මවක වීම බොහෝ ගැහැනුන්ට අනන්‍ය වූ සිහිනයක්.ජීවිතේ කුමන හෝ අවස්ථාවක දරුවකු දෝතට ගැනීමට බොහෝ කාන්තාවන් දක්වන්නේ දැඩි ආශාවක් සහ උනන්දුවක්.නමුත් එය සැබෑ කර ගැනීම සිදුවන්නේ ජීවිතයේ තරුණ කාලය තුළයි.

අවුරුදු හැට හයකදී අම්මා කෙනෙකු වූ කාන්තාවක් ගැන ඔබ විශ්වාස කරන එකක් ද නැහැ.

රුමේනියානු කාන්තාවක් වයස අවුරුදු 66 දී දරුවෙකුට උපත ලබා දී ලෝක වාර්තාවක් තැබුවා.2005 ජනවාරි 16 වන දින බුකාරෙස්ට් හි ජියුලෙස්ටි මාතෘ රෝහලේදී සිසේරියන් සැත්කමකින් ඇඩ්‍රියානා ඉලිස්කු නම් ඇය එලිසා මරියා නම් දියණියක බිහි කර තිබෙනව.

සෞඛ්‍ය සම්පන්න තරුණපරිත්‍යාගශීලීන්ගේ ඩිම්බ සහ ශුක්‍රාණු භාවිතයෙන් කෘතිම ගැබ් ගැන්වීමකින් පසු ඉලීස්කු ගැබ්ගෙන ඇති බව රෝහල් ප්‍රධානී බොග්ඩන් මැරිනෙස්කු අනාවරණය කළා. ඇයගේ ගර්භාෂයට කළල සාර්ථක ලෙස දරා ගත හැකි බව සහතික කිරීම සඳහා ඇය හෝර්මෝන ප්‍රතිස්ථාපන ප්‍රතිකාර ලබාගෙන ඇති බවටද විශ්වාස කරනවා.

ප්‍රසූතියට පසු ඇඩ්‍රියානා දැඩි සත්කාර ඒකකයට යොමු කෙරුණා.සති 40ක සම්පූර්ණ ගැබ් ගැනීමක් නොවූ අතර සති තිස් හතරක වැනි අඩු කාලයකදී දරුවා උපත ලබා ඇති බව රෝහල පවසා තිබුණා. ඇයගේ බර රාත්තල් 3ක්, අවුන්ස 3ක් වූ අතර එය සාමාන්‍ය අලුත උපන් බිළිඳෙකුගේ බරින් අඩකටත් වඩා අඩු වූවා.දැරිය දැඩි සත්කාර ඒකකයේ ද ප්‍රතිකාර ගෙන තිබෙනවා.

ඇඩ්‍රියානා තුන් නිවුන් කළලයක් දරා සිටියත් ප්‍රසූතියට පෙර දරුවන් දෙදෙනෙක් කළල අවස්ථාවේම මිය ගොස් තිබුණා.

මේ සිදුවීම වෛද්‍ය ආචාර ධර්ම කෙසේ වුවත් රුමේනියානු සෞඛ්‍ය බලධාරීන් නැවත සිදු නොවිය යුතු දෙයක් බවට පවසා තිබුණා.වයසින් වැඩි කාන්තාවන් කෘතිම ගැබ් ගැනීම් හරහා හෝ දරුවකු ලැබීමට පෙළඹවීම ඔවුන්ට කරන හානියක් බවයි ඔවුන්ගේ අදහස වූයේ.

2005 ඉපදුණු එලීසා ගැන 2010 වසර පමණ වන විට ඇඩ්‍රියානා ඉතාමත් උද්යෝගයෙන් කතා බහ කලා.ඇය දැරියගේ අත්තම්මා දැයි දැයි සමහර විමසීම ගැන ඇය බින්දුවක්වත් කම්පා වුයේ නැහැ.ඇය එලීසාට අවුරුදු විස්සක්වත් වන තුරු ජීවත් වීම වෙනුවෙන් මත්පැන් සහ දුම්වැටි භාවිතයෙන් සම්පූර්ණයෙන්ම තුරන් වී තිබුණා.

ඇඩ්‍රියානා මෙය දකින්නේ සරු කාලය තුළ ගැබ් ගැනීමට නොහැකි වූ කාන්තාවන්ගේ ජයග්‍රහණයක් ලෙසයි.

ධනවත්, මධ්‍යම පාන්තික, උගත් පවුලක උපන් ඇඩ්‍රියානා වයස අවුරුදු 20 දී විවාහ වූ අතර එම වසරේම ගැබ් ගත්තා ඒත් ඇය ක්ෂය රෝගයෙන් පීඩා විඳි නිසා දරුවාගේ පැවැත්ම ගැන ඔවුන් බිය වූ නිසාත් ඇයට ගබ්සාවක් කිරීමට වෛද්‍යවරු උපදෙස් දුන්නා. ඇය අකමැත්තෙන් වුවද එකඟ වූවා.ඇයගේ සැමියා ඇයට වයස අවුරුදු 24 දී ඇය හැර ගොස් තිබෙනවා. ඇය කිසි දිනක නැවත විවාහ නොවූ අතර දිගින් දිගටම අධ්‍යාපන කටයුතු කරමින් වෘත්තිය ජීවිතයට සම්බන්ධ වී තිබෙනවා.

‘මම වැඩ කරන නිසා මට ළමයෙක් ගැන හිතන්නවත් බැරි වුණා. ‘හැබැයි අවුරුදු 37 ඉඳන් මම ආචාර්ය උපාධිය සම්පූර්ණ කළාට පස්සේ දරුවෙක් හදන්න ලෑස්ති ​​වුණා. ඒත් ඒ කාලේ IVF තිබුණේ නැහැ.’

රුමේනියාවේ IVF පහසුකම ලබා දෙන විට ඇයගේ වයස අවුරුදු 57 ක්. ඇඩ්‍රියානාට ප්‍රතිකාර කළ නමුත් ඇගේ පළමු ගැබ් ගැනීම 2000 දී අසාර්ථක වුණා. පසුව ඇය ප්‍රතිකාර සඳහා බුකාරෙස්ට් හි වෛද්‍ය බොග්ඩන් මැරිනෙස්කු වෙත යොමු වූ අතර එය එලිසාගේ උපතට හේතු වුණා.

ඇය කෙසේ හෝ ජයග්‍රහණය කරන්නේ ඒ ආකාරයෙන්.

මේ වෙද්දී එලීසා දාහත් හැවිරිදි තරුණියක්.ඇගේ අම්මා ඇය සමඟ තවමත් ජීවත් වීමම ඇගේ සතුට වන්නට ඇති.

මවක වීම වෙනුවෙන් අසීරු මාවත්වල ඇවිද යන බොහෝ ගැහැණු ඔබට මට හමු වෙනවා.වසර කිහිපයක් තිස්සේ විවිධ සටන් වල නිරතවී තමන්ගේ සිහින සැබෑ කර ගත් සෑම අම්මා කෙනෙකුටම ඇඩ්‍රියානා අපූරු පූර්වාදර්ශයක්.එහි ජීව විද්‍යාත්මක සහ වෛද්‍ය විද්‍යාත්මක බොහෝ ගැටලු තිබිය හැකියි.එහෙත් ලෝකයේ වයස්ගතම අම්මා ලෙස වාර්තාවක්ද පිහිටවූ ඇඩ්‍රියානා අම්මා කෙනෙකු වීමේ අරමුණ අත නොහැරි අපූරු කාන්තාවක්.

පැරණි පුවත්

ආරක්ෂාවට පොලු තියා ගන්නවා. අපේ අම්මා වළලු,මාල කරේ,අතේ පුරවගෙනනේ ඉන්නේ.

කේ සුජීවා කියන්නේ ඉඟිමරන තරු රෑන කෝ කියන ගීතය හරහා එළිමහන් ප්‍රසංග වේදිකාව තුල අතිශයින් ජනප්‍රිය ට පත් වෙච්චි දක්ෂ ගායිකාවක්. එනිසාම ඇගේ ආදරණීය දියණියන් දෙදෙනාත් ඇයගේ දක්ෂතාවය සහ අවවාද අනුශාසනා මැද මේ වෙද්දි සංගීත ලෝකය තුළ තමන්ගේම කියලා ගමන් මඟක් ආරම්භ කරලා අවසන්.

ඉතින් දියණියන් දෙදෙනා අතරින් ඇයගේ වැඩිමහල් දියණිය තමයි අන්ජලී රාජ්කුමාර් කියන්නේ. ඇය දිගටම ශ්‍රී ලංකාවේ හිටපු කෙනෙක් නෙවෙයි.අංජලී වැඩිදුර අධ්‍යාපන කටයුතු සඳහා ඉන්දියාව බලා පිටත් වෙනවා.ඊට පස්සේ නැවත වතාවක් ඇය ලංකාවට ආවහම තමයි කේ සුජීවගෙ ආදරණීය දියණිය විදිහට ඇය ප්‍රසිද්ධ වුණේ.ඒ අතීතය පිළිබඳව අන්ජලී කිව්වේ මේ වගේ කතාවක්

. “අද අපට කටයුතු ඉවරවෙලා මම ලංකාවට ආවේ 2017 අවුරුද්දේ.ඒත් එක්කම තමයි මම ගෙදර mash-up එක කළේ.ඒක කළ නිකන් ජොලියට වගේ කිසිම කොලිටියට නෙමෙයි කලේ.හැබැයි ඒක ජනප්‍රිය වුණා ඒත් එක්කම දැනගත්තා මේ අන්ජලී කියන්නේ k සුජීවගෙ දුව කියලා.ඊට පස්සේ ඉතින් කොලිටි එකක් ඇතුව මෑෂප් එකක් කරා. ඒකටත් ජනතාව ආදරය කලා කළා ඊට පස්සේ කරන්න හිටියට බැරි වුණා එන අවුරුද්දෙවත් එකක් කරන්න ඕනේ”

ඉතින් ඒ විදියට අදහස් දක්වන අන්ජලී මේ දවස්වල තමන්ගෙම කියලා ව්‍යාපාරයක් පටන් අරන්. එත් ගොඩක් දෙනෙක් කරන්නැති ආකාරයේ බිස්නස් එකක්.ඇය පරණ වාහන මිලදී අරගෙන ඒවා අලුත් කරලා මොඩිෆයි කරලා නැවත වතාවක් විකුනනවා.මේ ව්‍යාපාරයට මේ වෙද්දි විශාල වශයෙන් ඉල්ලුක් තියෙනවා කියලත් ඇය සඳහන් කළා.

ඒ වගේම තමයි අන්ජලී නංගී සහ අම්මා ගෙදර ජීවත් වෙන්නේ මේ වෙද්දි තනියම.පිරිමි කෙනෙක් මේ ගෙදර නැහැ. ඒ නිසාම තමන්ගේ ආරක්ෂාව තමන් බලාගන්න තත්වෙට ඔවුන් පත්වෙලා.ඒ නිසා තමන්ගෙ ආරක්ෂාව වෙනුවෙන් මොන වගේ දේවල්ද කරන්නේ කියලා අහපුවාම අංජලී කිව්වේ මේ වගේ කතාවක්.

අපි වාහනේ යකඩ පොලු තියාගෙන ඉන්නේ. ගෙදර දොර මුල්ලේ යකඩ පොලු තියෙනවා.ලොකුවට බයක් දැනිලා නැහැ. නමුත් ප්‍රශ්නයක් වුණොත් කියන්න බැහැ.ඒ නිසා ආරක්ෂාවට පොලු තියා ගන්නවා.අපේ අම්මා වළලු මාල කරේ අතේ පුරවගෙන ඉන්නේ”

මෙන්න බලන්න තවත් පුවත්