හිරු නාලිකාවේ විකාශනය වෙන දිවිතුරා ටෙලි නාට්‍යය ලංකාවේ අංක එකේ ටෙලිනාට්‍ය විදියට හඳුන්වන්න පුළුවන්. ඉතින් මේ නාට්‍ය හරහා හැමෝගෙම ආදරේ දිනාගත්ත රංගන ශිල්පිනියක විදියට නිලූෂි පවන්‍යා හඳුන්වන්න පුළුවන් ඉතින් අපි අද කතා කරන්න සුදානම් වෙන්නේ ඔයාලා හැමෝම ආදරේ කරන නිලූශි පවන්‍යා සමගයි, නිලූශි ඇත්තටම නිලූශි කියනේ මොන වගේ චරිතයක්ද..? ”මම රංගන ශිල්පිනියක් වෙන්නේ මගේ වෘත්තිය ඇතුළෙදි විතරයි, එතනින් එහාට මම බොහොම සරල සාමානය කෙනක්, අනිත් රංගන ශිල්පිනියන්ගේ වගේ මගේ ළඟ ලොකුකම් නෑ. සමහර අවස්ථාවලදි අදටත් මම බස් එකේ යනව. ටැක්සි එකක්වත් ගන්නේ නැතුව”

කෝටිපති චන්දිමාල් තමයි ඔයාගේ පෙම්වතා කියලා කටකතාවක් යනවා ඇත්තද ඒක ”චන්දිමාල් අයියා මම අහන්දුනන්නේ ගොඩාක් කාලෙක ඉඳලා, මම එක්තරා මිස් ශ්‍රී ලංකා තරගයකදි චන්දිමාල් අයියගේ ටීම් එකක් ඇවිත් අපිව හැඩගැන්වීම සිදු කළා. එතනදි තමයි මම චන්දිමාල් අයියා අඳුන ගත්තේ, එදා ඉඳන් අපි හොඳ යාළුවො, ඔය හැදෙන ගොසිප් ගැන මම ගොඩක් හිතන්නේ නෑ, චන්දිමාල් අයියත් එහෙමයි, අපිට හරිම විනෝදයි ඔය හැදෙන කටකතා සමාජ ජාලා වලින් දකිද්දී,

පහුගිය කාලේ මගේ යාලුවෙක්ට කෙනෙක් කියලා දුන්නා කෝටිපතියෙක් මට වාහනයකුයි එපාර්ට්මන්ට් එකකුයි අරන් දීලා තියෙනවා කියලා, මම ඉන්න විදිය මගේ යාළුවො හරියටම දන්නා නිසා ඒ කියපු කෙනාට මගේ යාලුවා කියලා දීලා තිබ්බා මම ගැන, ඇත්තම කියනවනම් මම කැම්පස් යන කාලේ හිටපු ආර්ථික තත්වෙමයි මම තාම ඉන්නේ, මට ඔය කියන විදියේ කාර්වත් එපාර්ට්මන්ට්වත් නෑ, මම හිතන්නේ මම වෙන්න ඇති කළා ලෝකයේ ඉන්න දුප්පත්ම නිළිය කතා හදන අය කතා හදන්නේ අපි ගැන හරියටම දන්නේ නැතුව, මම කියනවා මම ගැන කියන දේවල් මගේ ඉස්සරහට ඇවිත් ඔප්පු කරන්න කියලා,

අපිට ආරංචියක් ආවා ඔයාට කොටිපතියන්ගෙන් ආදර යෝජනා එනවා එනවා කියලා ඇත්තද ඒ ” එහෙම විශේෂයක් නෑ ගොඩක් ආදර යෝජනා වගේම විවාහ යෝජනාත් එනවා, ඒක ඉතින් ගැහැණු ළමයිට සාමාන්‍ය දෙයක් නේ, හැබැයි මම තාම ආදරේ කරන්නවත් විවාහ වෙන්නවත් සුදුසු තැනක නෙවෙයි මම ඉන්නේ කියලා විශ්වාස කරනවා, රංගන ශිල්පිනියෙක් ටිකක් ජනප්‍රිය වුනාම සමහර අය කියනවා ඔයාලා දැන් ජනප්‍රියයි නේ ඉතින් දැන් සල්ලි කාරයෙක් හොයාගෙන විවාහ වෙන්න කියලා, සල්ලි ඕන නම් මට දැන් උනත් බඳින්න පුළුවන් සල්ලි කාරයෝ පෝලිමේ ඉන්නවා, මට ඕන සල්ලි නෙවෙයි මාව තේරුම් ගන්න පුළුවන් ආදරේ පිරුන හදවතක් තියෙන කෙනෙක්, විවාහයෙන් පස්සේ තියෙන දෙයක් කළා මගෙත් එක්ක ආදරෙන් ඉන්න කෙනෙක් එක්ක තමයි කවදා හරි මම විවාහ වෙන්නේ”

පැරණි පුවත්

මගේ ජීවිතේ ගන්න අමාරුම වුණු තීරණය තමයි හුස්ම චිත්‍රපටය භාරගන්නවද නැද්ද කියන එක

ඉතින් කොහොමද කාලෙකට පස්සේ?

ඔව් ඇත්තටම කාලකෙට පස්සේ තමයි මම දායක වුණු වැඩක් එළියට ආවේ… මේ දවස්වල නම් පියාඹන්න ආයෙත් චිත්‍රපටයේ ප්‍රචාරක කටයුතු වලට දායකත්වය දෙමින් ඉන්නවා. පෞද්ගලික ජීවිතෙත් විශේෂයක් නැහැ. පුතාගේ හුරතල් විඳිමින් කාලය ගෙවෙනවා.

පියාඹන්න ආයෙත් සිනමාපටය ගැන කතාකරොත්?

තිරගත වෙලා දින කිහිපයක් වුණත් හොඳ ප්‍රේක්ෂක ප්‍රතිචාරයක් ලැබෙනවා. පියාඹන්න ආයෙත් චිත්‍රපටය තුළ මගේ චරිතය ඇතුලේ කතා කළේ ආදරය පිළිබඳ නොතේරුම් කාලේ ආදරේ වින්දේ කොහොමද තේරෙන කාලෙට ආවම ආදරේ විඳින්නේ කොහොමද කියන එක වටා ගෙතුණු චරිතයක් අපි ඒ චරිතයට නමක් පාවිච්චි කළේ නැහැ.

හුස්ම චිත්‍රපටය කරලා කොච්චර කාලෙකට පස්සෙද චමත්කා ආයේ මේ විදියට කරළියට එන්නේ?

හුස්ම කරාට පස්සේ මට පුතා ලැබෙන්න හිටියා. ඒකත් එක්ක අවුරුදු එක හමාරක් ටිකක් විවේකීව හිටියා. බබා ලැබිලා මාස 3න් මම පියාඹන්න ආයෙත් චිත්‍රපටයේ වැඩ කළා. පියාඹන්න ආයෙත් චිත්‍රපටය කළේ කොරෝනා තදින්ම තිබුණු කාලේ. පියාඹන්න ආයෙත් කියන්නේ දුෂ්කරතා රැසක් විඳගෙන කට්ට කාගෙන බොහොම අමාරුවෙන් කරපු ලස්සන නිර්මාණයක්. හැමෝටම ආරාධනා කරනවා පියාඹන්න ආයෙත් ඇවිත් නරඹන්න කියලා.

මේ චමත්කාගේ කීවෙනි සිනමා නිර්මාණයද?

මේක මගේ හතරවෙනි සිනමා නිර්මාණය. මගේ පළමු සිනමා නිර්මාණය සරුංගල්. ඒ සඳහා මට ජනාධිපති කුසලාන සම්මාන පවා ලැබුණා. ඊට පස්සේ ඊතලය චිත්‍රපටයේ රඟපෑවා… ඊටත් පස්සේ තමයි හුස්ම ආවේ. හුස්මෙන් පස්සේ මම රඟපෑවේ පියාඹන්න අයෙත් චිත්‍රපටයේ හැබැයි මගේ රංගන පරාසය කොච්චරද කියලා මම තේරුම් ගන්නේ හුස්ම චිත්‍රපටයෙන්.

චමත්කාට ටෙලි නාට්‍යවලින් ඉල්ලුම අඩුද?

ටෙලි නාට්‍යවලින් ආරාධනා ලැබෙනවා. හැබැයි මම මෙගා ටෙලිනාට්‍යය වලට කැමති නැහැ. ඒත් ටෙලි නාට්‍යයකින් මට දෙයක් කරන්න තියෙන පිටපත් නිර්මාණයක් තාම මට ලැබිලා නැහැ.

චමත්කාට ජීවිතේ ගන්න අමාරුම වුණු තීරණය මොකද්ද?

මගේ ජීවිතේ ගන්න අමාරුම වුණු තීරණය තමයි හුස්ම චිත්‍රපටය භාරගන්නවද නැද්ද කියන එක…

ඉස්සරහටත් චමත්කාට ඇවිත් තියෙන්නේ හුස්ම තරම්ම අමාරු පිටපත්ද?

ඇත්තටම ඔව්. පිටපත් කීපයක්ම ලැබිලා තියෙනවා. ඒවා හුස්ම තරම්ම අමාරු නැතත් දෙවරක් හිතන්න ඕන පිටපත් කීපයක් තමයි ලැබිලා තියෙන්නේ. කරපු නිර්මාණයක් එන්න තියෙනවා. රංජිත් ධර්මසූරියගේ ‘‘වර්ණ’’ කියලා. ඊට අමතරව එකම අධ්‍යක්ෂවරයාගේ චිත්‍රපට දෙකකට ආරාධනා ලැබිලා තියෙනවා. එක චිත්‍රපටයක රූපගත කිරීම් ඉදිරියේදී ආරම්භ වීමට නියමිතව තියෙනවා.

මේ ලෝකේ චමත්කාව තේරුම් ගත්ත එකම කෙනා කවුද?

වෙන කවුද ඒ තමයි මගේ ආදරණීය සැමියා. ඔහු දෙන සහයෝගය මාව තේරුම් ගැනීම ඒ දෙන ශක්තියට මට සමාන කරන්න මේ මිහිපිට දෙයක් නැහැ. මේ කේෂේත්‍රයට කාටවත් නැතුව ඇති ඒ වගේ සැමියෙක්. අපි අවුරුදු 6ක් යාළු වෙලා ඉදලා ලිවින්ටුගෙදර් කන්සෙප්ට් එකේ ඉඳලා විවාහ වුණ දෙන්නෙක්. ඒ නිසා අපි දෙන්නා අතර හොඳ තේරුම් ගැනීමක් තියෙනවා.

යම් දවසක ඔබ මේ කරන රංගනයන් නිරූපනයන් ඔබේ පුතාට කොයි විදිහට බලපාවිද?

පුතාගෙන් කවදාහරි දවසක ඉස්කෝලේ ළමයි හෝ කවුරුම හරි ඇහුව්වොත් ඔයාගේ අම්මා මෙහෙම රඟපෑවා නේද කියලා. ඒ අහන දේවල්වලට උත්තර දෙන්න මට එයාව හැඩ ගැස්සුවේ පුතා මගේ බඩේ ඉද්දීමයි. අද සමාජය දවසින් දවස වෙනස් වෙනවා. එයාගේ තරුණ අවධිය එනකොට ඒ දේවල් මහා ලොකුවට කතාකල යුතු මාතෘකා වේවි කියලා මම හිතන්නේ නැහැ. මොකද මගේ පුතාව මම පුහු සංස්කෘතියක් ඇතුලේ කිසිම වෙලාවක හිර කරලා හදන්නේ නැහැ.

මෙන්න බලන්න තවත් පුවත්