්‍රපටය මේ දිනවල ප්‍රේක්ෂකයින් වෙත මුදාහැර තිබෙනවා. ඒ Disney Hotstar (ඩිස්නි හොස්ටාර්) ඇප් එක ඔස්සේ.

ඉතින් ලෝකයේ වැඩිම දෙනෙක් දැන් ෆිල්ම්ස් නරඹන නෙෆ්ලික්ස් ඇප් එකට පමණක් දෙවැනි වූ ඩිස්නි හොස්ටාරි ඔස්සේ වැරදි මග හෙවත් Wrongway චිත්‍රපටය නිසා ලෝකයේ බොහෝ දෙනෙක් දැන් ගම්‍යා කියන්නේ කව්ද කියලා දන්නවා. ඉතින් අපේ රටේ තරුණියක් වන ඇය පහුගිය දවසක පුවත්පත් මාධ්‍ය සාකච්චාවක් එක්ක එකතුවෙලා ඇයගේ අලුත්ම තොරතුරු ගැන කතා බහ කරලා තිබුණා.

ඉතින් රංගනයේ දී බොහෝ දුරට ලංකාව ඇතුළේ කෙරෙන වැඩ අඩුයි කියලයි ඇය නම් කියන්නේ. නමුත් මේ අවුරුද්දේ ඒක වෙනස් වේවි කියලත් ඇය කියනවා. ඒකට හේතුව ඇය කළ වැඩ කිපයක්ම මේ අවුරුද්දේ එළියට එන්න තියෙන නිසා. ඒ වගේම ඇය මේ දිනවල චරිත් අබේසිංහ අධ්‍යක්ෂණය කරන ‘චණ්ඩි කුමාරිහාමි’ ටෙලි නාට්‍යයේ රූගත කිරීම්වලට දායක වෙනවා. ඉතින් මේක වෘතාන්ත ටෙලි නාට්‍යයක් විදිහට ටෙලි නිර්මාණයකට එක් වූ ප්‍රථම අවස්ථාව කියලයි ඇය නම් කියන්නේ. ඒ වගේම එහි ප්‍රධාන චරිත අතරින් එක් චරිතයක් වන හින් මැණිකේගේ චරිතය රඟපාන්නෙ ඇය.

ඒ වගේම ඇය ලෝකයේම ජනප්‍රිය වෙලා ඉන්න ‘වැරදි මග’ Wrongway චිත්‍රපටය රූගත කරලා තියෙන්නේ 2015 දී විතර. ඉතින් අවුරුදු 6ක් 7ක් පමණ කාලයක් බොලිවුඩයේ නිර්මාණවලට දායක වෙමින් ඉන්නකොට මේ චිත්‍රපටය තමයි මේ විදියට ඊලිස් වුණා කියලත් ඇය කියනවා. ඒ වගේම ළඟදීම තව චිත්‍රපටයක් එන්නත් තියෙනවාලු. ඉතින් මේ චිත්‍රපටයේ පිරිස අතරින් අද කිප දෙනෙක් සුපිරි තරු වෙලා කියලයි ඇය කියන්නේ. ඉතින් ඒක හරි සතුටක් කියලත් ඇය කියනවා. ඒත් එක්කම මේ චිත්‍රපටයේ ෂූට් කළ අන්දම ඇයට ගෙනත් දුන්නෙ ත්‍රාසජනක බවක් කියලයි ඇය කියන්නේ. මොකද රාත්‍රියේ කැලෑවක තමයි ෂූට් කරලා තියෙන්නේ.

ඒ නිසාම ඇය බය වුණේ හොල්මන්වලට නොවෙයි සර්පයන්ට කියලත් ඇය කියනවා. ඒ වගේම කාට හරි ටොයිලට් යන්න අවශ්‍ය වුණාම කැලෑවෙ සවිකර තිබූ ටොයිලට් එකට පවා යද්දී ආරක්ෂාව ලබා දුන්නත් හැබැයි හැමෝම රාත්‍රිය ගත කළේ බයෙන් කියලයි ඇය අවසාන වශයෙන් පවසලා තිබුනේ.

මෙන්න බලන්න තවත් පුවත්