සුජානි මේනකා කියන්නේ රංගන ශිල්පිනියක විදියට ලංකාවේ හැමෝම ගොඩක් ආදරේ කරන රංගන ශිල්පිනියක්, ඉතින් මේ වගේ කාගේත් ආදරේ දිනාගෙන ඉන්න සුජානි විවාහ වෙලා ඉන්නේ ලංකාවේ ඉන්න දක්ෂ වගේම දැවැන්ත රංගන ශිල්පියෙක් වන බිමල් ජයකොඩි සමග, කාලෙන් කාලෙට විවිද චරිත හරහා ඔබෙත් මගෙත් සිත් සොරාගත් සුනානි මේනකා සමගයි අද අපේ කතාබහ.

සුජානි කියන්නේ කවදාවත් වයසට යන්නනේ නැති රංගන ශිල්පිනියක් කියලයි ඔයාගේ රසිකයින් කියන්නේ, ඇත්තටම සුජානි සමේ පැහැය ආරක්ෂා කරගන්න මොනවද කරන්නේ..? ”ගෙදර ඉන්න වෙලාවටනම් මම මොනවත් කරන්නේ නෑ, ඒත් මම මහගෙදර ගියාම පුංචිලා නංගිලා මට එක එක පැක් හදලා දෙනවා ඇඟේ ගාන්න, කහ, සුදු හඳුන්, වෙනිවැල් ගැට, කොකුම් පොතු වගේ දේවල් තමයි ඒ පැක් වලට දාන්නේ, ආයේ ගස්ලබු යෝගට් කහ එකට දාලා පැක් හදලා දෙනවා, ඒ අයම ඒවා ගැනවත් එක්ක, හරිම විනෝදයි කට්ටියත් එක්ක එකතුවෙලා ඒවා කරද්දී.

ඊට අමතව මම දවසට ගොඩක් ක්‍රීම් වර්ග ගාන්න පුරුදු වෙච්ච කෙනෙක් නෙවෙයි, හැබැයි මම මගේ ශරීරය පිරිසිදු කලාට පස්සේ ඉතාම හොඳ තත්ත්වයේ තෙතමනය සහිත මොයිචර්රයිසරයක් භාවිතා කරනවා. ඊට අමතරව සන් ක්‍රීම් එකක් පාවිච්චි කරනවා, ඊට අමතරව ඉතින් ශරීරයේ හැඩය ගැන සැලකිලිමත් වෙනවා, කෑමෙන් බීමෙන් එහෙමත් මම ගොඩක් පරිස්සම් එච්චරයි වෙන මොනවත් කරන්නේ නෑ”.

සුජානි කියන්නේ නිතරම සතුටුන් ඉන්න කෙනෙක්, ඉතින් මෙහෙම සතුටින් ඉන්න මොනවද කරන්නේ ”පුංචිම පුංචි දෙයක් විතරයි කරන්න තියෙන්නේ, මම උදේ නැගිට්ට ගමන් කරන්නේ පුළුවන් තරම් අද දවස සුබයි කියලා හිතනවා, ඉතින් ඒ දවස කොච්චර කටුක උනත් මිහිරි දවසක් වගේ හිනාවෙලා ඉන්න පුළුවන්, සමහර වෙලාවට දුක හිතෙනවා සතුට ඈතට යනවා ඒ වෙලාවට මම සතුටු වෙන්න පුළුවන් විදියේ එක එක උපක්‍රම යොදනවා, මොකද දුකෙන් ඉද්දී ලෙඩ වැඩයි වගේම ලස්සන නැතිවෙනවා”.

සුජානි කාලයක් පෙන්නම හිටියේ නෑ, ඇයි ඒ ”මම කාලයක් එකදිගට වැඩ කළා, ඉතින් මට ඕන වුනා පොඩි විවේකයක් ගන්න, මොකද හිතේ තියෙන ප්‍රශ්න වලට වගේම මහන්සි නිසයි මම එහෙම තීරණයක් ගත්තේ, බිමලුත් කිවුවා ටික කාලයක් නිවාඩු ගන්න කියලා, එයත් ඒ වෙනුවෙන් මට ගොඩක් උදවු කළා, හැබැයි මම කළා ලෝකයේ පෙන්න නැතිවෙලා බිමල් විතරක් පෙන්න ඉද්දී ගොඩක් අය අහලා තිබ්බා සුජානි පවුල කඩාගෙනද කියලා, සාමාන්‍යයෙන් කළාකරුවන් ඉක්මනට දික්කසාද වෙන නිසා එහෙම අහන්න ඇති අපි දෙන්නා වැඩිය ඒවා ගණන්ගන්නේ නෑ”.

පැරණි පුවත්

ළමයි දෙන්නෙක් ඉන්නවා කියලා මගේ දැඟලිල්ල අඩුවෙලා නෑ – නෙහාරා පීරිස්

පුංචි තිරයේ ඉන්න සමානනීය වගේම සුන්දර රංගන ශිල්පිනියක් තමයි නෙහාරා පීරිස් කියන්නේ, කොහොම වුනත් නෙහාරා දැන් නම් ඇය වැඩිය පේන්න නෑ, ඉතින් අපි හිතුවා මේ දවස්වල කාගේත් ආදරේ දිනාගෙන ඉන්න නෙහාරා පීරිස් සමග, ඉතින් නෙහාරා ඔයාලගේ පවුලට අලුත් සාමාජිකාවක් එකතු වුනා නේද..? ”ඔව් දැන් අපේ පවුලට තවත් සාමාජිකාවක් එකතු වෙලා ඉන්නේ, දියනියන්ම දෙන්නෙක් තමයි මේනකටයි මටයි ඉන්නේ, දැන් මගේ සහ මේනකගේ ජීවිතේ තවත් ලස්සන වෙලා කියන්න පුළුවන්, ඇත්තටම ඒ සතුට වචන වලට හරවන්න බෑ, හරිම සතුටින් ඉන්නේ මේ දවස්වල”

දියණියන් දෙන්නෙක් ඉන්න අම්ම කෙනෙක් නේ දැන්, ඉතින් ඔබට වගකීම් ගොඩක් වැඩියි නේද..? ඔව් ඒක ඇත්ත ඒක හැම අම්මා කෙනෙක්ට හැම තාත්තා කෙනෙක්ටම පොදු දෙයක්, මොකද දැන් අපි බබාලා දෙන්නගේ ඉදිරි අනාගතය ගැන හිතන්න ඕන, ආරක්ෂාව ගැන හිතන්න ඕන, දරුවෝ දෙන්නා ඇස්දෙක වගේ බලාගන්න ඕන, ආදරේ වැඩි නිසා හරිම බයයි, ඒ හැඟීම දැනෙන්නේ අම්මා කෙනෙක්ටම විතරයි, ඒ දේවල් ගැන හිතත්දී ඔලුවට පීඩනයක් එනවා, මොකද ඉන්නේ කෙල්ලෝ දෙන්නෙක් නේ,”

නෙහාරා කියන්නේ ටිකක් දඟකාර කෙළිලොල් කටකාර චරිතයක්, හැබැයි දැන් මවක් ඉතින් දැන් ගෙවන ජීවිතේ එක්ක කලින් ගෙවපු ජීවිතේ ගැන මොකද හිතෙන්නේ..? මෙහෙමයි අම්මා කෙනෙක් වුනා කියලා මම මගේ දැඟලිල්ල නතර කරලා නෑ, බිරිඳක් වුනා කියලා අම්මා කෙනෙක් වුනා කියලා වෙනසක් නෑ නෙහාරා නෙහාරාමයි, හැබැයි මම බිරිඳක් විදියට වගේම මවක් විදියට මගේ යුතුකම් සියයට සියයක්ම ඉටු කරන්න කැපවෙලා ඉන්නවා, මම පළවෙනියට අම්මා කෙනෙක් වෙලා බබා ගෙදරට ගෙනාව දවසේ ඉඳලා බබා නාවන කවන පොවන වැඩ හැම දෙයක්ම කලේ මම, මේ පාරත් එහෙම තමයි, මගේ අම්මටවත් බබා නාවන්න දුන්නේ නෑ, හැබැයි නෙහාරා ඉස්සර වගේමයි වෙනස්වෙලා නෑ”

නෙහාරා ආයේ කළා නිර්මාණ හරහා අපිට දැකගන්න ලැබෙන්නේ කවදද..? ”මෙහෙමයි ආයේ ටෙලිනාට්‍ය හරහා නම් මාව දකින්න ලැබේවිද කියලා කියන්න අමාරුයි, මොකද මම දැන් ළමයි දෙන්නෙක් ඉන්න අම්මා කෙනෙක්, දැන් ජීවිතේ වැඩිම තැනක් දීලා තියෙන්නේ මගේ පවුලට සහ ළමයි දෙන්නට, ඒ හේතුව නිසා කළා ක්‍ෂේත්‍රයට සම්බන්ද වෙන්න වෙන්නේ බොහොම අඩුවෙන්, මම නර්ථන ප්‍රසංග වලටනම් සම්බන්ද වේවි, හැබැයි ඒ දේවල් කරන්න කලින් මම මගේ බර අඩු කරගන්න ඕන, දැන් මගේ බර 80ක් වෙලා, මේ බර මටම දරාගන්න අමාරුවෙලා ඉන්නේ,”

මෙන්න බලන්න තවත් පුවත්