ධනුශ්ක ගුණතිලකට ලංකාවට එන ටිකට් එක මිස්වුනේ නූලෙනි. වසරකට කලින් මෙම සිද්ධිය සිදු වූවානම් ධනුශ්කට බොහෝ විට ගැටළුවකින් තොරව ලංකාවට ඒමට ඉඩ තිබුනි. එත් ඒක් ගැහැණියකගේ අරගලයක් එයට හරස් විය. මේ ඇය නොවේ. ඇය නොවේද නොවේ. ඔස්ට්‍රේලියාවේ ලිංගික එකඟතාවය සම්බන්ධයෙන් පැවති නීතිවලට අනුව ලිංගික දූෂණයක් සම්බන්ධ නඩු විභාගයකදී චූදිතයාට තමන් වින්දිතයාගේ එකඟතාවය සාධාරණ ලෙස විශ්වාස කළ බවට තර්ක කිරීමේ හැකියාව තිබුන. චූදිත වින්දිතයා එකඟතාවය ප්‍රකාශ කිරීමට කිසිවක් නොකළ අවස්ථාවක වූවත් “මම හිතුවේ එයා කැමතියි කියල“ තර්ක කිරීමට චූදිතයාට පුළුවන්.

2013 වසරේදී එක් දිනක සිඩ්නි නුවර රාත්‍රී සමාජ ශාලාවකදී 18 වැනි වියෙහි සිටි සැක්සන් මුලින්ස්ව එම රාත්‍රී සමාජ ශාලා හිමිකරුගේ පූත්‍රයා වූ 21 හැවිරිදි ලූක් ලාසරස් විසින් දූසනය කලා. ඒ ඇයට ඔහුව හමුවී මිනිත්තු කිහිපයකට පසුවයි.

2015 වසරේදී පළමු නඩු විභාගයෙන් ලූක් ලාසරස් බලහත්කාරී ස්ත්‍රී දූසනයට වැරදි කරු වුනා. ඔහු නඩු තීන්දුව අභියාචනය කලා. 2017 වසරේදී සිදුවූ නඩු විභාගයේදී සාධාරණ හේතුමත පදනම් වූ කැමැත්ත පිළිබද වැරදි විශ්වාසයක් මත ලාසරස් ක්‍රියා කර ඇතැයි පවසමින් ඔහු වැරදිකරු නොවනබව තීරණය වුනා.

මෙම අත්දැකීම ගැන ඇය ජූරියට මෙසේ කියා තිබුන. “මම එයාට කිව්වා මම ආපහු මගේ යාළුවා ඉන්න තැනට යන්න ඔනෙ කියල. ඒකට ඔහුට හොදටම තරහ ගියා. හරිම ආක්‍රමණශීලී විදියට හැසිරුනා. මම බයෙන් ගල් ගැහුනා. මම මොනවද කරන්න ඕනෙ කියල මම දැනගෙන හිටියේ නැහැ. ඒ නිසා මම ඔහු කියපු දේ කලා. ලිංගික හිංසන සිදුවීමකදී බියෙන් ගල් ගැහෙනව කියන එක බොහෝ වින්දිතයන්ගේ අත්දැකීමක්. ඒත් සෘජුව බැහැ යයි නොකීම සහ පොර බැදීමක් වැනි විරෝධයක් නොපෙන්වීම එකගතාවය පෙන්වීමක් ලෙස අර්ථකතනය කිරීමට විත්තිකරුගේ පාර්ශවයට තිබෙන අවකාශය වැඩියි.

ඒ වගේම රාත්‍රී සමාජ ශාලාවට යාම, වූදිතයා සමග සතුටින් කතා කරමින් සිටීම, එකට ඩාන්ස් කිරීම වැනි ඕනෑම දෙයක් චූදිතයාට ලිංගික එකඟතාවයට සාධාරණ විශ්වාසයක් ඇති කිරීමට බලපෑ කාරණා ලෙසට ගෙන එන්න පුළුවන්. සැක්සන් මුලින්ස්ටත් වුනේ ඒ වගේ දෙයක්.

නඩු තීන්දුවෙන් විත්තිකරු නිදහස් වුනා. ඒත් ඇය නිහඩ කිරීමට නඩු තීන්දුවට නොහැකි වුනා. ඇය ඇයගේ යුක්තිය වෙනුවෙන් අරගල කිරීමට තීරණය කලා. 2018 වසරේදී ඇය ඇයගේ කතාව සමග ඉදිරියට පැමිණියා. ඇයගේ කතාව ලැව් ගින්නක් මෙන් ඔස්ට්‍රේලියාව පුරා පැතිරුණා. ලිංගික එකඟතාවය සම්බන්ධයෙන් පැවති නීති රීති විප්ලවකාරී වෙනසක් වෙත තල්ලු කිරීමට ඇයට හැකිවුනා.
2021 නොවැම්බර් 23 වෙනිදා නිව් සවුත් වේල්ස් රජය ලිංගික එකඟතාවය සම්බන්ධයෙන් නව පනතක් සම්මතකර ගත්ත. ඒ ධනුශ්ක ගුණතිලකගේ සිදුවීමට වසරකට කලින්. ඒ නීතිය 2022 පූනි මස සිට බලාත්මක වෙනව. නව නීතිය අනුව ලිංගික එකඟතාවය උපකල්පනය මත නොව සන්නිවේදනය මත පදනම් විය යුතුයි.

මෙම නව නීති වලට අනුව ලිංගික සම්බන්ධය සිදුවෙන නිශ්චිත අවස්ථාවේදී එය උපකල්පනයක් මත නොව සෘජු සන්නිවේදන ක්‍රියාවලියක් මත සිදුවිය යුතුයි. අතවරයක් සම්බන්ධයෙන් චෝදනා ලැබූ පුද්ගලයකුට නිකන්ම “මම හිතුවේ එයා කැමැත්තෙන් හිටියේ“ එහෙමත් නැත්තන් “කෙල්ලො කොහොමත් බෑ කිව්වට කැමැත්තෙන් ඉන්නේ“ කියන උපකල්පන මත පදනම් වෙන්න බැහැ. එම උපකල්පනය තහවුරු කර ගැනීමට ඔහු හෝ ඇය විසින් ගන්නා ලද පියවර පැවසිය යුතුයි.

මනුශ්‍ය ලිංගික සම්බන්ධතාවල තිබෙන සංකීර්ණත්වය සහ ශුංගාරය නීති මගින් සීමා කිරීමට අපහසු බව සත්‍යයක්. ඒත් ඔස්ට්‍රේලියාවේ සෑම ගැහැණුන් හය දෙනෙකුගෙන්ම එක් අයෙක් සහ සෑම පිරිමි විසි පහකින්ම එක් අයෙක් ලිංගික අපචාරයක වින්දිතයෙක් වී ඇති මොහොතක මනුශ්‍ය සබදතා අතරට නීතිය කඩා වැදීම වැලැක්ව්ය නොහැකියි.

වින්දිතයන්ගේ ගැටලුවට මානුෂික විසදුම් අප ඉදිරිපත් නොකරනතාක්, ඔවුන්ගේ වේදනාවට අප සන්වේදී නොවනතාක් වින්දිතයන් නීතිය දෙසට තල්ලු වීම අපට වැලැක්විය නොහැකිය. මිනිසුන්ගේ ආත්ම ගෞරවය සහ ආත්ම අභිමානය යනු ගිනි කන්දකි. සමහර ගිනි කදු නිසලය. එත් සමහර ගිනිකදු කතා කරන්නේ ලෝකයක් පුපුරා හරිමින්‍ ය. එනිසා ගිනි කන්දේ නිසලබව සමග සෙල්ලම් නොකරන්න. සැක්සන් මුලින්ස් ගිනිකන්දකි.

බුද්ධික

පැරණි පුවත්

නව වසර උදා වූ දා අතුරුදහන් වූ තරුණිය තරුණයකු එක්ක කාමරයකින් මතු වෙයි

නව වසර උදාවු දින පහලොස් හැවිරිදි දැරියක් ආගිය අතක් නොමැති බවට ලද පැමිණිල්ලක් අනුව පරීක්ෂණ කිරීමේදී දින හයකට පසු තරුණයෙකු සමඟ කාමරයක සිටියදී සොයාගත් බව පින්වත්ත පොලිසිය පවසයි.

පහලොස් හැවිරිදි දැරිය රැගෙන ගොස් රදවා තබාගැනීම සම්බන්ධයෙන් තරුණයාද අත්අඩංගුවට ගත්බව පොලිසිය කීය.

සැකකාර තරුණයා දැරියව පානදුර,මාලමුල්ල ප්‍රදේශයේ පිහිටි සිය නැන්දාගේ නිවසේ රදවාගෙන සිටීයදී සොයාගත් බව පොලිසිය කීය.දැරිය අධිකරණ වෛද්‍යවරයෙක් හමුවට යොමුකිරීම සඳහා රෝහල් ගතකර ඇතැයි රෝහල් ප්‍රකාශයකයෙක් පැවසීය.

සැකකාර තරුණයා පානදුර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

නව වසර උදාවු දින පහලොස් හැවිරිදි දැරියක් ආගිය අතක් නොමැති බවට ලද පැමිණිල්ලක් අනුව පරීක්ෂණ කිරීමේදී දින හයකට පසු තරුණයෙකු සමඟ කාමරයක සිටියදී සොයාගත් බව පින්වත්ත පොලිසිය පවසයි.

පහලොස් හැවිරිදි දැරිය රැගෙන ගොස් රදවා තබාගැනීම සම්බන්ධයෙන් තරුණයාද අත්අඩංගුවට ගත්බව පොලිසිය කීය.

සැකකාර තරුණයා දැරියව පානදුර,මාලමුල්ල ප්‍රදේශයේ පිහිටි සිය නැන්දාගේ නිවසේ රදවාගෙන සිටීයදී සොයාගත් බව පොලිසිය කීය.දැරිය අධිකරණ වෛද්‍යවරයෙක් හමුවට යොමුකිරීම සඳහා රෝහල් ගතකර ඇතැයි රෝහල් ප්‍රකාශයකයෙක් පැවසීය.

සැකකාර තරුණයා පානදුර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

මෙන්න බලන්න තවත් පුවත්