දෙවෙනි ඉනිම කියන්නේ ලංකාවේ මේ වනවිට වැඩිම ජනප්‍රියත්වයක් හිමිකරගෙන තියෙන ටෙලිනාට්‍යක්, ඉතින් මේ නාට්‍ය හරහා හැමෝගෙම ආදරේ දිනාගන්න සමත්වුණ සුන්දර රංගන ශිල්පිනියක් තමයි ශලනි ප්‍රනාන්දු කියන්නේ, කොහොම වුනත් මේ වනවිට ශලනි දෙවෙනි ඉනිම නාට්‍යයෙන් ඉවත්වෙලා, ඒකට හේතුව වගේම ශලනිගේ ජීවිතයේ අලුත් තොරතුරු ගැන දැනගන්න අපි හිතුවා ශලනි එක්ක ටිකක් කතා කරන්න, ශලනි ඇත්තටම දෙවෙනි ඉනිමේ චූටි මැණිකේ කියන චරිතයට සමුදුන්නද..? ”ඔව් මම දෙවෙනි ඉනිම නාට්‍යයෙන් ඉවත් වුනා, මම වසර පහකට වැඩි කාලයක් දෙවෙනි ඉනිම නාට්‍ය එක්ක සම්බන්ද වෙලා හිටියා, මේ නාට්‍යයෙන් ඉවත් වෙනවා කියන එක මම එකපාර ගත්ත තීරණයක් නෙවෙයි,

මම සෑහෙන්න කාලයක් තිස්සේ හිතාගෙන හිටියේ මේ නාට්‍යයෙන් ඉවත් වෙන්න, මොකද වසර පහක් එකම චරිතයටකට කොටුවෙලා ඉන්නකොට මට දැනුනා දැන් වෙනසක් කරන්න කාලය ඇවිත් කියලා, දෙවෙනි ඉනිම කණ්ඩායම එක්ක අමනාප වෙලා නෙවෙයි මම ඉවත් වෙන්න තීරණය කලේ, එහෙම කියන්න ප්‍රධාන හේතුව තමයි ගොඩක් අය මගෙන් අහනවා මොකද දෙවෙනි ඉනිමෙන් අයින් වුනේ කියලා, දෙරණ නාලිකාව නිසා තමයි මම රංගන ශිල්පිනියක් වෙන්නේ, මේ තැනට එන්න හැම විදියකින්ම උදවු කලේ දෙරණ නාලිකාව, එදිරිමුණි අයියා අපේ අඩුපාඩු ගොඩක් හැදුවා ඒ ගෞරවය එයාට හිමි වෙන්න ඕන,”

2023 මොනවද අලුත්ම ප්ලෑන් ”ප්ලෑන් කියන්නේ මෙහෙමයි මම බාර අරගෙන ෂූටින් පටන්ගෙන තියෙන නිර්මාණ වලට සම්බන්ද වෙනවා, ඒ වගේම තව නිර්මාණ කිහිපයකට ආරාධනා ලැබිලා තියෙනවා හැබැයි මම තාම ඒවා බාර අරගෙන නෑ, ඉතින් ඒවගෙන් මට ගැලපෙන ඒවා තෝරලා අරගන්න ඕන, අම්මා කියනවා මට ඉක්මනට බඳින්න දැන් දැඟලිල්ල හොඳටම වැඩියි කියලා, හැබැයි මම නම් තාම ඒ තීරණයට යන්න හිතාවත් නෑ, බලමු බලමු ඉස්සරහට මොනවා හරි වේවි නේ”

ශාලනිට සිනමාවට ආරාධනා ලැබෙන්නේ නැද්ද..? ආරාධනා ලැබෙනවා හැබැයි මම හොයන මම ආස විදියේ චරිතයක් මට තාම ලැබිලා නෑ, මට දැන් අහිංසක ගැමි චරිත කරලා ඇතිවෙලා තියෙන්නේ, මට ඕන ටිකක් අභියෝගයක් තියෙන චරිතයක් කරන්න, මොන චරිත ලැබුනත් මම මගේ ඇඳුම් පැළඳුම් ගැන ගොඩක් හිතනවා, කොච්චර ජනප්‍රිය වුනත් කොච්චර ගෙවනවා කිවුවත් මම මගේ සීමාවෙන් එහාට අඳින්න පළඳින්න තියෙන චරිත මම බාරගන්නේ නෑ, ඒක මම මේ ක්‍ෂේත්‍රයට එද්දිම අරගෙන ආව ප්‍රතිපත්තියක්”

පැරණි පුවත්

අයියයි මල්ලී දෙන්නම එක බිරිඳ ගෙනාපු කාලෙකුත් තිබුණා, ඉතින් සිංගල් මාම් කියන්නේ මැජික් එකක් නෙවෙයි-චතුරිකා පීරිස්

පුංචි තිරයෙන් වගේම රිදී තිරයෙනුත් නිරන්තරයෙන් ප්‍රේක්ෂකයින් හමුවට එන දක්ෂ ජනප්‍රිය මෙන්ම සුරූපී රංගන ශිල්පිනියක් තමයි චතුරිකා පීරිස් කියලා කියන්නේ.

ඉතින් අපේ රටේ කළා කරුවන් අතරින් බොහෝම දක්ෂ නිරන්තරයෙන්ම කා අතරත් කතා බහට ලක්වෙන තරු යුවලක් විදිහට ගයාන් සහ චතුරිකා යුවල හදුන්වලා දෙන්න පුළුවන්. ඒ වගේම චතුරිකා සහ ගයාන් ආදරණීය යුවලට මේ වෙද්දී පුංචි සුරංගනාවියක් වගේ ලස්සන හුරතල් දූ සිගිත්තියක් ඉන්නවා. ඉතින් මේ පුංචි හුරතල් ආරාධනා දෝනිගේ හුරතල් මැද ගයන් සහ චතුරිකා යුවල ආදරණීය සුන්දර ජීවිතයක් ගත කරන බවත් කාටත් රහසක් නම් නෙවෙයි.

කොහොම නමුත් චතුරිකා පහුගිය දවසක යූ ටියුබ් මාධ්‍ය සාකච්චාවක් එක්ක එකතුවෙලා ඇය ගැන බොහෝ දෙනෙක් නොදන්නා කරුණු කිහිපයක් ගැන කතා බහ කරලා තියෙනවා අපට දැකගන්න ලැබුණා. ඉතින් චතුරිකාට දරුවෙක් ලැබෙන්න ඉන්නවා කියලා දැන ගත්තාම ඔවුන් හරිම සතුටින් ඒ දේ බාර ගත්තා කියලයි ඇය කියන්නේ.

ඒ වගේම දැන් ඇයට හිතෙනවාලු ආරාධනා දියණිය නැතුව ගෙවපු කාලය අපරාදේ කියලත්. ඉතින් ඒ වගේම ඇයට සාමාන්‍ය විදිහට දරුවාව බිහි කරන්න අවශ්‍ය වෙලා තිබුනත් ඒ වෙලාවේ සුදුසුම දේ වුනේ සීසර් සැත්කමක් කිරීම කියලා ඇයට ඇයගේ වෛද්‍යවරයා පවසලා තියෙනවා. නමුත් සීසර් සැත්කමෙන් පසුව පවා ඇයට ලොකු වේදනාවක් තිබුනේ නැහැ කියලයි ඇය පවසන්නේ.

ඉතින් ඇඟ කැත වෙනවට බය වෙලා, ඒ වේදනාවට බය වෙලා සමහරු දරුවෝ හදන්නේ නැහැ කියන්නේ ලොකු මෝඩ කමක් කියලත් ඇය කියනවා. ඉතින් දරුවෙක් ලැබෙනවා කියන්නේ ලොකු වගකීම් වගේම ඒ දේවල් වලට දරුවා ලැබුනට පස්සේ දෙමව්පියන් විදිහට ඉබේම හුරු වෙනවා කියලයි චතුරිකා කියන්නේ. ඒ වගේම කවදාවත් ඇය ඇයගේ ඇඟ ගැන හිතලා දරුවාට කිරි නොදී ඉඳලා නැහැ. නමුත් ඇය රූගත කිරීම් වලට යන දවස් වලට දරුවට එක වේලක් විතර කිරි මඟහැරෙන නිසා

ඒ වෙලා ෆෝමියුලා දෙන්න ඇයට සිදු වුණා කියලත් ඇය කියනවා. ඒ වගේම මව් කිරි වල ගුණාත් අවුරුද්දකින් විතර නැති වෙන නිසා ආරාධනා දෝනිව අවුරුද්දකින් පස්සේ ෆ්‍රෙෂ් මිලක් වලට හුරු කළා කියලයි ඇය කියන්නේ. ඉතින් අදටත් ඇය ෆ්‍රෙෂ් මිලක් බොන්න හුරු වෙලා තියෙනවාලු. ඒ වගේම අද සමාජයේ සිංගල් මාම් කියන දේ ගැන වැඩිපුර කතා බහට ලක්වුනාට ඈත අතීතයේ ඉදන්ම ලංකාවේ ඕන තරම් තනි මව්වරු ඉඳලා තියෙනවා කියලත් ඇය කියනවා.

ඒ වගේම ලංකාව කියන්නේ එක ගෙයි සංස්කෘතියක් තිබුණ රටක් නිසා අයියයි මල්ලී දෙන්නම එකම බිරිඳ ගෙනාපු කාලෙකුත් තිබුණා කියලත් ඇය කියනවා. ඒ වගේම ඉස්සර අපේ රටේ විවාහය කොලේක ලිය වුනු දෙයක් නෙවෙයි කියලයි චතුරිකා කියන්නේ. ඉතින් ඉංග්‍රීසීන් ලංකාව ආක්‍රමනය කලාට පස්සේ තමයිලු සහතිකේකට අත්සන් කරන්න පටන් ගත්තේ. කොහොම නමුත් නොගැලපීම් එක්ක අසතුටින් දෙන්නෙක් ජීවත් වෙනවාට වඩා හොඳම දේ ඒ දෙන්නා වෙන්වෙන එක කියලයි ඇය අවසාන වශයෙන් පවසලා තිබුනේ.

මෙන්න බලන්න තවත් පුවත්