ලංකාවේ ඉන්න රංගන ශිල්පිනියන් අතරින් දේශපාලනය සමග සම්බන්දවෙලා මේ වනවිට හැමෝගෙම ආදරේ දිනාගන්න සමත් වෙලා ඉන්න රංගන ශිල්පිනියක් තමයි ඕෂධී හේවාමද්දුම කියන්නේ, ඉතින් අපි අද අපේ කතාබහට එකතු කරගන්නේ ඇයයි, ඕෂදී දැන් ඔයාව කළා ලෝකය හරහා වැඩිය පේන්න නෑ, ඉතින් දේශපාලනය නිසා රංගනයට සමු දීලද..? ”මෙහමයි මම රංගන වාරණය කරලා නෑ, හැබැයි සමාජ සත්කාර වැඩ එක්ක තරමක් කාර්යබහුල වෙලා ඉන්නේ, කොහොම වුනත් මම රංගනයට සමු දීලා නෑ, මට හොඳ නිර්මාණයක් ලැබුනොත් මම බාරනොගෙන ඉන්නේ නෑ”

දැන් රංගනයට එකතුවෙන අලුත් පරම්පරාව ගැන මොකද හිතෙන්නේ..? ”මම මේ ක්‍ෂේත්‍රයට ආව කාලේ මමත් නවකයෙක්, ඉතින් මට මේ ක්‍ෂේත්‍රයේ ඉදිරියට එන්න ප්‍රවීනයන් ගොඩක් උදවු කළා, දැන් නම් ප්‍රසිද්ද වෙන්න රැල්ලක් තියෙන්නේ, කැමරාවක් ඉස්සරහා හැරෙන්නවත් දන්නේ නැති අය මේ ක්‍ෂේත්‍රයට ඇවිල්ලා, ඉතින් මම කියන්නේ රංගනය ගැන පොඩි දෙයක් හරි ඉගනගෙන මේ ක්‍ෂේත්‍රයට එනවනම් තමයි හොඳ, හැබැයි ඉතින් නළු නිලියෝ මුවාවෙන් වෙන වෙන දේවල් කරලා සල්ලි හොයන්න නම් මේ ක්‍ෂේත්‍රයට ඇවිත් මේ නම ක්‍ෂේත්‍රයේ නම කැත කරන්න එපා”

ඕෂධී ජීවිතේ මුල්තැන දෙන්නේ මොනවටද..? මම මගේ ජීවිතේ වැඩියෙන්ම ආදරේ කරන්නේ මගේ පවුලට, අනිත් හැම දෙයක්ම කරන්නේ සීමාවක් ඇතුලේ, මම පවුලේ හැම වැඩක්ම හොයලා බලනවා, හැබැයි මම මගේ අනිත් දේවල් නතර කරන්නේ නෑ, හැමදේම සමබරව කරගෙන යනවා, මොකද ජීවිතේ කියන්නේ විනෝදෙන් ගෙවන්න ඕන දෙයක්, අනවශ්‍ය විදියට හැමදේම බදාගෙන වැඩ කරන්නේ නෑ,”

කළා ලෝකයේ ගොඩක් රංගන ශිල්පිනියන්ගේ විවාහ ජීවිත වැඩිය සාර්ථක නෑ, ඉතින් ඔයාටත් දෙවෙනි විවාහයකට යන්න ලැබුනොත් මොකද කරන්නේ ”මේකයි ඕක ආසියානු රටවල්වල තියෙන ප්‍රශ්නයක්, මම හිතන විදියට දරුවෙක්ට තාත්තට වඩා වැදගත් වෙන්නේ අම්මා, මෙහෙමයි තාත්තා ඕන නැතුව නෙවෙයි තාත්තා කෙනෙක්ට අමාරුයි අම්මා තාත්තා දෙන්නම වෙන්න, හැබැයි අම්මා කෙනෙක්ට පුළුවන් ඒ දෙකම කරන්න, කාන්තාවක් තවත් විවාහයකට යද්දී දරුවන්ට ගොඩක් ප්‍රශ්න එනවා සමාජීය වශයෙන් වගේම මානසික වශයෙන් එයාලට ඒවා බලපානවා, දෙවෙනි විවාහයකට යන්න දෙතුන් වතාවක් නෙවෙයි සිය දහස් වතාවක් හිතන්න ඕන”

ඔබේ සැමියා ඔයාව අත්හැරලා වෙන කෙනෙක් ලඟට ගියොත් මොකද කරන්නේ ”ඇත්තම කියනවනම් මම ටිකක් ආත්මාර්ථකාමී මට මොනවා හරි වුනොත් ඔයා ළමයි හොඳට හදාගන්න හැබැයි ආයේ විවාහ වෙන්නනම් එපා හොල්මනක් හරි වෙලා මම එනවා කියල තියෙන්නේ එයාට, ඇත්තටම මම තනිවුනොත් මම ආයේ විවාහ වෙන්නේ නෑ, මම හිත හයිය කාන්තාවක්, මට පුළුවන් ළමයි හදාගෙන සතුටින් ඉන්න”

පැරණි පුවත්

පස්ස හැරිලා ඉද්දී හැමෝටම අපි දෙන්නා පටලැවෙනවා-අනූ කනු

පහුගිය කාලයේ ලංකාවේ හැමෝම අතර වැඩියෙන්ම කතාවුන දක්ෂ රංගන ශිල්පිනියන් දෙදෙනෙක් තමයි අනුශ්කි සහ කනුශ්කි කියන්නේ, ඒ වගේම ලංකාවේ ජනප්‍රියතම නිවුන් රංගන ශිල්පිනියන් දෙදෙනා විදියටත් අනුශ්කි සහ කනුශ්කි හඳුන්වන්න පුළුවන්, ඉතින් අපි අද අපේ කතා බහට එකතු කරගෙන ඉන්නේ කාගේත් ආදරේ දිනාගෙන ඉන්න අනුශ්කි සහ කනුෂ්කිවයි, අනුශ්කි කොහොමද අලුතෙන් උදාවුණ 2023 අවුරුද්ද..? ”නංගිටයි මටයි මේ අවුරුද්දේ බලාපොරොත්තු ගොඩක් තියෙනවා, ඒ අතරින් ප්‍රධානම එක තමයි අපි අපේම කියලා ඩාන්සින් ස්ටුඩියෝ එකක් පටන් ගන්න එක, ඒක අපි දෙන්නා පොඩ්කාලේ ඉඳලම දැක්ක හීනයක්, ඒ හීනය 2023 වසරේදී සැබෑ කරගන්න මූලික පියවර ටික අරගෙන ඉවරයි, මේ දවස්වල අපි නිතරම මහන්සි වෙන්නේ ඒකෙ වැඩ වලට”

ඔයාලා දෙන්නා කලාවට සම්බන්ද වෙන්නේ ටික්ටෝක් හරහාද..? ”මෙහෙමයි අපි දෙන්නගේ මුලික අරමුණ වුනේ පොඩි කාලයේ ඉඳලම නර්ථන ශිල්පිනියන් දෙදෙනෙක් වෙන එක, ඉතින් ඒ ආසාව එක්ක ලැබුන දෙයක් තමයි රංගනය කියන්නේ, ඒ හැමදේකටම මූලික වුනේ ටික්ටෝක්, අපි දෙන්නා කරපු ටික්ටෝක් වීඩියෝ එකක් වයිරල් වුනා ඒක නිසා තමයි ජනප්‍රිය වෙන්න ලැබුනේ, අපිට රඟපාන්න අවස්තාවක් ලැබෙන්නේ හරිම අහම්බෙන්, අපිට හෂාන් රුක්ෂාන් අයියා තමයි මුලින්ම ටෙලිනාට්‍යකට ආරාධනා කලේ, ඒ ‘සින්’ කියලා නාට්‍යකට, එකට ටුවින්ස්ලා දෙන්නෙක් ඕන වෙලා තිබ්බා, ඒ වෙද්දී අපිට ඒ ගැන කිසිම අත්දැකීමක් නෑ, ඉතින් ඒ නිසා අපි දෙන්නා රඟපාන්න බය වුනා, හැබැයි හරියන්න හරි වරදින්න හරි අපි දෙන්නා ඒ නාට්‍යයේ රඟපෑවා,

ඒ කාලෙයේ තමයි ‘මල් පිපෙන කාලයේ’ ටේලිනාට්‍යට ටුවින්ස්ලා හොයනවා කියලා දැන්වීමක් දාලා තිබ්බා, ඒ නාට්‍යයේ අධ්‍යක්ෂ තුෂාර තෙන්නකෝන් මහතා ගේ ෆේස්බුක් ගිණුමේ, අපේ ලොකු අක්කා ඒක දැකලා අයදුම්පතක් දාලා තිබ්බා, ඊටපස්සේ අපිට තිර පරීක්ෂණයකට ආරාධනාවක් ආවා. එතනට ටුවින්ස්ලා ගොඩක් ඇවිත් හිටියා, එතනින් සමත් වෙලා කියලා තුෂාර සර් ඇතුළු කණ්ඩායම අපි දෙන්නාට කිව්වා, අපි දෙන්නගේ නර්ථන හැකියාවත් ලොකු උදවුවක් වුනා ඒ චරිත දෙක ලැබෙන්න”

කනුශ්කි අනුශ්කි දෙන්නම එකම වගේ ඉතින් කොහොමද මේ පටලැවිල්ල ලිහාගන්නේ..? ඇත්තටම හැමෝටම ඒක ලොකු ප්‍රශ්නයක් අපි දෙන්න ඉස්සරහින් දැක්කත් එක වගේ පිටිපස්ස හැරිලා හිටියත් හැමෝටම දෙන්නා පටලැවේනවා, වැඩිය ඕන නෑ පස්ස හැරිලා ඉද්දී ගෙදර අයටවත් අපිව අඳුරගන්න බෑ, ඉස්කෝලේ කාලේ තමයි හරිම ජොලි වැඩ වෙන්නේ, ඒ කාලේ කොල්ලෝ අක්කා කියලා හිතලා මගේ පස්සෙනුත් ඇවිත් තියෙනවා, මට දෙන ලියුම් වැරදිලා අක්කට දීලා තියෙනවා, තාමත් ගොඩක් අයට අපිව හරියට අඳුර ගන්න බෑ,”

කියන්නකෝ ඔයාලා දෙන්නගේ අම්මා ගැන ”අපේ පවුලේ ඉන්නෙම ගැහැණු දරුවෝ හයක්, අපේ අම්මා ගොඩක් ධෛර්යවන්ත කාන්තාවක්. තාත්තා නැතිවෙච්ච දවසේ ඉඳලා අපි හයදෙනා වෙනුවෙන් කැපවෙලා වැඩ කලේ මගේ අම්මා, ඇත්තම කියනවනම් අපි දෙන්නා අපේ තාත්තා දැකලා තියෙන්නේ පොටෝ එකකින් විතරයි, තාත්තා නැති අඩුව කවදාවත් අම්මා අපිට දැනෙන්න දීලා නෑ, කොච්චර අපහසුතා තිබ්බත් අම්මා අපිට ඒ අමාරුකම් දැනෙන්න දීලා නෑ, ගැහැනු ළමයි හයදෙනෙක් එක්ක මේ සමාජයේ හැප්පෙනවා කියන්නේ ලේසි නැහැ. ඇත්තම කියනවනම් අපේ අම්මට තියෙන ධෛර්යවන්තකම අපිට නැහැ.”

මෙන්න බලන්න තවත් පුවත්