ඉදිරියේදී රට වඩාත් දරුණු හා සංවිධානාත්මක ලෙස ජනතා අරගල පරිවර්තනය කරා තල්ලු වෙමින් පවතින බව ශ්‍රී ලංකා නිදහස් පක්ෂයේ මහ ලේකම් හිටපු අමාත්‍ය නීතිඥ දයාසිරි ජයසේකර සදහන් කරයි.

ඔහු වැඩිදුරටත් කියා සිටියේ ,

“සෞඛ්‍ය ක්‍ෂේත්‍රයේ රෝහල්වලට යනකොට ම පුටුවල වාඩි වෙලා ඉන්න අය දකිනවා. ඒ අයව ගන්නේ ‘සනීපාරක්ෂක කම්කරු’ කියලා. ඒ වැඩේ කරන්න ලංකාවේ සුද්ධ කිරීමේ ආයතනයකට බිලියන දෙසීය හැට අටක් ගෙවලා තියෙනවා. ගිය අවුරුද්දේ විතරක්. මේ කෝපා කමිටුවේදී අනාවරණය වූ සිද්ධියක්. විශාල ප්‍රමාණයක් තියෙනවා සුද්ධ කර ගන්න ඕනේ දේවල්. මේවා සුද්ධ කරගන්න කොන්දක් තියෙන දේශපාලනඥයෝ නැතිකම තමයි අපිට තිබුණු ප්‍රධාන අර්බුදය.

කවුරු ජනාධිපති, අගමැති වුණත් සියලු පක්ෂ එකතු වෙලා මේ තීන්දුවට දැන්වත් එන්න පුළුවන් නම් හොඳයි. අපිට යළි අවස්ථාවක් එන්නේ නැති වෙයි. පනහක් හැටක් එකතු වෙලා කරන විනාශයක ප්‍රතිඵලයක් විධියට මුළු දෙසිය විසිපහට ම බැනුම් අන්න වෙලා තියෙන්නේ.”

ඔහු මේ බව සඳහන් කළේ හෙක්ටර් කොබ්බෑකඩුව ගොවි පර්යේෂණ ආයතනයේ ඉකුත් දා පැවති තිරසර ප්‍රතිපත්ති හා ජාතික පොදු වැඩපිළිවෙළක් උදෙසා තරුණ සමුළුවට එක් වෙමිනි.

newsmania.lk 

මෙන්න බලන්න තවත් පුවත්