මහව සිට ඕමන්තය දක්වා දුම්රිය මාර්ගය නවීකරණය කිරීමේ පළමු මුලික අදියර වන අනුරාධපුර සිට වවුනියාව අතර දුම්රිය ධාවනය හෙට (5) සිට අත්හිටුවයි.

ඉන්දියානු ණය ආධාර ක්‍රමය යටතේ ඇමරිකානු ඩොලර් මිලියන 91 කට අධික මුදලක් වියදම් කරමින් මෙම ව්‍යාපෘතිය ක්‍රියාත්මක කරයි.

මෙම වසා දැමීමත් සමඟ කොළඹ සිට කන්කසන්තුරය දක්වා දිනකට ක්‍රියාත්මක වන දුම්රිය ගමන් වාර හතර අවලංගු කිරීමෙන් ජනතාව දැඩි අපහසුතාවට පත් වන බවත් පවතින දුම්රිය මාර්ගය ගලවා නවීකරණය කිරීම වෙනුවට ද්විත්ව මාර්ගයක් ඉදිකර කාලය අවම කර දුම්රිය ධාවනයට අවශ්‍ය කටයුතු සිදු කිරීම අත්‍යවශ්‍ය බවත් දුම්රිය ස්ථානාධිපති සංගමය පවසයි.

මෙවැනි ජාතික ව්‍යපෘති හරහා සිදුවන රාජ්‍ය මුදල් අවභාවිතය වෘත්තිය සමිතියක් ලෙස විරුද්ධ වීමට හේතුව දුම්රියක් කිසිදා දැක නොමැති මෙරට ජනයාගේ මුදල් පවා මෙම දුෂිත ගනුදෙනුවලට වැයවන නිසා බවත් මේ පිලිබදව විරෝධතා දිගින් දිගටම පාලනාධිකාරියට සහ ජනාධිපතිවරයාට යොමුකළ ද නිසි අවධානය යොමු නොවීම කණගාටුවට කරුණක් බවත් එම සංගමය කියයි.

මෙම මාර්ගය තනි මාර්ගයක් ලෙස නවීකරණය කිරීමට අවශ්‍යතාවය පැවතියේ නම් කොවිඩ් වසංගතය හමුවේ දුම්රිය ගමනාගමනය නතර කර පවතී සමයේදී සැලසුම් කර පවතී ආකාරයෙන්ම සිදු කිරීමට හැකියාව තිබූ බව කියන දුම්රිය ස්ථානාධිපති සංගමය එම කාලයේදී එම ව්‍යාපෘතිය නතර කර නැවත ආරම්භ කිරීමට සැලසුම් කිරීම මගින්ම ව්‍යපෘති සැලසුම්කරණය පිළිබද මෙම නිලධාරීන්ගේ අවබෝධය පිළිබද මෙරට සියළු ජනතාව තේරුම් ගැනීම සුදුසු බව ද සඳහන් කළේය.

මෙන්න බලන්න තවත් පුවත්