දෙවන එළිසබෙත් මහ රැජිනගේ අවමංගල්‍ය උත්සවයේ නිල කාල සටහන මේ වන විට නිකුත් වී ඇත.

 

ඒ අනුව යුගයක නිමාව සනිටුහන් කරමින් ඉතිහාසය තුළ වැඩිම කාලයක් පුරාවට රාජකීයත්වයට හිමිකම් දැරූ එළිසබෙත් ඇලෙක්සැන්ඩ්‍රා මේරි වින්ඩ්සර් නොහොත් දෙවන එළිසබෙත් රැජිණ රාජ්‍ය තාන්ත්‍රිකයන් දහස් ගණනකගේ ගෞරව බුහුමන් මැද අවසන් ගමන් යනු ඇත.

 

අදාළ කාලසටහන පහතින්.

 

සැප්තැම්බර් 19 සඳුදා

 

  • පෙ.ව. 6:30 (මෙරට වේලාවෙන්  – 11.00): රැජිණගේ දේහයට මහජනතාවගේ ගෞරව දැක්වීම අවසන් කෙරේ.
  • පෙ.ව. 10.44: රැජිනගේ දේහය රැගත් මංජුසාව ඇගේ අවමංගල්‍ය කටයුතු සඳහා වෙස්ට්මිනිස්ටර් මාලිගයේ සිට වෙස්ට්මිනිස්ටර් ඇබේ දක්වා පෙරහැරකින් ගෙන යනු ලැබේ. මංජුසාව පසුපසින් චාල්ස් රජු, රාජකීය පවුලේ සාමාජිකයන් එක් වනු ඇත.
  • පෙ.ව. 11.00 (මෙරට වේලාවෙනe – 15.30): රැජිනගේ රාජ්‍ය අවමංගල්‍ය උත්සවය ආරම්භ වේ. ලොව පුරා සිටින රාජකීයයන්, රාජ්‍ය නායකයන් සහ අනෙකුත් සම්භාවනීය අමුත්තන් මීට සහභාගී වනු ඇත.
  • පෙ.ව. 11:55: සියලු කටයුතු මිනිත්තු 55 කින් අවසන් වන අතර අවසාන සටහන එක්සත් රාජධානිය පුරා මිනිත්තු දෙකක නිශ්ශබ්දතාවකින් පසුව ඇසෙනු ඇත.
  • ප.ව. 11:59: ජාතික ගීය ගායනා කර රාජ්‍ය අවමංගල්‍ය සේවය අවසන් කරයි
  • ප.ව. 12:00: රැජිනගේ දේහය රැගත් මංජුසාව පැය 4 ක පමණ කාලයක් නගරයේ ස්මරණීය ස්ථාන වටා බුහුමන් සහිතව ගමන් කරවන පෙරහැර ආරම්භ වේ. මුලින් පෙරහැරකින් වෙලින්ටන් ආරුක්කුව, හයිඩ් පාර්ක් කෝනර් වෙත පැයක් ගමන් කරයි.
  • ප.ව.1:00ට හයිඩ් පාර්ක් කෝනර් වෙත ළඟා වනු ඇත. චාල්ස් රජු සහ රජ පවුල නැවතත් පෙරහැරේ ගමන් කරනු ඇත.

 

 

දේහය රැගත් මංජුසාව වින්ඩ්සර් වෙත ගමන් කිරීම සඳහා රාජකීය මීනී රථය වෙත මාරු කරනු ලැබේ.

දේහය රැගත් මංජුසාව වින්ඩ්සර් වෙත ළඟා වූ විට, රාජ්‍ය මිනී රථය ‘කැපවීමේ සේවාව‘ පැවැත්වීම සඳහා වින්ඩ්සර්හි ශාන්ත ජෝර්ජ් දේවස්ථානයට සෙමින් ගමන් කරනු ඇත. දිගු පෙරහැර ඇවිදීමක් ලෙස මෙය සිදුවේ. එහිදී රාජකීය පවුලේ සාමාජිකයන් වින්ඩ්සර් මාලිගයේ චතුරස්‍රයේදී පෙරහැරට එක්වනු ඇත.

 

  • ප.ව. 4:00: ශාන්ත ජෝර්ජ් දේවස්ථානයේ ‘කැපවීමේ සේවාව‘ ආරම්භ කරන්නට නියමිතය.

මීට එක්වනු ඇත්තේ රැජිනගේ ගෘහයේ සහ රාජකීය පවුලේ අතීත සහ වර්තමාන සාමාජිකයින් පමණි. මෙම සේවාව වින්ඩ්සර් දේවගැතිවරයා විසින් මෙහෙයවනු ලැබේ.

 

  • ප.ව. 7:30 (මෙරට වේලාවෙන් : 00.00)  රැජිණගේ පියා ඇතුළු පවුලේ අයව මිහිදන් කළ  VI වන ජෝර්ජ් අනුස්මරණ දේවස්ථානයේ සුසාන භූමියේදී පෞද්ගලිකව භූමදානය සිදු කෙරේ. මෙම අවස්ථාවට චාල්ස් රජු සහ රාජකීය පවුලේ සාමාජිකයන් පමණක් එක්වනු ඇත.

 

 

http://www.newsmania.lk

මෙන්න බලන්න තවත් පුවත්