නව කොරෝනා උප ප්‍රභේදය පාසල් ළමයින් හා තරුණ ප්‍රජාව අතර පැතිරයාමේ වැඩි අවදානමක් ඇති බව රාජ්‍ය අමාත්‍ය මහාචාර්ය චන්න ජයසුමන ප්‍රකාශ කළා.

ශ්‍රී ජයවර්ධනපුර විශ්වවිද්‍යාලයේ සිදු කළ පර්යේෂණයන්ට අනුව සොයා ගත් නව ඩෙල්ටා කොරෝනා උප ප්‍රභේදය පාසල් දරුවන් අතර සුලබව පැතිර යාමේ අවදානමන් ඇති බව රාජ්‍ය අමාත්‍ය මහාචාර්ය චන්න ජයසුමන සඳහන් කළා. ඔහු මේ බව කියා සිටියේ අනුරාධපුර ප්‍රදේශයේ පැවති වැඩසටහනකින් අනතුරුව මධ්‍ය වෙත අදහස් දක්වමින්.

මේ අතර පාසල් තුළදී සහ ඉන් පිටතදී දරුවන්ගේ හැසිරීම් පාලනය කරමින් රෝග ව්‍යාප්තිය අවම කරගැනීම සඳහා පියවර ගැනීම වැදගත් බවයි රිජ්වේ ආර්යා ළමා රෝහලේ අධ්‍යක්ෂ වෛද්‍ය ජී .විජේසූරිය සඳහන් කළේ.

කොරෝනා රෝගය වැළදෙන පුද්ගලයන්ට ඇතිවන නව පශ්චාත් කොවිඩ් රෝගයක් පිළිබඳව අනාවරණ වී තිබෙනවා.

පාදයේ ඇඟිලිවල ලේ කැටිති ඇතිවීම එහිදී දැකිය හැකියි.

එවැනි රෝගී තත්වයක් බටහිර රටවලින් වාර්තාවී ඇති අතර ශ්‍රී ලංකාවෙන් ද එවැනි රෝගීන් 10 දෙනෙකු පමණ හඳුනාගෙන ඇති බවයි විශේෂඥ වෛද්‍ය වරුණ ගුණතිලක සඳහන් කළේ.

මෙන්න බලන්න තවත් පුවත්