සංගීත ලෝකය තුළ ගොඩක් දෙනෙක් ආදරය කරන බොහෝ දෙනෙක් අතර ජනප්‍රිය වෙච්ච දක්ෂ සංගීතඥයෙක් තමයි අතුල අදිකාරි කියන්නේ. ඔහු පිළිබඳව කථා කරද්දී අතුල විසින් ගායනා කරපු හරිම ලයාන්විත ගීත සමුදායක්ම අපට අදටත් රස විඳින අවස්ථාව උදාවෙලා තියෙනවා. ලස්සනට ගිටාර් වාදනය කරන මේ සුන්දර කලාකරුවා ගැන කතා කරද්දි අමතක නොකරම බැරි චරිතයක් ඉන්නවා. ඒ තමයි ඔහුගේ අතිනත ගත් ආදරණීය ගායිකාවක් වන සමිතා එරන්දතී මුදුන්කොටුව මහත්මිය.

ඔවුන් දෙදෙනා පෙම්වතුන් බවට පත් වෙලා විවාහ ජීවිතයට ඇතුළත් වෙනවා. ඒ විවාහයෙන් ඔවුන්ට ආදරණීය දියණියක් ඉපදෙනවා. ඇය තමයි කාවින්දයා අධිකාරි. කාවින්දයා අධිකාරි මේ දිනවල සංගීත ක්ෂේත්‍රයේ වැඩ කටයුතු කරනවා කියලත් සඳහන් වෙනවා. කෙසේ නමුත් සමිතට තව පුතෙක් ඉන්නවා ඉතින් මේ විදිහට ඔවුන් ජීවිකාව ගෙනියද්දි ඇති වූ යම්කිසි මතභේදාත්මක ගැටලු සහගත තත්ත්වයන් නිසා අතුල සහ සමිතා විවාහයෙන් වෙන් වෙන්න තීරණය කරනවා.

ඔවුන් දෙදෙනා විවාහයෙන් දික්කසාද උනාට පස්සේ සමිතා මුදුන්කොටුව නැවත වතාවක් ආදරණීය තරුණයෙක් සමඟ ජීවිතයක් ගත ගත කරන්න තීරණය කලා. අතුල විවාහයෙන් අයින් වෙලා අමායා අධිකාරි සමග විවාහ වුණත් මේ වන විට හෝ ඒ විවාහයෙන් වෙන්වෙලා තමයි ජීවත් වෙන්නේ.

සමිතා සහ අතුල වෙන් වුනත් ඔවුන් දෙදෙනා අතර කිසිම තරහක් හිත් අමනාප කමක් නැහැ. පසුගිය කාල සීමාවේ අපි දැක්කා මේ දෙන්නම එකට එකතු වෙලා කරපු ආයෙමත් ආදරෙන් කියන ඒ ලස්සන ගීතය. ඉතින් ඒ විදිහට හැමෝටම එකට එකතු වෙලා වැඩ කටයුතු කරන්න අමාරුයි විවාහය විවාහයෙන් පස්සේ. නමුත් ඔවුන් දෙදෙනාව විවේචනය කරන බොහෝ දෙනෙක් ඔවුන් තාමත් කිසිම තරහක් නැතුව හොඳින් ජීවත් වෙනවා කියන දේ දන්නෙ නැහැ. ඒ නිසා එක්තරා අවස්ථාවකදී වැඩසටහනකට සහභාගි වෙලා අතුල අදිකාරි මේ සම්බන්ධයෙන් සඳහනක් කලේ මේ විදියටයි.

“විවාහය ආවේ මේ මෑතකදී කියලා කවුරුත් දන්නේ නැහැ. විවාහයක් කියලා එකක් තිබුන් නැහැ ඉස්සර.විවාහය එනකම් ප්‍රශ්න තිබුණෙත් නෑ. විවාහය ගෙනාවෙ සුද්දො. අද සුද්දෝ විවාහය අතහැරලා. අද කාලයේ විවාහය ගැන මොනවද දන්නේ. සෝෂල් මීඩියා වලින් තමයි දෙන්නෙක් වෙන්න උනහම ඕක ප්‍රසිද්ධ කරන්නේ. ඒක හැඩල් කරන්නේ වයසක අය නෙවෙයි.

අවුරුදු තිහක් 45ක් විතර අපිට තියෙන එක්ස්පීරියන්ස් එක විවේචනය කරනවා 20, 25 හේ කිසිම දෙයක් දන්නේ නැති කට්ටිය. ඒගොල්ලන්ට අපේ සිතුවිලිත් එක්ක හැරෙන්නවත් බැහැ ඒ නිසා තවදුරටත් මනස දියුනු කරගන්න. විවාහය කියන්නේ මොකක්ද ආදරේ කියන්නෙ මොකක්ද කියලා දැනගන්න. තව කෙනෙක් විවේචනය කරන්න කලින් අඩු ගානේ විවාහ වෙලා බලන්න. විවාහ ගැන දකින විදිහ වෙනස් කරන්න”

ඉතින් ඔහු ඒ විදිහට තමයි මේ වැඩ සටහනට එකතු වෙලා ඔවුන්ගේ විවාහය විවේචනය කරපු බොහෝ දෙනෙක් වෙනුවෙන් ගැඹුරින් හිතන්න පුළුවන් අදහසක් ප්‍රකාශ කළේ.

පැරණි පුවත්

සුරූපී නතාශා පෙරේරාගේ සැමියා ප්‍රිහාන් අන්තිමේදී ඇත්ත හෙළි කරයි. ඔහු ලගදීම ලොකු පිම්මක් පනින්නලු හදන්නේ

යායට පායනා පුන් පෝදා සඳ, කියලා මීට අවුරුදු 13කට කලින් රසිකයින්ගේ ආකර්ෂණය දිනාගත් ප්‍රිහාන් මදප්පුලී ඊට පස්සේ මුළු රටක්ම කතා කරන චරිතයක් බවට පත් වුණා.

ඒ ඔහුගෙයි නතාෂා පෙරේරාගෙයි විවාහයත් එක්ක.ඊට පස්සේ ඔහු නිහඬ වුණා. රසිකයින්ටත් ඔහුව අමතක වෙන්න ඇති.ඒ ඔහුගේ කටහඬ හෝ රූපය නොදැක්ක නිසා.ඒ කොහොම වුණත් ඔහුගේ ආදරණීය බිරිඳ නතාෂා නම් තවමත් කතාබහට ලක්වෙන චරිතයක් වෙලා.

මේ දිනවල රාවයක් යන්නේ ඔවුන් දෙන්නා දික්කසාද වෙලා කියලා.ඒ නිසා අලුත් පිම්මක් පනින්න යන ප්‍රිහාන් එක්ක කාලෙකට පස්සේ ජීවිතය ගැන විමසන්න රසඳුනට එක්කර ගත්තා.

ප්‍රිහාන් අලුත් පිම්මක් පනින්න යනවලු. නතාෂා දික්කසාදය ගැන කතා කරපු ගමන්ම ඔබත් වෙනස් වුණා නේද ..?

ඔව්. මේ දවස්වල ලොකු පිම්මක් පනින්න යන්නේ. වෙන දීගෙක නෙමෙයි. අලුත් ගීතයක් කරලා එළිදක්වන්න සූදානම් වෙනවා. මේ ගීතය යුග ගීතයක්. ගී පද බන්දුල නානායක්කාරවසම් මහතාගේ සංගීතය අස්ලාන්ගේ. තනුව මගේ. මම බන්දුල මහත්මයාට තනුව දීලා කිව්වා මට මෙන්න මේ විදිහේ ගීතයක් කරන්න ඕන පද ටික හදලා දෙන්න කියලා. එතුමා ලස්සන වචනවලින් ලස්සන සිංදුවක් ලියලා දුන්නා. යුග ගායනයට නව පරපුරේ ගායිකාවක් තෝරා ගත්තා.

කොහොමද මේ ගීතයට නතාෂාගෙන් ලැබුණු ප්‍රතිචාර. ඇය ඒ ගීතය නරඹන හැම විටම අඬනවා කියන කතාව ඇත්තද..?

එයාට සිංදුව කළාට පස්සේ අහන්න බලන්න දුන්නා. කීප සැරයක් එයා බැලුවා. බලපු හැම වෙලාවෙම ඇඬුවා. එයාට ඒක ෆීල් වෙලා රසට. ඒකයි එයා හැඟීම්බර වෙන්නේ. ඒ විඩියෝ එක බලන්නම ඕන. එහෙම නැතුව කිවුවට තේරෙන්නේ නැහැ ඒ හැඟීම.

ලස්සන හඬක් තියෙන ලස්සන බිරිඳක් ඉද්දි ඇයව මඟ හැරලා වෙන කෙනෙක් ගයන්න තෝරා ගත්තාට ඇගේ අමනාපයක් නැද්ද ..?

නතාෂා කියන්නේ මම කැමතිම හඬ. අපි කොහේ හරි පාටියකට ගියත් අපි දෙන්නා සිංදු කියනවා. එයා වෙන කෙනෙක් එක්ක සිංදු කියද්දි මම හරි ආසාවෙන් අහගෙන ඉන්නවා. මොකද ඒ තරම් ඒ හඬට මම ආදරෙයි. නමුත් මේ අලුත් ගීතයට එයාව කොහෙත්ම ගැළපෙන්නේ නැහැ අපි දෙන්නා හරි නිදහසේ ජීවත් වෙන දෙන්නෙක්. එහෙම නීති දාගෙන කොටු කරගෙන නැහැ, සංගීතය පැත්තෙන් විතරක් නෙමෙයි පෞද්ගලික ජීවිතේත් එහෙමයි. ‍

පසුගිය කාලේ ලොකුවට ප්‍රචාරය වුණා දෙන්නා ඩිවොස් කියලා..?

ඔව්. අපි දෙන්නව එකට සමාජ මාධ්‍ය ඔස්සේ දකින්න ලැබෙන්නේ නැහැ, විශේෂයෙන්ම මගේ ෆොටෝස්වත් මම ෆේස්බුක් දාන්නේ නැහැ. ඒකත් එක හේතුවක් ඔය කතාව පැතිරෙන්න. පාටියකට ගියත් මම ඒ මොහොත එන්ජෝයි කරනවා මිසක් ෆොටෝස් ගන්නේ නැහැ. ඒ මගේ හැටි. මගේ ෆෝන් එකේ එක ෆෝටෝ එකක් හොයා ගන්න බැහැ මගෙයි නතාෂාගෙයි. නතාෂා බල කරලා ෆොටෝස් ගත්තොත් මිසක්. ඒ වගේම එයා පහුගිය දවසක වීඩියෝ ඉන්ටර්විව් එකකට ගියා. එතැනදි මෙයා පැහැදිලිව කියනවා. නමුත් හෙඩ් ලයින් එක දාලා තිබ්බ විදිහෙන් බොහෝ දෙනෙක් වැරදි විදිහට තේරුම් ගත්තා. ඒක බලලා මට හරියට කෝල්ස් ආවා. මම පුළුවන් විදිහට තේරුම් කරලා දුන්නා.

ඒ කියන්නේ ඔබ දෙදෙනා එක වහලක් යට තවම ජීවත් වෙනවා ..?

ඔව්, අනිවාර්යයෙන්ම. වෙන් වෙන්න හේතු නැහැ අපිට. දෙන්නා එකට දැක්කේ නැහැ කියලා ඩිවොස් කියන එක කොහොමද කවුරුත් ජජ් කරන්නේ. අපි එදා වගේම හොඳින් ජීවත් වෙනවා. වෙන අයගේ පවුල් ජීවිත ඇතුළේ තියෙන සුන්දර වගේම තරහාවීම් යාළුවීම් බැණ ගැනිම් ඔක්කොම අපි අතරත් තියෙනවා. කවුරුත් සර්ව සම්පූර්ණ නැහැ. පවුල් දෙකක දෙන්නෙක් එක පවුලක් හදා ගත්තේ. ඝට්ටන නොගැලපීම් නැතුව නෙමෙයි. අදටත් දෙන්නටම දිනුම ඕන. දෙන්නගෙන් එක්කෙනෙක්වත් නැමෙන්න කැමති නැහැ. නමුත් දෙන්නගෙම හිත් වෙනස්. ආදරණීයයි. අපි අපිට ආදරෙයි. ඒ නිසා වෙන් වෙන්න හේතු ඇති වුණත් මේ සංසාරික බැඳීම මේ විදිහටම තියෙයි. ඒ වගේම මෙච්චර කාලයක් නෝට්ටු කොළයක් පස්සේ දුවලා විඳින ජීවිතේ මඟ ඇර ගත්තාද කියලත් හිතෙනවා. ඒ නිසා ඉදිරියේ දී අපි දෙන්නා වැඩිපුර එකට ඉන්න කාලය යොදවන්න හිතුවා.

ලොකු කට්ටක් කාලා යාළු වෙලා අත හරින්නේ කොහොමද නේද ..?

ඒකනේ. නතාෂා එක්ක යාළු වුණේ හරියට පස්සෙන් ගිහිං, අවුරුදු තුනක කාලයක් එයාගේ පස්සෙන් ගියා මම ආදරේ කරන්න. හරිම අමාරුවෙන් කැමති කර ගත්තේ. ඊට පස්සේ අවුරුදු හතරක් ආදරේ කරලා තමයි 2011 අවුරුද්දේ විවාහ වුණේ. පස්සෙන් ගිහිං යාළු කරගත්තේ කියලා කොහෙවත් කියන්න එපා කියනවා නතාෂා. එයා කැමති නැහැ මම එහෙම කරා කියලා වත් හිතන්න. ඒ තරම් ආදරෙයි. මම හිතන්නේ අපේ බැඳීම සංසාරික බැඳීමක්. කොච්චර රණ්ඩු කරත් බැණ ගත්තත් ඒ වෙලාවට විතරයි.

දෙන්නගේ දික්කසාදය ගැන කතා පැතිරෙද්දි ඇය හා ඔබ ඊට ප්‍රති උත්තර දුන්නේ කොහොමද ..?

එයා නිතරම සෝෂල් මීඩියා ඉන්න නිසා එයාට ඒ කතා ගැන ගාණක් නැහැ. ඒවා හිතන්නේ නැහැ. නමුත් ඇයි මෙහෙම කතා හදන්නේ කියලා මට නම් දුකක් ඇති වුණා.

ඇයි දෙන්නා එකට ගී කියන්නේ නැත්තේ. නතාෂා එක තැනක කියලා තිබුණා ඔබ ඇයට කිවුවා කියලා වෙන වෙනම ගීත කරමු කියලා..?
අපි දෙන්නගේ වෙඩින් එක දවසේ අවුට් කරන්න හිටපු ගීතයක් තියෙනවා. ඒකේ වීඩියෝ එක ලැබෙන්න ගොඩක් කල් ගියා. ඊට පස්සේ ඒක අත ඇරලා දැම්මා. ලොකු බජට් එකකට කරපු සිංදුවක්. දැන් ගැලපෙන්නේ නැහැ ඒක. ළඟදිම අපි දෙන්නගේ ගීතයක් අහන්න පුළුවන්. ඒකත් ඉක්මනින් රිලීස් කරනවා. මම මුලදී එහෙම කිවුවේ එයා එක්ක සිංදු කරන්න තිබුණු අකමැත්තක් නිසා නෙමෙයි. ඒ කාලේ මම සිංදු කරන එක නතර කරලා බිස්නස් වැඩවලට මුල් තැන දුන්නා. මාත් එක්ක සිංදු කරන්න හිටියොත් එයාටත් කරන්න බැරි වෙන නිසයි. ඒකට එයාගේ හිත රිදුණට ඒක එයා තේරුම් ගත්තා. දැන් ආයෙමත් හොඳ ගීත දෙකකින් ජනතාව අතරට එනවා.

ඔබේ පදිංචිය ඕස්ට්‍රේලියාවේ. නැවත විදෙස්ගත වෙනවා කියන්නේ ඇත්ත ද..?

අපි දෙන්නා 2019 නැවත එහේ ජීවත් වෙන්න යන්න ඉන්නකොට තමයි කොවිඩ් ආවේ. ඒත් එක්කම නොයා හිටියා. මෙල්බන්වලින් ඇඩිලේඩ් ගියා. දැන් ජීවත් වෙන වාසස්ථානය තියෙන්නේ එහේ. අපි දෙන්නා නැවත හරි ඉක්මනින් එහේ යන්න ඉන්නේ.

අලුත් ගීතය හිට් එකක් වෙයි කියලා හිතෙනවද කියලම මේ කතාබහට සමුදෙමු..?

ඒක ජනතාව ආදරෙන් භාර ගනියි. හදවතට දැනෙන සංවේදී ගීතයක්. ඒත් එක්කම පරණ ප්‍රිහාන්ව බොහෝ දෙනෙකුගේ මනසට එයි කියලා විශ්වාස කරනවා. බලමු කාලයක් නොදැක්ක නිසා හිතා ගන්න බැහැ.

හර්ෂණී වීරරත්න

මෙන්න බලන්න තවත් පුවත්