පන්දුවාර විස්සයි විස්ස ලෝක කුසලාන තරගාවලියේ දෙවන අවසන් පූර්ව තරගය තියුණු සටනකින් පසු ජයගන්නට ඕස්ට්‍රේලියාව ඊයේ රාත්‍රියේ සමත් වුණා. ඒ අවසන් පූර්ව තරගයේ දී ඔවුන්ගේ ප්‍රතිවාදීන් වූ තරගාවලියේ එතෙක් අපරාජිත වාර්තාව තමන් සතුකරගෙන සිටි පාකිස්ථානය කඩුලු 05කින් පරාජයට පත්කරමින්.

මෙම තරගයේ දී පාකිස්ථානය වෙනුවෙන් විශිෂ්ඨ ඉනිමක් ක්‍රීඩා කළ ආරම්භකර පිතිකරු මොහොමඩ් රිස්වාන් තරගයට පෙර දින දෙකේ දී රෝහල්ගතව ප්‍රතිකාර ලබා පැමිණ මෙම තරගය ක්‍රීඩා කළ බව පිතිකරණ පුහුණුකරු මැතිව් හේඩ්න් පවසනවා.

රිස්වාන්ට ඇති වූ දරුණු පපුවේ ආසාදනයක් හේතුවෙන් ඔහු මෙලෙස රෝහලේ දැඩි සත්කාර ඒකකයේ ප්‍රතිකාර ලබා ඇති බවයි වාර්තා වන්නේ.

මැතිව් හේඩ්න් වැඩිදුරටත් පවසන්නේ අවසන් පූර්ව තරගය වෙනුවෙන් මොහොමඩ් රිස්වාන් යෙදවීම සම්බන්ධයෙන් අවින්ශ්චිත තත්ත්වයක් පැවතුන ද ප්‍රතිකාර ලබා පැමිණි රිස්වාන්ගේ යෝග්‍යතා පරීක්ෂණය යහපත් වීම හේතුවෙන් ඔහුට ඊයේ තරගය ක්‍රීඩා කිරීමට හැකි වූ බවයි.

ඊයේ තරගයේදී මොහොමඩ් රිස්වාන් පන්දු 52කදී ලකුණු 67ක් ලබා ගන්නේ ඕස්ට්‍රේලියානු පන්දු යවන්නට ආරම්භයේ සිටම හිසරදයක් වෙමින්.

ඕස්ට්‍රේලියානු ක්‍රිකට් ආයතනයේ ට්විටර් ගිණුමේ ද මොහොමඩ් රිස්වාන් වීරයෙකු ලෙස සඳහන් කරමින් ට්විටර් සටහනක් තබමින් ඔහුගේ ඉණිම පිළිබඳව විශේෂ ඇගයීමක් කර තිබෙනවා.

මෙන්න බලන්න තවත් පුවත්